ആരോഗ്യകാരണങ്ങളാൽ വാക്​സിനെടുക്കാത്ത അധ്യാപകരും ജീവനക്കാരും ​ഡോക്​ടറുടെ സർട്ടിഫിക്കറ്റ്​ ഹാജരാക്കണം

തിരുവനന്തപുരം: ആരോഗ്യകാരണങ്ങളാൽ വാക്​സിനെടുക്കാത്ത അധ്യാപകരും ജീവനക്കാരും ​ഡോക്​ടറുടെ സർട്ടിഫിക്കറ്റ്​ ഹാജരാക്കണമെന്ന്​ സർക്കാർ നിർദേശം. രോഗങ്ങൾ, അലർജി എന്നിയാണ്​ ആരോഗ്യകാരണങ്ങളിൽ ഉൾപ്പെടുന്നത്​. കോവിഡ്​ ബാധിച്ച്​ മൂന്ന്​ മാസം തികയാത്തവരാണ്​ വാക്​സിനെടുക്കാത്തതെങ്കിൽ ഇത്​ തെളിയിക്കുന്ന കോവിഡ്​ സർട്ടിഫിക്കറ്റും നൽകണം.

ഈ രണ്ട്​ വിഭാഗത്തിലും ഉൾപ്പെടാത്തവർ ആഴ്​ചതോറും സ്വന്തം ചെലവിൽ ആർ.ടി.പി.സി.ആർ നടത്തണം. വാക്​സിനെടുക്കാത്തവർ സ്​കൂളുകളിലും ഓഫിസുകളിലും മറ്റ്​ പൊതു ഇടങ്ങളിലും ഇടപഴകു​മ്പോൾ രോഗവ്യാപനമുണ്ടാകാൻ സാധ്യതയുണ്ടെന്ന്​ ഇത്​ സംബന്ധിച്ച സർക്കാർ ഉത്തരവിൽ വ്യക്തമാക്കുന്നു.

ഇതിന്​ പുറമേ ഭിന്നശേഷിക്കാർക്കുള്ള സ​്​പെഷൽ സ്​കൂളുകളും അനുബന്ധമായുള്ള ഹോസ്​റ്റലുകളു​ം നിലവിലെ പൊതുവിദ്യാലയങ്ങൾക്ക്​ ബാധകമായ മാനദണ്ഡം പാലിച്ച്​ പ്രവർത്തിക്കാനുള്ള അനുമതിയും നൽകിയിട്ടുണ്ട്​. ഭിന്നശേഷിക്കാരായ കുട്ടികൾക്ക്​ സ്​കൂളിൽ പോയി പഠിക്കാനും അനുവാദം നൽകി.

സംസ്ഥാനത്തെ സർക്കാർ, എയ്​ഡഡ്​ സ്​കൂളുകളിൽ 1495 അധ്യാപകർ ഉൾപ്പെടെ 1707 ജീവനക്കാർ വാക്​സിൻ എടുക്കാനുണ്ടെന്നാണ് വിദ്യാഭ്യാസ മന്ത്രി വി. ശിവൻകുട്ടി ഇന്ന് പുറത്തുവിട്ട കണക്ക്. ജില്ല തിരിച്ച കണക്കാണ്​ മന്ത്രി വാർത്തസമ്മേളനത്തിൽ പുറത്തുവിട്ടത്​. എൽ.പി/ യു.പി/ ഹൈസ്​കൂൾ വിഭാഗങ്ങളിലായി 1066 അധ്യാപകരും 189 അനധ്യാപകരുമായി 1255 പേരാണ്​ വാക്​സിനെടുക്കാത്തത്​. ഹയർ സെക്കൻഡറിയിൽ 200 അധ്യാപകരും 23 അനധ്യാപകരും വി.എച്ച്​.എസ്​.ഇയിൽ 229 അധ്യാപകരും​ വാക്​സിനെടുത്തില്ല.

എൽ.പി./യു.പി./ ഹൈസ്​കൂൾ വിഭാത്തിൽ കൂടുതൽ പേർ വാക്​സിനെടുക്കാനുള്ളത്​ മലപ്പുറം ജില്ലയിലാണ്​; 184 അധ്യാപകരും 17 അനധ്യാപകരുമായി 201 പേർ. ​േകാഴിക്കോട്​ 136 അധ്യാപകരടക്കം 151 പേരും തൃശൂരിൽ 103 അധ്യാപകരടക്കം 124 പേരും വാക്​സിൻ എടുത്തില്ല.