വീ​ഴാ​തി​രി​ക്കാ​ൻ

‘പ​ല​കു​റി ക​ര​യു​മ്പോ​ൾ

ചി​രി​ക്കാ​ൻ പ​ഠി​ക്കും.

പ​ല​വ​ട്ടം വീ​ഴു​മ്പോ​ൾ

ന​ട​ക്കാ​ൻ പ​ഠി​ക്കും’

ഈ ​വ​രി​ക​ൾ കു​ട്ടി​ക്കാ​ല​ത്തെ​ക്കു​റി​ച്ച് എ​ഴു​തി​യ​താ​ണെ​ങ്കി​ലും വീ​ഴ്ച​യെ​ന്ന​ത് ആ​ർ​ക്കും എ​പ്പോ​ൾ വേ​ണ​മെ​ങ്കി​ലും സം​ഭ​വി​ക്കാ​വു​ന്ന ഒ​ന്നാ​ണ്. അ​ടി തെ​റ്റി​യാ​ൽ ആ​ന​യും വീ​ഴും എ​ന്നാ​ണ​ല്ലോ പ്ര​മാ​ണം. എ​ന്നി​രു​ന്നാ​ലും പ്രാ​യം കൂ​ടു​മ്പോ​ൾ വീ​ഴാ​നു​ള്ള സാ​ധ്യ​ത​യും വീ​ഴ്ച​യു​ടെ ഫ​ല​മാ​യു​ണ്ടാ​കു​ന്ന പ​രി​ക്കി​ന്റെ തീ​വ്ര​ത​യും വ​ർ​ധി​ക്കും.

മു​തി​ർ​ന്ന​വ​രി​ൽ വീ​ഴ്ച​യെ​ന്ന​ത് വാ​ർ​ധ​ക്യ​സ​ഹ​ജ​മാ​യ ഒ​രു പ്ര​ധാ​ന​പ്പെ​ട്ട ആ​രോ​ഗ്യ​പ്ര​ശ്നം ത​ന്നെ​യാ​ണ്. ലോ​ക​ത്താ​ക​മാ​നം പ്ര​തി​വ​ർ​ഷം 3.7 കോ​ടി ജ​ന​ങ്ങ​ൾ​ക്കാ​ണ് പ​ല കാ​ര​ണ​ങ്ങ​ളാ​ൽ വീ​ഴ്ച​സം​ഭ​വി​ക്കു​ന്ന​ത്. ഇ​തി​ൽ ഏ​റി​യ പേ​രും 60 വ​യ​സ്സി​ന് മു​ക​ളി​ലു​ള്ള​വ​രാ​ണ്. ഈ ​വീ​ഴ്ച സം​ഭ​വി​ക്കു​ന്ന​വ​രി​ൽ ഏ​ക​ദേ​ശം 6.8 ല​ക്ഷം പേ​ർ​ക്ക് ജീ​വ​ഹാ​നി​യും സം​ഭ​വി​ക്കു​ന്നു.

വീ​ഴ്ച​യു​ടെ സാ​ധ്യ​ത

മു​തി​ർ​ന്ന​വ​രി​ൽ വീ​ഴ്ച​യു​ടെ സാ​ധ്യ​ത പ​ല ഘ​ട​ക​ങ്ങ​ളെ ആ​ശ്ര​യി​ച്ചി​രി​ക്കു​ന്നു. അ​തി​ൽ പ്ര​ധാ​നം മു​തി​ർ​ന്ന​വ​രി​ലെ ആ​രോ​ഗ്യ​സ്ഥി​തി​യും ഒ​പ്പം അ​വ​ർ ജീ​വി​ക്കു​ന്ന ചു​റ്റു​പാ​ടി​ന്റെ സ​വി​ശേ​ഷ​ത​ക​ളു​മാ​ണ്. അ​തു​കൊ​ണ്ടു​ത​ന്നെ മു​തി​ർ​ന്ന​വ​രി​ലെ വീ​ഴ്ച​സാ​ധ്യ​ത ജ​പ്പാ​നി​ൽ 13.7 ശ​ത​മാ​ന​വും ചൈ​ന​യി​ൽ 26.4 ശ​ത​മാ​ന​വും അ​മേ​രി​ക്ക​യി​ൽ 30 ശ​ത​മാ​ന​വു​മാ​ണ്. എ​ന്നാ​ൽ, ഇ​ന്ത്യ​യി​ൽ ഇ​ത് 53 ശ​ത​മാ​ന​മാ​ണ്. പ്രാ​യം വ​ർ​ധി​ക്കു​ന്തോ​റും വീ​ഴ്ച​ക്കു​ള്ള സാ​ധ്യ​ത​യും വ​ർ​ധി​ക്കു​ന്നു. പു​രു​ഷ​ന്മാ​രെ അ​പേ​ക്ഷി​ച്ച് സ്ത്രീ​ക​ൾ​ക്കാ​ണ് വീ​ഴ്ച​ക്കു​ള്ള സാ​ധ്യ​ത കൂ​ടു​ത​ൽ.

