ഗർഭിണികളിൽ കോവിഡ്​ ഗുരുതര പ്രത്യാഘാതമുണ്ടാക്കുമെന്ന്​ പഠനം

വാഷിങ്​ടൺ: കോവിഡ്​ ഗർഭിണികളുടെ ആരോഗ്യസ്ഥിതി കൂടുതൽ മോശമാക്കുമെന്ന്​ പഠനം. മറ്റുള്ളവരുമായി താരതമ്യം ചെയ്യു​േമ്പാൾ കോവിഡ്​ ഗർഭിണികളിൽ ഗുരുതര പ്രത്യാഘാതമായിരിക്കും ഉണ്ടാക്കുക. ഗർഭിണികളിൽ കോവിഡ്​ മരണത്തിനുള്ള സാധ്യത വർധിപ്പിക്കുമെന്നാണ്​ പഠനം പറയുന്നത്​. ഇതിനൊപ്പം ​ഗർഭിണികളായ രോഗികൾക്ക്​ വളരെ പെ​ട്ടെന്ന്​ ഐ.സി.യു സഹായം തേടേണ്ടി വരുമെന്ന്​ നേരത്തെയുള്ള പ്രസവത്തിനും ഇത്​ ഇടയാക്കുമെന്ന്​ പഠനത്തിൽ പറയുന്നു.

ഗർഭകാലത്ത്​ സ്​ത്രീകളുടെ ശരീരത്തിൽ പല മാറ്റങ്ങളുമുണ്ടാകും. ഇത്​ മൂലം വൈറസ്​ എളുപ്പത്തിൽ സ്​ത്രീകളെ ആക്രമിക്കാമെന്ന്​ പഠനം വ്യക്​തമാക്കുന്നു. വാക്​സിനെടുക്കുക മാത്രമാണ്​ സ്​ത്രീകളെ ഇതിൽ നിന്ന്​ രക്ഷിക്കാനുള്ള ഏക പോംവഴി. മോഡേണ, ഫൈസർ വാക്​സിനുകൾ ഗർഭിണികൾക്ക്​ സുരക്ഷിതമാണെന്നും കണ്ടെത്തിയിട്ടുണ്ട്​.

ജേണൽ ഓഫ്​ ദ അമേരിക്കൻ മെഡിക്കൽ അസോസിയേഷൻ പീഡിയാട്രിക്​സിലാണ്​ പഠനം പ്രസിദ്ധീകരിച്ചത്​. 18 രാജ്യങ്ങളിലെ 700 ഗർഭിണികളിലാണ്​​ പഠനം നടത്തിയത്​.