വിനോദങ്ങൾക്ക് വിട... തിരക്കൊഴിഞ്ഞ് നഗരം

കോ​ഴി​ക്കോ​ട്: ജി​ല്ല​യി​ൽ വീ​ണ്ടും നി​പ ബാ​ധ സ്ഥി​രീ​ക​രി​ച്ച​തോ​ടെ ന​ഗ​ര​വും പ​രി​സ​ര​ങ്ങ​ളും ആ​ളൊ​ഴി​ഞ്ഞ നി​ല​യി​ലാ​യി. ഇ​തു​വ​രെ ജി​ല്ല​യി​ൽ ആ​റു പേ​ർ​ക്ക് നി​പ പോ​സി​റ്റി​വാ​യി​ട്ടു​ണ്ട്. സ്വ​കാ​ര്യ ആ​ശു​പ​ത്രി​യി​ലെ ആ​രോ​ഗ്യ​പ്ര​വ​ർ​ത്ത​ക​നും ചെ​റു​വ​ണ്ണൂ​രി​ലെ 31കാ​ര​നും നി​പ സ്ഥി​രീ​ക​രി​ച്ച​തോ​ടെ കോ​ർ​പ​റേ​ഷ​ൻ പ​രി​ധി​യി​ലും നി​യ​ന്ത്ര​ണ​ങ്ങ​ൾ ക​ർ​ശ​ന​മാ​ക്കി. ആ​രോ​ഗ്യ വ​കു​പ്പി​ന്റെ ഔ​ദ്യോ​ഗി​ക നി​ർ​ദേ​ശ​ങ്ങ​ൾ പാ​ലി​ച്ച് ജ​നം മാ​സ്കു​ക​ളും ക​രു​ത​ൽ ന​ട​പ​ടി​ക​ളും സ്വീ​ക​രി​ക്കു​ന്നു​ണ്ട്. സ്കൂ​ളു​ക​ളും കോ​ള​ജു​ക​ളും ട്യൂ​ഷ​ൻ സെ​ന്‍റ​റു​ക​ളും അ​ട​ഞ്ഞു​കി​ട​ക്കു​ക​യും പൊ​തു​പ​രി​പാ​ടി​ക​ൾ​ക്ക് വി​ല​ക്ക് ഏ​ർ​പ്പെ​ടു​ത്തു​ക​യും പ​ല ഓ​ഫി​സു​ക​ളി​ലും വ​ർ​ക് ഫ്രം ​ഹോം ഏ​ർ​പ്പെ​ടു​ത്തു​ക​യും ചെ​യ്ത​തോ​ടെ റോ​ഡു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലു​മെ​ല്ലാം തി​ര​ക്ക് കു​റ​ഞ്ഞു.

ന​ഗ​ര​ത്തി​ൽ സ്ഥി​രം വാ​ഹ​ന​ക്കു​രു​ക്ക് അ​നു​ഭ​വ​പ്പെ​ടു​ന്ന പാ​ള​യം, മാ​നാ​ഞ്ചി​റ, ന​ട​ക്കാ​വ് എ​ന്നി​വി​ട​ങ്ങ​ളി​ലെ​ല്ലാം സു​ഗ​മ​മാ​യി യാ​ത്ര ചെ​യ്യാ​വു​ന്ന അ​വ​സ്ഥ​യാ​ണ് ഇ​പ്പോ​ൾ. കു​റ്റ്യാ​ടി, വ​ട​ക​ര ഭാ​ഗ​ങ്ങ​ളി​ലേ​ക്കു​ള്ള ബ​സു​ക​ളി​ലും യാ​ത്ര​ക്കാ​ർ കു​റ​വാ​ണ്. നീ​ണ്ട അ​വ​ധി ല​ഭി​ച്ച​തോ​ടെ മ​റ്റു ജി​ല്ല​ക​ളി​ൽ​നി​ന്ന് മ​ട​ങ്ങു​ന്ന വി​ദ്യാ​ർ​ഥി​ക​ളു​ടെ എ​ണ്ണ​ത്തി​ൽ വ​ൻ വ​ർ​ധ​ന ഉ​ണ്ടാ​യ​തി​നാ​ൽ റെ​യി​ൽ​വേ സ്റ്റേ​ഷ​നു​ക​ളി​ൽ തി​ര​ക്ക​നു​ഭ​വ​പ്പെ​ട്ടു.

ആ​ളു​ക​ൾ കൂ​ട്ടം​കൂ​ടു​ന്ന ന​ഗ​ര​ത്തി​ലെ പ്ര​ധാ​ന വി​നോ​ദ വ്യാ​പാ​ര കേ​ന്ദ്ര​ങ്ങ​ളാ​യ മി​ഠാ​യി​ത്തെ​രു​വി​ലും പാ​ള​യം മാ​ർ​ക്ക​റ്റി​ലും പ​തി​വി​ലും കു​റ​വ് തി​ര​ക്കാ​ണ് അ​നു​ഭ​വ​പ്പെ​ട്ട​ത്. മ​ണി​ക്കൂ​റു​ക​ൾ കാ​ത്തു​നി​ന്ന ശേ​ഷം മാ​ത്രം ഭ​ക്ഷ​ണം ല​ഭി​ക്കാ​റു​ണ്ടാ​യി​രു​ന്ന ഹോ​ട്ട​ലു​ക​ളി​ലും സീ​റ്റു​ക​ൾ ഒ​ഴി​ഞ്ഞു​കി​ട​ന്നു.

