ഗ​ർ​ഭ​ധാ​ര​ണം; ഇ​ക്കാ​ര്യ​ങ്ങ​ൾ അ​റി​ഞ്ഞി​രി​ക്കാം...

ഗ​ൾ​ഭ​കാ​ല​ത്തെ പ​രി​ച​ര​ണ​ത്തെ​യും മു​ൻ ക​രു​ത​ൽ ന​ട​പ​ടി​ക​ളെ​യും കു​റി​ച്ച്​ മ​സ്​​ക​ത്ത്​ അ​പ്പോ​​ളോ ആ​ശു​പ​ത്രി​യി​ലെ ഒ​ബ്‌​സ്റ്റ​ട്രീ​ഷ്യ​ൻ, ഗൈ​ന​ക്കോ​ള​ജി​സ്റ്റാ​യ ഡോ. ​മ​ഹാ​ല​ക്ഷ്മി ഭാ​സ്‌​ക​ർ വി​ശ​ദീ​ക​രി​ക്കു​ന്നു.

ഗ​ർ​ഭി​ണി​യാ​കാ​ൻ വൈ​കു​ന്ന​ത്​ വ​ന്ധ്യ​ത​​യോ?

ഒ​രു വ​ർ​ഷ​ത്തി​ന​ടു​ത്ത് സു​ര​ക്ഷി​ത മാ​ർ​ഗ​ങ്ങ​ളൊ​ന്നും സ്വീ​ക​രി​ക്കാ​തെ ദ​മ്പ​തി​ക​ൾ ലൈം​ഗി​ക ബ​ന്ധ​ത്തി​ൽ ഏ​ർ​പ്പെ​ട്ടി​ട്ടും ഗ​ർ​ഭം ധ​രി​ക്കാ​ത്ത അ​വ​സ്ഥ​ക്കാ​ണ്​ പൊ​തു​വെ വ​ന്ധ്യ​ത എ​ന്ന്​ പ​റ​യു​ന്ന​ത്. ഓ​രോ സ്ഖ​ല​ന​ത്തി​ലും ഒ​രു ക്യൂ​ബി​ക് സെ​ന്റീ​മീ​റ്റ​റി​ൽ ശ​രാ​ശ​രി ഇ​രു​പ​ത് ദ​ശ​ല​ക്ഷം ബീ​ജ​ങ്ങ​ളാ​ണ്​ അ​ട​ങ്ങി​യി​ട്ടു​ണ്ടാ​കു​ക. ഇ​തി​ൽ ഏ​തെ​ങ്കി​ലും ഒ​ന്ന്​ മാ​ത്ര​മാ​ണ്​ അ​ണ്ഡ​വു​മാ​യി കൂ​ടി​ച്ചേ​രു​ക. ഭൂ​രി​ഭാ​ഗം ബീ​ജ​ങ്ങ​ളും ല​ക്ഷ്യ​ത്തി​ന​ടു​ത്തെ​ത്താ​ത്ത​തി​നാ​ലാ​ണ് ഇ​ങ്ങ​നെ സം​ഭ​വി​ക്കു​ന്ന​ത്. അ​വ ഒ​ന്നു​കി​ൽ അ​ടി​വ​യ​റി​ലോ ജ​ന​നേ​ന്ദ്രി​യ​ത്തി​ലോ ന​ഷ്ട​പ്പെ​ടു​ക​യോ, സെ​ർ​വി​ക്ക​ൽ മ്യൂ​ക്ക​സി​ൽ കു​ടു​ങ്ങി​പ്പോ​കു​ക​യോ മ​റ്റോ ചെ​യ്യു​ന്നു. ഗ​ർ​ഭ​ധാ​ര​ണ​ത്തി​ന്​ ആ​സൂ​ത്ര​ണം ചെ​യ്യു​ന്ന​വ​ർ ആ​ർ​ത്ത​വ ച​ക്രം കൃ​ത്യ​മാ​ണെ​ന്ന്​ ഉ​റ​പ്പാ​ക്ക​ണം. ഇ​ത്​ കൃ​ത്യ​മ​ല്ലെ​ങ്കി​ൽ അ​ണ്ഡോ​ൽ​പാ​ദ​നം ഉ​ണ്ടാ​കാ​ൻ സാ​ധ്യ​ത കു​റ​വാ​ണ്.

