സർക്കാറിൽനിന്ന് ലക്ഷങ്ങൾ കുടിശ്ശിക: മ​ണ്ണാ​ര്‍ക്കാ​ട് താ​ലൂ​ക്ക് ആ​ശു​പ​ത്രി​യി​ൽ സൗ​ജ​ന്യ ചി​കി​ത്സ പ്ര​തി​സ​ന്ധി​യി​ൽ

മ​ണ്ണാ​ര്‍ക്കാ​ട്: സ​ര്‍ക്കാ​ര്‍ ഫ​ണ്ട് കു​ടി​ശ്ശി​ക​യാ​യ​തോ​ടെ ഗ​വ. താ​ലൂ​ക്ക് ആ​ശു​പ​ത്രി​യി​ലെ സൗ​ജ​ന്യ​ചി​കി​ത്സ പ്ര​തി​സ​ന്ധി​യി​ല്‍. 18 വ​യ​സി​ന് താ​ഴെ​യു​ള്ള കു​ട്ടി​ക​ളു​ടെ സ​മ​ഗ്ര ആ​രോ​ഗ്യ സം​ര​ക്ഷ​ണ​ത്തി​നു​ള്ള സേ​വ​ന​ങ്ങ​ള്‍ ഒ​രു കു​ട​ക്കീ​ഴി​ല്‍ ഉ​റ​പ്പു​വ​രു​ത്തു​ന്ന പ​ദ്ധ​തി​യാ​യ ആ​രോ​ഗ്യ കി​ര​ണം പ​ദ്ധ​തി​യി​ല്‍ ല​ക്ഷ​ങ്ങ​ളാ​ണ് അ​നു​വ​ദി​ക്കാ​നു​ള്ള​ത്. നാ​ല് വ​ര്‍ഷ​മാ​യി ഫ​ണ്ട് ല​ഭി​ച്ചി​ട്ടി​ല്ല. 2019 ആ​ഗ​സ്റ്റ് ഒ​ന്ന് മു​ത​ല്‍ 2022 ഒ​ക്ടോ​ബ​ര്‍ 31 വ​രെ​യു​ള്ള കാ​ല​യ​ള​വി​ല്‍ പ​ദ്ധ​തി പ്ര​കാ​രം 16, 66, 325 രൂ​പ ല​ഭി​ക്കാ​നു​ണ്ട്. പു​റ​മെ 9, 24,504 രൂ​പ​യും ബാ​ക്കി​യു​ണ്ട്.

2022 ന​വം​ബ​ര്‍ ഒ​ന്ന് മു​ത​ല്‍ ഈ ​വ​ര്‍ഷം ഒ​ക്ടോ​ബ​ര്‍ 31 വ​രെ കി​ട​പ്പു രോ​ഗി​ക​ള്‍ക്കും ആ​ഗ​സ്റ്റ് ഒ​ന്ന് മു​ത​ല്‍ ഒ​ക്ടോ​ബ​ര്‍ 31 വ​രെ​യു​ള്ള തി​യ​തി​ക​ളി​ല്‍ 18 വ​യ​സ് വ​രെ​യു​ള്ള ഒ.​പി. വി​ഭാ​ഗ​ക്കാ​ര്‍ക്കും 7, 79,504 രൂ​പ​യും ദേ​ശീ​യ ആ​രോ​ഗ്യ ദൗ​ത്യം ഓ​ഫി​സ്, തി​രു​വ​ന​ന്ത​പു​രം സ്റ്റേ​റ്റ് ഹെ​ല്‍ത്ത് ഏ​ജ​ന്‍സി ഓ​ഫ് കേ​ര​ള​യി​ല്‍ നി​ന്നും കി​ട്ടാ​നു​ണ്ട്. ആ​ര്‍.​എ​സ്.​ബി.​വൈ, കാ​സ്പ് പ​ദ്ധ​തി പ്ര​കാ​രം 1, 34, 51,617 രൂ​പ, മെ​ഡി​സെ​പ്പി​ല്‍ 49, 480രൂ​പ, ബ്ല​ഡ് ബാ​ങ്കി​ന് 4,18,000 രൂ​പ​യും ആ​ശു​പ​ത്രി​യ​ക്ക് ല​ഭ്യ​മാ​കാ​നു​ണ്ട്. ന​ഗ​ര​സ​ഭ​യു​ടെ ത​ന​ത് ഫ​ണ്ടി​ല്‍ നി​ന്നും 30 ല​ക്ഷം അ​നു​വ​ദി​ച്ചാ​ണ് ആ​ശു​പ​ത്രി​യി​ലെ ഡ​യാ​ലി​സി​സ് യൂ​നി​റ്റി​ന്റെ പ്ര​വ​ര്‍ത്ത​നം മു​ന്നോ​ട്ട് പോ​കു​ന്ന​ത്.

