മൃതസഞ്ജീവനി തുണയായി; വിനോദ്​ ജീവിതത്തിലേക്ക്

തി​രു​വ​ന​ന്ത​പു​രം: മ​സ്തി​ഷ്ക​മ​ര​ണാ​ന​ന്ത​രം ഏ​ഴ് അ​വ​യ​വ​ങ്ങ​ള്‍ ദാ​നം ചെ​യ്​​ത കൊ​ല്ലം സ്വ​ദേ​ശി​യു​ടെ വൃ​ക്ക​ക​ളി​ലൊ​ന്ന് കൊ​ട്ടാ​ര​ക്ക​ര വെ​ട്ടി​ക്ക​വ​ല ബി​ജു ഭ​വ​നി​ല്‍ വി​നോ​ദി​ന് (40) ല​ഭി​ച്ച​പ്പോ​ള്‍ അ​റു​തി​യാ​യ​ത് അ​നു​വി​ജ​യ​യു​ടെ​യും മ​ക്ക​ളു​ടെ​യും ഏ​ഴു​വ​ര്‍ഷ​ത്തെ ദു​രി​ത​ങ്ങ​ള്‍ക്കു​കൂ​ടി​യാ​യി​രു​ന്നു. ജീ​പ്പ്​ ഡ്രൈ​വ​റാ​യി​രു​ന്ന വി​നോ​ദി​ന്‍റെ തു​ച്ഛ​മാ​യ വ​രു​മാ​നം മാ​ത്ര​മാ​യി​രു​ന്നു ആ ​കു​ടും​ബ​ത്തി​ന്‍റെ ആ​ശ്ര​യം.

കാ​ഴ്ച​ക്കു​റ​വി​ന് ആ​ശു​പ​ത്രി​യി​ല്‍ ചി​കി​ത്സ​തേ​ടി​യെ​ത്തി​യ വി​നോ​ദി​ന്‍റെ രോ​ഗ​നി​ര്‍ണ​യ പ​രി​ശോ​ധ​നാ​ഫ​ലം ആ ​കു​ടും​ബ​ത്തി​ല്‍ ഇ​ടി​ത്തീ​യാ​യി മാ​റു​ക​യാ​യി​രു​ന്നു. വി​നോ​ദി​ന്‍റെ ര​ണ്ടു വൃ​ക്ക​ക​ളും ത​ക​രാ​റി​ലാ​ണെ​ന്ന യാ​ഥാ​ർ​ഥ്യം ഉ​ള്‍ക്കൊ​ള്ളാ​ന്‍ അ​വ​ര്‍ക്ക് ക​ഴി​യു​മാ​യി​രു​ന്നി​ല്ല. 2013ല്‍ ​പു​ന​ലൂ​ര്‍ താ​ലൂ​ക്കാ​ശു​പ​ത്രി​യി​ല്‍ നി​ന്നു​മാ​ണ് വി​ദ​ഗ്ധ ചി​കി​ത്സ​ക്ക്​ അ​വ​ര്‍ തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തു​ന്ന​ത്. നെ​ഫ്രോ​ള​ജി വി​ഭാ​ഗ​ത്തി​ല്‍ ഡോ. ​നോ​ബി​ള്‍ ഗ്രേ​ഷ്യ​സി​ന്‍റെ നേ​തൃ​ത്വ​ത്തി​ലാ​യി​രു​ന്നു ചി​കി​ത്സ. ചി​കി​ത്സ​യ്ക്കും നി​ത്യ​ജീ​വി​ത​ത്തി​നു​മാ​യി മ​റ്റു മാ​ര്‍ഗ​ങ്ങ​ളൊ​ന്നും മു​ന്നി​ല്‍ കാ​ണാ​തെ വ​ന്ന​പ്പോ​ള്‍ വി​നോ​ദി​ന്‍റെ ഭാ​ര്യ അ​നു​വി​ജ​യ ഭാ​ഗ്യ​ക്കു​റി വി​ൽ​പ​ന ആ​രം​ഭി​ച്ചു.