വ്യാ​യാ​മം ചെ​യ്യാ​ൻ പ​റ്റു​​മോ?

ഗ​ർ​ഭ​കാ​ല​ത്ത്​ വ്യാ​യാ​മം ചെ​യ്യു​ന്ന​ത്​ അ​മ്മ​ക്കും കു​ഞ്ഞി​നും ന​ല്ല​താ​ണ്. ശ​രീ​ര​ഭാ​രം നി​യ​ന്ത്രി​ക്കാ​നും ര​ക്ത​സ​മ്മ​ർ​ദം കു​റ​ക്കാ​നും ശാ​രീ​രി​ക​ക്ഷ​മ​ത, ഉ​യ​ർ​ന്ന ഉ​റ​ക്കം, മാ​ന​സി​കാ​വ​സ്ഥ എ​ന്നി​വ മെ​ച്ച​പ്പെ​ടു​ത്താ​നും ഇ​ത് സ​ഹാ​യി​ക്കും. അ​തേ സ​മ​യം ഡോ​ക്ട​ർ​മാ​ർ ഗ​ർ​ഭ​കാ​ല​യ​ള​വി​ൽ വി​ശ്ര​മം നി​ർ​ദേ​ശി​ച്ചി​ട്ടു​ണ്ടെ​ങ്കി​ൽ വ്യാ​യാ​മം ഒ​ഴി​വാ​ക്കേ​ണ്ട​താ​ണ്.

ക​ഫീ​ൻ എ​ത്ര ക​ഴി​ക്കാം?

ക​ഫീ​ൻ കു​ഞ്ഞി​ന്റെ ജ​ന​ന ഭാ​ര​ത്തെ ബാ​ധി​ക്കു​മെ​ന്ന​തി​നാ​ൽ, അ​ത് കു​റ​ക്കു​ന്ന​താ​ണ് ന​ല്ല​ത്. സാ​ധാ​ര​ണ​യാ​യി, ദി​വ​സ​വും ഒ​രു ക​പ്പ് ചാ​യ​യോ കാ​പ്പി​യോ ന​ല്ല​താ​ണ്. പ​ക്ഷേ ക​ഫീ​ന്റെ​യും പ​ഞ്ച​സാ​ര​യു​ടെ​യും അ​ള​വ് വ​ള​രെ ഉ​യ​ർ​ന്ന​താ​യി​രി​ക്കു​മെ​ന്ന​തി​നാ​ൽ ഇ​ത്ത​രം പാ​നീ​യ​ങ്ങ​ൾ ഒ​ഴി​വാ​ക്കാ​വു​ന്ന​താ​ണ്. ആ​രോ​ഗ്യ​ക​ര​മാ​യ ഭ​ക്ഷ​ണം രീ​തി​ക​ൾ ഇ​ക്കാ​ല​യ​ള​വി​ൽ സ്വീ​ക​രി​ക്കാം.

പു​ക​വ​ലി​യും ഗ​ർ​ഭ​ധാ​ര​ണ​വും?

