തെറ്റിദ്ധരിപ്പിക്കുന്ന പരസ്യം: പ്രമുഖ ടൂത്ത് പേസ്റ്റ് കമ്പനിക്ക് 10 ലക്ഷം പിഴ; തെ​റ്റാ​യ അ​വ​കാ​ശ​വാ​ദ​ങ്ങ​ൾ​ പിൻവലിക്കണം

ന്യൂ​ഡ​ൽ​ഹി: തെ​റ്റി​ദ്ധ​രി​പ്പി​ക്കു​ന്ന പ​ര​സ്യ​ങ്ങ​ൾ ഒ​രാ​ഴ്ച​ക്ക​കം പി​ൻ​വ​ലി​ക്ക​ണ​മെ​ന്ന് സെ​ൻ​സൊ​ഡൈ​ൻ ടൂ​ത്ത്പേ​സ്റ്റ് ക​മ്പ​നി​യോ​ട് കേ​ന്ദ്ര ഉ​പ​ഭോ​ക്തൃ സം​ര​ക്ഷ​ണ അ​തോ​റി​റ്റി (സി.​സി.​പി.​എ) നി​ർ​ദേ​ശി​ച്ചു. പ​ര​സ്യ​ത്തി​ലെ തെ​റ്റാ​യ അ​വ​കാ​ശ​വാ​ദ​ങ്ങ​ൾ​ക്ക് ക​മ്പ​നി​ക്ക് 10 ല​ക്ഷം പി​ഴ​യി​ടു​ക​യും ചെ​യ്തു.

'ലോ​ക​മെ​ങ്ങും ദ​ന്ത​രോ​ഗ വി​ദ​ഗ്ധ​ർ ശി​പാ​ർ​ശ ചെ​യ്യു​ന്ന​ത്', 'പ​ല്ല് പു​ളി​പ്പി​നു​ള്ള ലോ​ക​ത്തെ ഒ​ന്നാം ന​മ്പ​ർ ടൂ​ത്ത് പേ​സ്റ്റ്' എ​ന്നീ തെ​റ്റാ​യ അ​വ​കാ​ശ​വാ​ദ​ങ്ങ​ൾ ഉ​ന്ന​യി​ക്കു​ന്ന പ​ര​സ്യ​ങ്ങ​ളാ​ണ് പി​ൻ​വ​ലി​ക്കാ​ൻ നി​ർ​ദേ​ശി​ച്ച​ത്. പ​ല്ല് പു​ളി​പ്പി​ന് പ​രി​ഹാ​രം കാ​ണാ​ൻ സെ​ൻ​സൊ​ഡൈ​ൻ ഉ​പ​യോ​ഗി​ക്ക​ണ​മെ​ന്ന് വി​ദേ​ശ ദ​ന്ത​രോ​ഗ വി​ദ​ഗ്ധ​രെ​ക്കൊ​ണ്ട് പ​റ​യി​പ്പി​ക്കു​ന്ന പ​ര​സ്യ​ങ്ങ​ളും നീ​ക്കം ചെ​യ്യ​ണ​മെ​ന്ന് ചൊ​വ്വാ​ഴ്ച പു​റ​ത്തി​റ​ങ്ങി​യ ഉ​ത്ത​ര​വി​ലു​ണ്ട്.