പ​ഴം, പ​ച്ച​ക്ക​റി വ്യാ​പാ​രി​ക​ൾ​ക്കും ക​ച്ച​വ​ടം കു​റ​വാ​ണ്. ന​ഗ​ര​ത്തി​ലെ​ത്തു​ന്ന​വ​ർ കു​റ​വാ​യ​തി​നാ​ൽ ഓ​റ​ഞ്ച്, ആ​പ്പി​ൾ, പേ​ര​ക്ക തു​ട​ങ്ങി​യ​വ​യു​ടെ വി​ൽ​പ​ന​യി​ലും കു​റ​വു​ണ്ടെ​ന്ന് വ്യാ​പാ​രി​ക​ൾ പ​റ​ഞ്ഞു. എ​ന്നാ​ൽ, വി​ല​യി​ൽ മാ​റ്റ​മി​ല്ല. മാ​സ്ക് നി​ർ​ബ​ന്ധ​മാ​ക്കി​യ​തോ​ടെ കോ​വി​ഡ് കാ​ല​ത്തേ​തു​പോ​ലെ മാ​സ്കു​ക​ൾ​ക്കും സാ​നി​റ്റൈ​സ​റു​ക​ൾ​ക്കും ആ​വ​ശ്യ​ക്കാ​ർ കൂ​ടി​യി​ട്ടു​ണ്ട്. മി​ക്ക മെ​ഡി​ക്ക​ൽ ഷോ​പ്പു​ക​ളി​ലും സ്റ്റോ​ക്കു​ണ്ടാ​യി​രു​ന്ന മാ​സ്കു​ക​ളും മ​റ്റ് അ​വ​ശ്യ​സാ​ധ​ന​ങ്ങ​ളും പെ​ട്ടെ​ന്നു​ത​ന്നെ കാ​ലി​യാ​യി. നി​യ​ന്ത്ര​ണ​ങ്ങ​ൾ നി​ല​വി​ലു​ണ്ടെ​ങ്കി​ലും പൊ​തു ഇ​ട​ങ്ങ​ളി​ൽ മാ​സ്ക് ധ​രി​ക്കാ​തെ എ​ത്തി​യ​വ​രും ധാ​രാ​ള​മു​ണ്ടാ​യി​രു​ന്നു.

ക​ട​പ്പു​റ​ത്ത്​ കൂ​ട്ടം​കൂ​ടി നി​ന്ന ആ​ളു​ക​ളെ പൊ​ലീ​സ്​ ഒ​ഴി​പ്പി​ച്ചു. പാ​ർ​ക്കി​ലേ​ക്കും ബീ​ച്ചി​ലേ​ക്കും ജ​ന​ങ്ങ​ൾ എ​ത്തു​ന്ന​ത് നി​യ​ന്ത്രി​ക്ക​ണ​മെ​ന്ന് ക​ല​ക്ട​ർ ക​ർ​ശ​ന നി​ർ​ദേ​ശം ന​ൽ​കി​യി​ട്ടു​ണ്ട്. മാ​സ്ക് ധ​രി​ക്ക​ണ​മെ​ന്നും സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്ക​ണ​മെ​ന്നും പൊ​ലീ​സ് നി​ർ​ദേ​ശം ന​ൽ​കി. പി​ങ്ക് പൊ​ലീ​സും ലൈ​ഫ് ഗാ​ർ​ഡു​ക​ളും ജ​ന​ങ്ങ​ളെ ബോ​ധ​വ​ത്ക​രി​ക്കു​ന്നു​ണ്ടെ​ങ്കി​ലും പി​ഞ്ചു​കു​ഞ്ഞു​ങ്ങ​ളു​മാ​യി പ​ല​രും ബീ​ച്ചി​ൽ എ​ത്തു​ന്നു​ണ്ട്.

അ​വ​ധി​ദി​വ​സ​ങ്ങ​ളി​ൽ കൂ​ട്ട​ത്തോ​ടെ പു​റ​ത്തി​റ​ങ്ങു​ന്ന സ്ഥി​തി ഒ​ഴി​വാ​ക്ക​ണ​മെ​ന്നാ​ണ് വി​ദ​ഗ്ധ​ർ ന​ൽ​കു​ന്ന നി​ർ​ദേ​ശം. വി​വാ​ഹ​ത്തി​നും പൊ​തു​പ​രി​പാ​ടി​ക​ൾ​ക്കും വി​ല​ക്കേ​ർ​പ്പെ​ടു​ത്തി​യ സാ​ഹ​ച​ര്യ​ത്തി​ലും വെ​ള്ളി​യാ​ഴ്ച എ​ര​ഞ്ഞി​പ്പാ​ല​ത്തെ ഓ​ഡി​റ്റോ​റി​യ​ത്തി​ൽ ആ​യി​ര​ത്തി​ല​ധി​കം ആ​ളു​ക​ൾ പ​ങ്കെ​ടു​ത്ത വി​വാ​ഹം ന​ട​ന്ന​താ​യും പ​രാ​തി​യു​ണ്ട്.