ര​ണ്ട് ഷി​ഫ്റ്റു​ക​ളി​ലാ​യി 11 ഡ​യാ​ലി​സി​സ് യ​ന്ത്ര​ങ്ങ​ളാ​ണ് പ്ര​വ​ര്‍ത്തി​ക്കു​ന്ന​ത്. ട്ര​ഷ​റി​യി​ല്‍ ഫ​ണ്ടി​ല്ലാ​ത്ത​തി​നാ​ല്‍ ഡ​യാ​ലി​സി​സ് കി​റ്റും മ​റ്റും വാ​ങ്ങാ​ന്‍ ക​ഴി​യാ​ത്ത ദു​ര​വ​സ്ഥ​യു​മു​ണ്ട്. ഇ​ത് മു​ട​ങ്ങു​മോ​യ​ന്ന ആ​ശ​ങ്ക​യും ഉ​യ​രു​ന്നു. ചി​കി​ത്സ പ​ദ്ധ​തി​ക​ള്‍ക്ക് ഫ​ണ്ട് ല​ഭ്യ​മാ​കാ​ത്ത​തി​നാ​ല്‍ ആ​ശു​പ​ത്രി പ്ര​വ​ര്‍ത്ത​ന​ത്തെ സാ​ര​മാ​യി ബാ​ധി​ക്കു​ന്നു​ണ്ട്. ആ​രോ​ഗ്യ​കി​ര​ണം ഒ.​പി. വി​ഭാ​ഗ​ത്തി​ന് സൗ​ജ​ന്യ​മാ​യി ന​ല്‍കി വ​രു​ന്ന മ​രു​ന്നു​ക​ള്‍, ലാ​ബ് പ​രി​ശോ​ധ​ന​ക​ള്‍, എ​ക്‌​സ്‌​റേ, സ്‌​കാ​നി​ങ് തു​ട​ങ്ങി​യ തു​ട​ര്‍ന്ന് ന​ട​ത്തി കൊ​ണ്ട് പോ​കാ​ന്‍ ബു​ദ്ധി​മു​ള്ള​താ​യി കാ​ണി​ച്ച് ക​ഴി​ഞ്ഞ ദി​വ​സം ആ​ശു​പ​ത്രി സൂ​പ്ര​ണ്ട് ക​ത്ത് ന​ല്‍കി​യ​താ​യി ന​ഗ​ര​സ​ഭാ ചെ​യ​ര്‍മാ​ന്‍ സി.​മു​ഹ​മ്മ​ദ് ബ​ഷീ​ര്‍ അ​റി​യി​ച്ചു.

തു​ക ല​ഭ്യ​മാ​കു​ന്ന​ത് വ​രെ ഒ.​പി. വി​ഭാ​ഗ​ക്കാ​ര്‍ക്ക് ന​ല്‍കു​ന്ന സൗ​ജ​ന്യ​മ​രു​ന്നു​ക​ളും പ​രി​ശോ​ധ​ന​ക​ളു​മെ​ല്ലാം നി​ര്‍ത്താ​ന്‍ വേ​ണ്ട ന​ട​പ​ടി സ്വീ​ക​രി​ക്ക​ണ​മെ​ന്നും ക​ത്തി​ല്‍ പ​രാ​മ​ര്‍ശി​ച്ചി​ട്ടു​ള്ള​താ​യി ചെ​യ​ര്‍മാ​ന്‍ അ​റി​യി​ച്ചു. പ്ര​ശ്‌​ന​ത്തി​ല്‍ സ​ര്‍ക്കാ​ര്‍ അ​ടി​യ​ന്ത​ര​മാ​യി ഇ​ട​പെ​ട്ടി​ല്ലെ​ങ്കി​ല്‍ പാ​വ​പ്പെ​ട്ട ഒ​ട്ട​ന​വ​ധി രോ​ഗി​ക​ളാ​ണ് പെ​രു​വ​ഴി​യി​ലാ​വു​ക. ആ​ശു​പ​ത്രി​ക്കു​ള്ള സ​ര്‍ക്കാ​ര്‍ വി​ഹി​തം എ​ത്ര​യും വേ​ഗം അ​നു​വ​ദി​ക്കാ​ന്‍ ന​ട​പ​ടി​യു​ണ്ടാ​ക​ണ​മെ​ന്ന് ന​ഗ​ര​സ​ഭാ ചെ​യ​ര്‍മാ​ന്‍ ആ​വ​ശ്യ​പ്പെ​ട്ടു.