ടെ​ലി​വി​ഷ​ൻ, യൂ​ട്യൂ​ബ്, ഫേ​സ്ബു​ക്ക്, ട്വി​റ്റ​ർ തു​ട​ങ്ങി​യ മാ​ധ്യ​മ​ങ്ങ​ളി​ൽ വ​ന്ന പ​ര​സ്യ​ങ്ങ​ൾ​ക്കെ​തി​രെ സ്വ​മേ​ധ​യാ​യാ​ണ് സി.​സി.​പി.​എ ന​ട​പ​ടി സ്വീ​ക​രി​ച്ച​ത്. യു.​കെ​യി​ലെ ദ​ന്ത​രോ​ഗ വി​ദ​ഗ്ധ​ർ പ്ര​ത്യ​ക്ഷ​പ്പെ​ടു​ന്ന സെ​ൻ​സൊ​ഡൈ​ൻ റാ​പ്പി​ഡ് റി​ലീ​ഫ്, സെ​ൻ​സൊ​ഡൈ​ൻ ഫ്ര​ഷ് ജെ​ൽ എ​ന്നീ ടൂ​ത്ത്പേ​സ്റ്റു​ക​ളു​ടെ പ​ര​സ്യ​വും ക്ലി​നി​ക്ക​ൽ പ​രീ​ക്ഷ​ണ​ങ്ങ​ളി​ൽ തെ​ളി​യി​ക്ക​പ്പെ​ട്ട​ത്, 60 സെ​ക്ക​ൻ​ഡി​ന​കം പ്ര​വ​ർ​ത്തി​ക്കും എ​ന്നീ അ​വ​കാ​ശ​വാ​ദ​ങ്ങ​ള​ട​ങ്ങി​യ പ​ര​സ്യ​ങ്ങ​ളും നീ​ക്കം ചെ​യ്യാ​ൻ ആ​വ​ശ്യ​പ്പെ​ട്ടി​ട്ടു​ണ്ട്.

'ലോ​ക​മാ​കെ ദ​ന്ത​രോ​ഗ വി​ദ​ഗ്ധ​ർ ശി​പാ​ർ​ശ ചെ​യ്യു​ന്ന​ത്' എ​ന്നാ​ണ് പ​ര​സ്യ​വാ​ച​ക​മെ​ങ്കി​ലും ഇ​തി​ന് തെ​ളി​വ് ഹാ​ജ​രാ​ക്കാ​ൻ ക​മ്പ​നി​ക്ക് ക​ഴി​ഞ്ഞി​ല്ല. സി.​സി.​പി.​എ വി​ശ​ദീ​ക​ര​ണം തേ​ടി​യ​തി​​നെ തു​ട​ർ​ന്ന് ക​മ്പ​നി സ​മ​ർ​പ്പി​ച്ച രേ​ഖ​ക​ളി​ൽ ഇ​ന്ത്യ​യി​ൽ മാ​ത്ര​മാ​ണ് സെ​ൻ​സൊ​ഡൈ​ൻ ഉ​ൽ​പ​ന്ന സ​ർ​വേ ന​ട​ത്തി​യ​താ​യി വ്യ​ക്ത​മാ​ക്കി​യി​രി​ക്കു​ന്ന​ത്. സെ​ൻ​സൊ​ഡൈ​ൻ ഉ​ൽ​പ​ന്ന​ങ്ങ​ൾ ലോ​ക​മാ​കെ ഉ​പ​യോ​ഗി​ക്കു​ന്നു​ണ്ടെ​ന്ന് തെ​ളി​യി​ക്കാ​നും ക​മ്പ​നി​ക്ക് സാ​ധി​ച്ചി​ട്ടി​ല്ലെ​ന്ന് സി.​സി.​പി.​എ മേ​ധാ​വി നി​ധി ഖ​രെ പ​റ​ഞ്ഞു.

'ക്ലി​നി​ക്ക​ൽ പ​രീ​ക്ഷ​ണ​ങ്ങ​ളി​ൽ തെ​ളി​യി​ക്ക​പ്പെ​ട്ട​ത്', '60 സെ​ക്ക​ൻ​ഡി​ന​കം ഫ​ലം' എ​ന്നീ അ​വ​കാ​ശ​വാ​ദ​ങ്ങ​ളി​ൽ ക​ഴ​മ്പു​ണ്ടോ എ​ന്ന​റി​യാ​ൻ ഡ്ര​ഗ്സ് ക​ൺ​ട്രോ​ള​ർ ജ​ന​റ​ൽ ഓ​ഫ് ഇ​ന്ത്യ​ക്ക് ക​ത്ത​യ​ച്ചി​ട്ടു​ണ്ടെ​ന്നും അ​തി​ൽ പ​രി​ശോ​ധ​ന ന​ട​ന്നു വ​രു​ക​യാ​ണെ​ന്നും സി.​സി.​പി.​എ അ​റി​യി​ച്ചു.