ഗ​ർ​ഭി​ണി​യാ​യി​രി​ക്കു​മ്പോ​ൾ പു​ക​വ​ലി​ക്കു​ന്ന​ത് അ​ഭി​കാ​മ്യ​മ​ല്ല. നി​ങ്ങ​ളു​ടെ ചു​റ്റി​ലും നി​ങ്ങ​ൾ ഇ​രി​ക്കു​ന്ന മു​റി​ക​ളി​ൽ​പോ​ലും മ​റ്റാ​രെ​യും പു​ക​വ​ലി​ക്കാ​ൻ അ​നു​വ​ദി​ക്ക​രു​ത്. പു​ക​വ​ലി പ്ര​സ​വ​സ​ങ്കീ​ർ​ണ​ത​ക​ൾ​ക്കും കാ​ര​ണ​മാ​കും. മാ​സം തി​ക​യു​ന്ന​തി​ന്​ മു​മ്പു​ള്ള പ്ര​സ​വ​ത്തി​ലേ​ക്കും മ​റ്റും ന​യി​ക്കും. ഇ​ങ്ങ​നെ ജ​നി​ക്കു​ന്ന കു​ട്ടി​ക​ളു​ടെ തൂ​ക്കം കു​റ​വാ​യി​രി​ക്കും. ഇ​ത്​ കു​ഞ്ഞി​ന് അ​ണു​ബാ​ധ​യും ശ്വ​സി​ക്കാ​ൻ ബു​ദ്ധി​മു​ട്ടും മ​റ്റ് ആ​രോ​ഗ്യ പ്ര​ശ്ന​ങ്ങ​ളും ഉ​ണ്ടാ​കാ​നു​ള്ള സാ​ധ്യ​ത​യും കൂ​ടു​ത​ലാ​ണ്. ഏ​റ്റ​വും മി​ക​ച്ച കാ​ര്യം പു​ക​വ​ലി ഉ​പേ​ക്ഷി​ക്കു​ക എ​ന്ന​താ​ണ്.

പു​റം, ഇ​ടു​പ്പ്​ വേ​ദ​ന​ക​ൾ​ക്ക്​ എ​ന്തു​ചെ​യ്യാ​ൻ ക​ഴി​യും?

കു​ഞ്ഞ് ഉ​ള്ളി​ൽ വ​ള​രു​ന്ന​തി​ന്​ അ​നു​സ​രി​ച്ച്​ നി​ങ്ങ​ളു​ടെ ശ​രീ​ര​ത്തി​ന് കൂ​ടു​ത​ൽ സ​മ്മ​ർ​ദം അ​നു​ഭ​വ​പ്പെ​ടും. ഇ​ത് ഗ​ർ​ഭാ​വ​സ്ഥ​യു​ടെ അ​വ​സാ​ന മാ​സ​ങ്ങ​ളി​ൽ ന​ടു​വേ​ദ​ന​ക്കും ഇ​ടു​പ്പു​വേ​ദ​ന​ക്കും കാ​ര​ണ​മാ​കും. നി​ങ്ങ​ൾ​ക്ക് ക​ഴി​യു​മെ​ങ്കി​ൽ നീ​ന്ത​ൽ, യോ​ഗ എ​ന്നി​വ ചെ​യ്യു​ന്ന​ത്​ വേ​ദ​ന ഒ​ഴി​വാ​ക്കാ​ൻ സ​ഹാ​യി​ക്കു​മെ​ന്നാ​ണ്​ ഡോ​ക്ട​ർ​മാ​ർ പ​റ​യു​ന്ന​ത്. കൂ​ടു​ത​ൽ ​ പ്ര​യാ​സം നേ​രി​ടു​ക​യാ​ണെ​ങ്കി​ൽ ഡോ​ക്ട​റു​ടെ സ​ഹാ​യം തേ​ടാ​വു​ന്ന​താ​ണ്.

ഗ​ർ​ഭ​കാ​ല​ത്തെ ര​ക്ത​സ്രാ​വം സാ​ധാ​ര​ണ​മാ​ണോ?