ചെ​ങ്ങ​മ​നാ​ട്ട് സ്ഥാ​പി​ച്ച ഭാ​ഗ്യ​ക്കു​റി ത​ട്ടി​ലൂ​ടെ അ​നു​വി​ജ​യ മ​റ്റു​ള്ള​വ​ര്‍ക്കാ​യി ഭാ​ഗ്യം വി​ല്‍ക്കു​മ്പോ​ള്‍ മ​ന​സ്സു​നി​റ​യെ ഭ​ര്‍ത്താ​വി​ന്‍റെ ജീ​വ​ന്‍ വീ​ണ്ടെ​ടു​ക്കു​ക​യെ​ന്ന ല​ക്ഷ്യ​മാ​യി​രു​ന്നു. വി​നോ​ദി​ന്‍റെ മാ​താ​വ്​ വൃ​ക്ക ന​ല്‍കാ​ന്‍ ത​യാ​റാ​യെ​ങ്കി​ലും വൃ​ക്ക​ദാ​ന​ത്തി​നു​ശേ​ഷം ദാ​താ​വി​ന് ആ​രോ​ഗ്യ​പ്ര​ശ്ന​ങ്ങ​ള്‍ ഉ​ണ്ടാ​കാ​മെ​ന്ന ക​ണ്ടെ​ത്ത​ലി​ന്‍റെ അ​ടി​സ്ഥാ​ന​ത്തി​ല്‍ ആ ​ശ്ര​മം ഉ​പേ​ക്ഷി​ച്ചു. തു​ട​ര്‍ന്ന് മൃ​ത​സ​ഞ്ജീ​വ​നി സം​സ്ഥാ​ന നോ​ഡ​ല്‍ ഓ​ഫി​സ​ര്‍ കൂ​ടി​യാ​യ ഡോ. ​നോ​ബി​ള്‍ ഗ്രേ​ഷ്യ​സി​ന്‍റെ നി​ര്‍ദേ​ശ​പ്ര​കാ​രം മൃ​ത​സ​ഞ്ജീ​വ​നി​യി​ല്‍ പേ​ര് ര​ജി​സ്റ്റ​ര്‍ ചെ​യ്തു. 2016 മു​ത​ല്‍ 2021 വ​രെ നാ​ലു​ത​വ​ണ വൃ​ക്ക ല​ഭി​ച്ചെ​ങ്കി​ലും വി​വി​ധ കാ​ര​ണ​ങ്ങ​ളാ​ല്‍ ശ​സ്ത്ര​ക്രി​യ ന​ട​ത്താ​ന്‍ ക​ഴി​ഞ്ഞി​ല്ല. വൃ​ക്ക യോ​ജി​ക്കാ​ത്ത​തും വി​നോ​ദി​ന് ഇ​ട​യ്ക്ക് ഹെ​ര്‍ണി​യ​യു​ടെ ശ​സ്ത്ര​ക്രി​യ ന​ട​ത്തേ​ണ്ടി​വ​ന്ന​തു​മൊ​ക്കെ​യാ​യി​രു​ന്നു കാ​ര​ണം. അ​ഞ്ചാ​മ​ത്തെ ത​വ​ണ ഭാ​ഗ്യം ആ ​കു​ടും​ബ​ത്തി​ന് അ​നു​കൂ​ല​മാ​യി​രു​ന്നു. മ​സ്തി​ഷ്ക​മ​ര​ണാ​ന​ന്ത​രം അ​വ​യ​വ​ങ്ങ​ള്‍ ദാ​നം ചെ​യ്ത കൊ​ല്ലം കി​ളി​കൊ​ല്ലൂ​ര്‍ ചെ​മ്പ്രാ​പ്പി​ള്ള തൊ​ടി​യി​ല്‍ എ​സ്. വി​നോ​ദി​ന്‍റെ വൃ​ക്ക​ക​ളി​ലൊ​ന്ന് വി​നോ​ദി​ന് ല​ഭി​ക്കു​ക​യാ​യി​രു​ന്നു.

യൂ​റോ​ള​ജി വി​ഭാ​ഗ​ത്തി​ലെ ഡോ. ​സാ​ജു​വി​ന്‍റെ​യും ഡോ. ​ഉ​ഷാ കു​മാ​രി​യു​ടെ​യും (അ​ന​സ്തേ​ഷ്യ) നേ​തൃ​ത്വ​ത്തി​ല്‍ ശ​സ്ത്ര​ക്രി​യ​യ്ക്കു​ശേ​ഷം വി​നോ​ദ് ആ​രോ​ഗ്യം വീ​ണ്ടെ​ടു​ത്തു​വ​രി​ക​യാ​ണ്. പ​തി​നൊ​ന്നു​കാ​ര​നാ​യ അ​ഭി​മ​ന്യു, ര​ണ്ടാം ക്ലാ​സു​കാ​രി അ​വ​ന്തി​ക എ​ന്നി​വ​രാ​ണ് വി​നോ​ദി​ന്‍റെ മ​ക്ക​ള്‍. അ​ഭി​മ​ന്യു ജ​ന്മ​നാ അ​ന്ധ​നും സം​സാ​ര​ശേ​ഷി​യി​ല്ലാ​ത്ത​തു​മാ​യ കു​ട്ടി​യാ​ണ്. ഏ​താ​നും ദി​വ​സ​ങ്ങ​ള്‍ക്കു​ശേ​ഷം വി​നോ​ദി​ന് ആ​ശു​പ​ത്രി വി​ടാ​നാ​കു​മെ​ന്ന് ഡോ​ക്ട​ര്‍മാ​ര്‍ പ​റ​ഞ്ഞു.