നിയമലംഘനം: ആരോഗ്യമന്ത്രാലയം 14 ക്ലിനിക്കുകൾ അടപ്പിച്ചു
text_fieldsRepresentational Image
കുവൈത്ത്സിറ്റി: സ്വകാര്യ മെഡിക്കൽ സൗകര്യങ്ങൾക്കുള്ള നിയന്ത്രണങ്ങളും നിർദേശങ്ങളും ലംഘിച്ചതിന് മൂന്നു ദിവസത്തിനുള്ളിൽ ആരോഗ്യ മന്ത്രാലയം 14 മെഡിക്കൽ ക്ലിനിക്കുകൾ അടച്ചുപൂട്ടി. ക്ലിനിക്കുകളെക്കുറിച്ചുള്ള നിരന്തര പരാതിയാണ് ആരോഗ്യമന്ത്രി ഡോ. അഹമ്മദ് അൽ-അവധിയെ വിഷയത്തിൽ ഇടപെടാൻ പ്രേരിപ്പിച്ചത്.
ഈ ക്ലിനിക്കുകളിൽ ആവശ്യമായ സ്പെഷലിസ്റ്റുകളായ വ്യക്തികളുടെ അസാന്നിധ്യംമൂലമുള്ള നിയമലംഘനങ്ങൾ ഉണ്ടായിരുന്നു. ബന്ധപ്പെട്ട അധികാരികൾ നൽകുന്ന ആവശ്യമായ ഹെൽത്ത് ലൈസൻസുകളും ഈ സ്ഥാപനങ്ങൾക്ക് ഇല്ലായിരുന്നു. മെഡിക്കൽ സൗകര്യങ്ങളും ക്ലിനിക്കുകളും നിയമങ്ങളും ചട്ടങ്ങളും പാലിക്കേണ്ടതിന്റെ പ്രാധാന്യം മന്ത്രാലയം ഊന്നിപ്പറയുന്നു. പൊതുജനങ്ങൾക്ക് നൽകുന്ന ആരോഗ്യസേവനങ്ങളുടെ ഗുണനിലവാരവും സുരക്ഷയും ഉറപ്പാക്കാൻ, മെഡിക്കൽ, അസിസ്റ്റിങ് പ്രഫഷനുകൾ കർശനമായ നിയന്ത്രണങ്ങൾ പാലിക്കണമെന്നും മന്ത്രാലയം മുന്നറിയിപ്പ് നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.