ഗ​ർ​ഭ​കാ​ല​ത്ത് സം​ഭ​വി​ക്കാ​വു​ന്ന ഏ​റ്റ​വും ഭ​യാ​ന​ക​മാ​യ കാ​ര്യ​ങ്ങ​ളി​ൽ ഒ​ന്നാ​ണ് ര​ക്ത​സ്രാ​വം. ഇ​ത് ഗ​ർ​ഭം അ​ല​സു​ന്ന​തി​ന്റെ ല​ക്ഷ​ണ​മാ​കു​മോ എ​ന്ന് പ​ല സ്ത്രീ​ക​ളും ആ​ശ​ങ്ക​പ്പെ​ടു​ന്നു. ഗ​ർ​ഭാ​വ​സ്ഥ​യു​ടെ തു​ട​ക്ക​ത്തി​ൽ ചി​ല അ​ള​വി​ലു​ള്ള പാ​ടു​ക​ളോ ര​ക്ത​സ്രാ​വ​മോ വ​ള​രെ സാ​ധാ​ര​ണ​മാ​ണ്. ആ​ദ്യ​ത്തെ മൂ​ന്ന്​ മാ​സ​ത്തി​ൽ ഓ​രോ നാ​ല്​ ഗ​ർ​ഭി​ണി​ക​ളി​ലും ഒ​രാ​ൾ​ക്ക് ഈ ​ല​ക്ഷ​ണം അ​നു​ഭ​വ​പ്പെ​ടാ​റു​ണ്ട്. എ​ന്നി​രു​ന്നാ​ലും, എ​ന്തെ​ങ്കി​ലും ര​ക്ത​സ്രാ​വം അ​നു​ഭ​വ​പ്പെ​ടു​ക​യാ​ണെ​ങ്കി​ൽ, അ​ത് നേ​രി​യ​താ​ണെ​ങ്കി​ൽ​പോ​ലും ഡോ​ക്ട​റെ സ​മീ​പി​ക്കു​ന്ന​താ​ണ്​ ന​ല്ല​ത്.

പ്ര​സ​വ​ത്തി​നു മു​മ്പ്​ എ​ത്ര ത​വ​ണ പ​രി​ശോ​ധ​ന ന​ട​ത്ത​ണം?

വ​ള​രെ പ്ര​ധാ​ന​പ്പെ​ട്ട​താ​ണ്​ പ്ര​സ​വ​ത്തി​നു മു​മ്പു​ള്ള പ​രി​ശോ​ധ​ന​ക​ൾ. നി​ങ്ങ​ളു​ടെ ആ​രോ​ഗ്യം, കു​ഞ്ഞി​ന്റെ വി​ക​സ​നം, എ​ന്തെ​ങ്കി​ലും സ​ങ്കീ​ർ​ണ​ത​ക​ൾ​ക്കു​ള്ള സാ​ധ്യ​ത എ​ന്നി​വ മ​ന​സ്സി​ലാ​ക്കാ​ൻ ഇ​ത്​ സ​ഹാ​യി​ക്കു​ന്നു.

ഗ​ർ​ഭ​ത്തി​ന്‍റെ ആ​ദ്യ 28 ആ​ഴ്ച​ക​ളി​ൽ മാ​സ​ത്തി​ലൊ​രി​ക്ക​ൽ ഡോ​ക്ട​റെ കാ​ണ​ൽ നി​ർ​ബ​ന്ധ​മാ​ണ്. ഇ​രു​പ​ത്തി​യെ​ട്ടാം ആ​ഴ്‌​ച മു​ത​ൽ നാ​ൽ​പ്പ​താം ആ​ഴ്‌​ച​വ​രെ, ര​ണ്ടാ​ഴ്‌​ച കൂ​ടു​മ്പോ​ൾ പ​രി​ശോ​ധ​ന​ക്ക് പോ​കേ​ണ്ട​തു​ണ്ട്. നാ​ൽ​പ്പ​താം ആ​ഴ്ച ക​ഴി​ഞ്ഞ്, നി​ങ്ങ​ൾ പ്ര​സ​വി​ക്കു​ന്ന​ത് വ​രെ എ​ല്ലാ ആ​ഴ്ച​യും പ​രി​ശോ​ധ​ന ന​ട​ത്തേ​ണ്ട​താ​ണ്. നി​ങ്ങ​ൾ​ക്കും കു​ഞ്ഞി​നും ആ​രോ​ഗ്യം ഉ​ണ്ടെ​ന്ന് ഉ​റ​പ്പാ​ക്കാ​നും എ​ന്തെ​ങ്കി​ലും പ്ര​ശ്‌​ന​ങ്ങ​ൾ ഉ​​ണ്ടെ​ങ്കി​ൽ അ​വ ക​ണ്ടെ​ത്താ​നു​മാ​ണി​ത്.

