സിക വൈറസ്; തലശ്ശേരിയില്‍ ഒരാള്‍ക്കുകൂടി സ്ഥി​രീ​ക​രിച്ചു

ത​ല​ശ്ശേ​രി: ജി​ല്ല കോ​ട​തി​യി​ല്‍ ഭീ​തി​യൊ​ഴി​യാ​തെ സി​ക വൈ​റ​സ്. തി​ങ്ക​ളാ​ഴ്ച ഒ​രാ​ൾ​ക്കു​കൂ​ടി രോ​ഗം സ്ഥി​രീ​ക​രി​ച്ച​തോ​ടെ സി​ക വൈ​റ​സ് ബാ​ധി​ത​രു​ടെ എ​ണ്ണം ഒ​മ്പ​താ​യി. സ​മാ​ന രോ​ഗ​ല​ക്ഷ​ണം പ്ര​ക​ട​മാ​യ ഒ​രു കു​ട്ടി ഉ​ൾ​പ്പെ​ടെ നാ​ലു പേ​രു​ടെ ര​ക്ത സാ​മ്പി​ൾ തി​ങ്ക​ളാ​ഴ്ച പ​രി​ശോ​ധ​ന​ക്ക​യ​ച്ചു.

കോ​ഴി​ക്കോ​ട് സ്വ​കാ​ര്യ ആ​ശു​പ​ത്രി​യി​ല്‍ ഏ​താ​നും ദി​വ​സ​മാ​യി ചി​കി​ത്സ​യി​ലു​ള്ള ത​ല​ശ്ശേ​രി ജി​ല്ല കോ​ട​തി​യി​ലെ ജ​ഡ്ജി​ക്കാ​ണ് സി​ക വൈ​റ​സ് സ്ഥി​രീ​ക​രി​ച്ച​ത്. ആ​ശു​പ​ത്രി​യി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് റി​പ്പോ​ര്‍ട്ട് പോ​സി​റ്റി​വാ​യ​തെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​റു​ടെ ചു​മ​ത​ല​യു​ള്ള ഡോ. ​എം.​പി. ജീ​ജ പ​റ​ഞ്ഞു.

വൈ​റ​സ് കൂ​ടു​ത​ൽ പേ​രി​ലേ​ക്ക് പ​ക​ർ​ന്നി​ട്ടു​ണ്ടെ​ന്നാ​ണ് പൊ​തു​വേയു​ള്ള നി​ഗ​മ​നം. തി​രു​വ​ന​ന്ത​പു​ര​ത്തു​നി​ന്നു​ള്ള സ്റ്റേ​റ്റ് എ​ൻ​ഡ​മോ​ള​ജി യൂ​നി​റ്റ് അ​സി. ഡ​യ​റ​ക്ട​ർ എം.​എ​സ്. ശ​ശി​യു​ടെ നേ​തൃ​ത്വ​ത്തി​ലു​ള്ള ഉ​ന്ന​ത​ത​ല മെ​ഡി​ക്ക​ല്‍ സം​ഘം ഇ​ന്ന​ലെ കോ​ട​തി​യി​ലെ​ത്തി പ​രി​ശോ​ധ​ന ന​ട​ത്തി. ഒ​രാ​ഴ്ച​ക്കാ​ലം സം​ഘം ത​ല​ശ്ശേ​രി​യി​ൽ ക്യാ​മ്പ് ചെ​യ്ത് രോ​ഗ​പ്ര​തി​രോ​ധ ന​ട​പ​ടി​ക​ൾ ഊ​ർ​ജി​ത​മാ​ക്കും.

രോ​ഗ​ല​ക്ഷ​ണ​ങ്ങ​ൾ കോ​ട​തി​ക്ക് പു​റ​ത്തു​ള്ള​വ​രി​ലും ഉ​ണ്ടെ​ന്നാ​ണ് വി​ല​യി​രു​ത്ത​ൽ. കോ​ട​തി​യു​ടെ മൂ​ന്ന് കി​ലോ​മീ​റ്റ​ര്‍ ചു​റ്റ​ള​വി​ല്‍ ക​ണ്ടെ​യ്ൻ​മെ​ന്റ് സോ​ണാ​യി തി​രി​ച്ച് രോ​ഗ​പ്ര​തി​രോ​ധ ന​ട​പ​ടി ഊ​ര്‍ജി​ത​മാ​ക്കാ​നാ​ണ് ആ​രോ​ഗ്യ​വ​കു​പ്പ് അ​ധി​കൃ​ത​ര്‍ തീ​രു​മാ​നി​ച്ചി​ട്ടു​ള്ള​ത്.