ഗ​ർ​ഭ​കാ​ല​ത്ത് ശ​രീ​ര​ഭാ​രം എ​ത്ര​ത്തോ​ളം ആ​വാം?

ഗ​ർ​ഭ​കാ​ല​ത്ത് ഓ​രോ സ്ത്രീ​ക്കും വ്യ​ത്യ​സ്ത രീ​തി​യി​ലാ​ണ് ശ​രീ​ര​ഭാ​രം കൂ​ടു​ന്ന​ത്. ശ​രീ​ര​ഭാ​രം ഫ​ല​പ്ര​ദ​മാ​യി നി​യ​​ന്ത്രി​ക്കാ​ൻ ഗൈ​ന​ക്കോ​ള​ജി​സ്റ്റു​ക​ളു​മാ​യും പ്ര​സ​വ​ചി​കി​ത്സ​വി​ദ​ഗ്ധ​രു​മാ​യും ചേ​ർ​ന്ന് പ്ര​വ​ർ​ത്തി​ക്കേ​ണ്ട​ത് പ്ര​ധാ​ന​മാ​ണ്. ന​ട​ത്ത​വും നീ​ന്ത​ലും ഭാ​രം നി​യ​ന്ത്രി​ക്കാ​ൻ അ​നു​യോ​ജ്യ​മാ​യ വ്യാ​യാ​മ​ങ്ങ​ളാ​ണ്.

കു​ഞ്ഞി​ന്റെ ജ​ന​ന വൈ​ക​ല്യ​ങ്ങ​ളു​ടെ അ​പ​ക​ട​സാ​ധ്യ​ത കു​റ​ക്കു​ന്ന​തി​നു​ള്ള മാ​ർ​ഗം?

ന​വ​ജാ​ത ശി​ശു​വി​ന്റെ ആ​രോ​ഗ്യ​ത്തി​നും ക്ഷേ​മ​ത്തി​നും ആ​വ​ശ്യ​മാ​യ സു​പ്ര​ധാ​ന പോ​ഷ​ക​മാ​ണ് ഫോ​ളി​ക് ആ​സി​ഡ്. കു​ഞ്ഞി​ന്റെ അ​പ​ക​ട​സാ​ധ്യ​ത പ​ര​മാ​വ​ധി കു​റ​ക്കു​ന്ന​തി​നു​ള്ള ഏ​റ്റ​വും ന​ല്ല മാ​ർ​ഗം, ​​ഗ​ർ​ഭ​കാ​ല പ​രി​ശോ​ധ​ന​ക​ളി​ൽ കൃ​ത്യ​മാ​യി പ​​ങ്കെ​ടു​ക്കു​ക എ​ന്ന​താ​ണ്. ഇ​ത്​ ഗ​ർ​ഭാ​വ​സ്ഥ​യെ സൂ​ക്ഷ്മ​മാ​യി നി​രീ​ക്ഷി​ക്കാ​നും മാ​താ​വി​ന്‍റെ​യും കു​ഞ്ഞി​ന്റെ​യും ന​ല്ല ആ​രോ​ഗ്യം നി​ല​നി​ർ​ത്താ​നും സ​ഹാ​യി​ക്കും. പ്ര​തി​മാ​സ സ​ന്ദ​ർ​ശ​ന​ങ്ങ​ൾ ഗ​ർ​ഭാ​വ​സ്ഥ​യി​ൽ നി​ങ്ങ​ൾ അ​നു​ഭ​വി​ച്ചേ​ക്കാ​വു​ന്ന സ​ങ്കീ​ർ​ണ​മാ​യ കാ​ര്യ​ങ്ങ​ളെ കു​റി​ച്ച്​ മ​ന​സ്സി​ലാ​ക്കാ​ൻ ഡോ​ക്ട​ർ​മാ​ർ​ക്ക്​ സ​ഹാ​യ​ക​മാ​കും.

സ​പ്ലി​മെ​ന്റു​ക​ൾ ക​ഴി​ക്കു​ന്ന​ത് ഗു​ണം ചെ​യ്യു​മെ​ങ്കി​ലും ചി​ല​ത് കു​ഞ്ഞി​ന് ന​ല്ല​ത​ല്ലാ​യി​രി​ക്കാം. അ​തി​നാ​ൽ ഡോ​ക്ട​റു​ടെ നി​ർ​ദേ​ശ​ങ്ങ​ൾ പാ​ലി​ച്ച്, സ​പ്ലി​മെ​ന്റു​ക​ളും മ​രു​ന്നു​ക​ളും മാ​ത്രം ക​ഴി​ക്കു​ക. പ്ര​ത്യേ​ക​ രോ​ഗ​ത്തി​ന്​ മ​രു​ന്ന് ക​ഴി​ക്കു​ക​യാ​ണെ​ങ്കി​ൽ, അ​ത്​ നി​ർ​ത്തു​ന്ന​തി​ന് മു​മ്പ് ഡോ​ക്ട​റു​മാ​യി നി​ങ്ങ​ൾ ച​ർ​ച്ച ചെ​യ്യ​ണം. ചി​ല മ​രു​ന്നു​ക​ൾ ജ​ന​ന വൈ​ക​ല്യ​ത്തി​നും കു​ഞ്ഞി​ന്‍റെ ജീ​വ​ൻ​ത​ന്നെ ന​ഷ്ട​പ്പെ​ടു​ത്തു​ന്ന രീ​തി​യി​ലേ​ക്കും ന​യി​ച്ചേ​ക്കും.

എ​ത്ര സ​മ​യം ജോ​ലി ചെ​യ്യാം?

ഓ​രോ​രു​ത്ത​രു​ടെ​യും ജോ​ലി സ്വാ​ഭാ​വ​മ​നു​സ​രി​ച്ച്​ അ​വ തു​ട​രാ​വു​ന്ന​താ​ണ്. ഗ​ർ​ഭ​കാ​ല സ​ങ്കീ​ർ​ണ​ത​ക​ളോ ​മ​റ്റോ പ​രി​ഗ​ണി​ച്ച്​ ഡോ​ക്ട​ർ​മാ​ർ ചി​ല നി​യ​ന്ത്ര​ണ​ങ്ങ​ൾ പ​റ​ഞ്ഞി​ട്ടു​ണ്ടെ​ങ്കി​ൽ അ​വ പാ​ലി​ക്കേ​ണ്ട​താ​ണ്. ജോ​ലി​സ്ഥ​ല​ത്ത് നി​ങ്ങ​ൾ അ​നു​ഭ​വി​ക്കു​ന്ന വൈ​കാ​രി​ക സ​മ്മ​ർ​ദ​ങ്ങ​ളെ കു​റി​ച്ച് ഡോ​ക്ട​റു​മാ​യി ച​ർ​ച്ച ചെ​യ്യാ​വു​ന്ന​താ​ണ്. അ​ത്ത​രം സ​മ്മ​ർ​ദ​ങ്ങ​ൾ ഒ​ഴി​വാ​ക്കാ​നും നേ​രി​ടാ​നു​മു​ള്ള വ​ഴി​ക​ൾ ക​ണ്ടെ​ത്താ​ൻ ഡോ​ക്ട​ർ നി​ങ്ങ​ളെ സ​ഹാ​യി​ച്ചേ​ക്കും.