പൊതുജാഗ്രത പാലിക്കണം -മന്ത്രി വീണ ജോര്‍ജ്

ക​ണ്ണൂ​ർ: സി​ക വൈ​റ​സി​നെ​തി​രെ പൊ​തു​ജാ​ഗ്ര​ത പാ​ലി​ക്ക​ണ​മെ​ന്ന് ആ​രോ​ഗ്യ മ​ന്ത്രി വീ​ണ ജോ​ര്‍ജ്. പ​നി, ത​ല​വേ​ദ​ന, ശ​രീ​ര​വേ​ദ​ന, ചു​വ​ന്ന പാ​ടു​ക​ള്‍, ക​ണ്ണ് ചു​വ​പ്പ് എ​ന്നീ രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ ചി​കി​ത്സ തേ​ടേ​ണ്ട​താ​ണ്. രോ​ഗ​ല​ക്ഷ​ണ​ങ്ങ​ള്‍ അ​വ​ഗ​ണി​ക്കാ​തെ ആ​രോ​ഗ്യ പ്ര​വ​ര്‍ത്ത​ക​രെ വി​വ​രം അ​റി​യി​ക്ക​ണം.

രോ​ഗി​ക​ളി​ല്‍ സി​ക രോ​ഗ​ല​ക്ഷ​ണ​ങ്ങ​ള്‍ കാ​ണു​ന്നു​ണ്ടെ​ങ്കി​ല്‍ ആ​രോ​ഗ്യ പ്ര​വ​ര്‍ത്ത​ക​രും പ്ര​ത്യേ​കം ശ്ര​ദ്ധി​ക്ക​ണം. സി​ക റി​പ്പോ​ര്‍ട്ട് ചെ​യ്ത പ്ര​ദേ​ശ​ങ്ങ​ളി​ല്‍ പ​നി കേ​സു​ക​ള്‍ കൂ​ടു​ന്നു​ണ്ടോ​യെ​ന്ന് നി​രീ​ക്ഷി​ക്ക​ണം. സി​റോ സ​ര്‍വ​യ​ല​ന്‍സ് ന​ട​ത്ത​ണ​മെ​ന്നും മ​ന്ത്രി നി​ര്‍ദേ​ശി​ച്ചു.

ത​ല​ശ്ശേ​രി​യി​ലെ സി​ക സ്ഥി​തി വി​ല​യി​രു​ത്താ​ന്‍ വി​ളി​ച്ചു​ചേ​ര്‍ത്ത ഉ​ന്ന​ത​ത​ല യോ​ഗ​ത്തി​ലാ​ണ് മ​ന്ത്രി​യു​ടെ നി​ര്‍ദേ​ശം. ഗ​ര്‍ഭി​ണി​ക​ള്‍ക്ക് സി​ക വൈ​റ​സ് ബാ​ധി​ച്ചാ​ല്‍ ഗ​ര്‍ഭ​സ്ഥ ശി​ശു​വി​ന് മൈ​ക്രോ​സെ​ഫാ​ലി പോ​ലു​ള്ള വൈ​ക​ല്യ​ങ്ങ​ള്‍ ഉ​ണ്ടാ​കാ​ന്‍ സാ​ധ്യ​ത​യു​ണ്ട്. അ​തി​നാ​ല്‍ രോ​ഗ​മു​ള്ള പ്ര​ദേ​ശ​ത്തെ ഗ​ര്‍ഭി​ണി​ക​ളെ പ്ര​ത്യേ​കം നി​രീ​ക്ഷി​ക്കും.

ഗ​ര്‍ഭി​ണി​ക​ള്‍ക്ക് മു​മ്പ് സി​ക രോ​ഗ​ല​ക്ഷ​ണ​ങ്ങ​ള്‍ വ​ന്നി​ട്ടു​ണ്ടോ​യെ​ന്ന് റി​പ്പോ​ര്‍ട്ട് ചെ​യ്യ​ണം. പ​നി ബാ​ധി​ച്ച ഗ​ര്‍ഭി​ണി​ക​ളെ പ്ര​ത്യേ​കം നി​രീ​ക്ഷി​ക്ക​ണം. സ്വ​കാ​ര്യ ആ​ശു​പ​ത്രി​ക​ള്‍ക്കും നി​ര്‍ദേ​ശം ന​ല്‍കും. ഈ​യൊ​രു സാ​ഹ​ച​ര്യ​ത്തി​ല്‍ ഡ്രൈ​ഡേ പ്ര​വ​ര്‍ത്ത​ന​ങ്ങ​ൾ ശ​ക്തി​പ്പെ​ടു​ത്തു​മെ​ന്നും മ​ന്ത്രി പ​റ​ഞ്ഞു.