പ്ര​തി​രോ​ധ​മാ​ർ​ഗ​ങ്ങ​ൾ

എ​ല്ലാ വീ​ഴ്ച​ക​ളും ന​മു​ക്ക് തടയാൻ ക​ഴി​യി​ല്ലെ​ങ്കി​ലും ഒ​രു പ​രി​ധി​വ​രെ ന​മു​ക്ക​വ​യെ പ്ര​തി​രോ​ധി​ക്കാം.

1. മു​തി​ർ​ന്ന​വ​ർ എ​ല്ലാ വ​ർ​ഷ​വും ഹൃ​ദ​യ​പ​രി​ശോ​ധ​ന, പ്ര​മേ​ഹം, ര​ക്ത​സ​മ്മ​ർ​ദം, നേ​ത്ര​പ​രി​ശോ​ധ​ന, ചെവിപ​രി​ശോ​ധ​ന എന്നിവ ന​ട​ത്തു​ക​യും ആ​വ​ശ്യ​മാ​യ ചി​കി​ത്സ തേ​ടു​ക​യും വേ​ണം.

2. കാ​ൽ​സ്യം, വി​റ്റ​മി​ൻ ഡി ​ഇ​വ അ​ട​ങ്ങി​യ ആ​ഹാ​ര​സാ​ധ​ന​ങ്ങ​ൾ നി​ത്യ​വും ക​ഴി​ക്കാം. പാ​ൽ, പാ​ലു​ൽ​പ​ന്ന​ങ്ങ​ൾ, ചെ​റു​മ​ത്സ്യ​ങ്ങ​ൾ, പ​ച്ച​ക്ക​റി​ക​ൾ, ന​ട്സ് മു​ത​ലാ​യ​വ ന​ല്ല​താ​ണ്. കാ​ത്സ്യ​വും വി​റ്റ​മി​ൻ ഡി​യും അ​ട​ങ്ങി​യ മ​രു​ന്നു​ക​ളും ഒ​പ്പം ദി​വ​സ​വും കു​റ​ച്ചു​നേ​രം ഇ​ളം​വെ​യി​ൽ കൊ​ള്ളു​ന്ന​തും ന​ല്ല​താ​ണ്.

3. പു​ക​വ​ലി, മ​ദ്യ​പാ​നം പാടില്ല.

4. ​വ്യാ​യാ​മം ശീ​ല​മാ​ക്കു​ക. ശ​രീ​ര​ത്തിന് അ​നു​യോ​ജ്യ​മാ​യ വ്യാ​യാ​മ​മു​റ​ക​ളാ​ണ് ചെ​യ്യേ​ണ്ട​ത്. ഡോ​ക്ട​റു​ടെ സ​ഹാ​യ​ത്തോ​ടെ ഇ​വ നി​ശ്ച​യി​ക്കാം.

5. അ​നാ​വ​ശ്യ​മാ​യി ക​ട​യി​ൽ​നി​ന്ന് ഡോ​ക്ട​റു​ടെ നി​ർ​ദേ​ശ​മി​ല്ലാ​ത്ത മ​രു​ന്നു​ക​ൾ വാ​ങ്ങി​ക്ക​ഴി​ക്ക​രു​ത്.

6. ഒ​റ്റ​ക്ക് ഉ​യ​ര​ങ്ങ​ളി​ലേ​ക്ക് ക​യ​റാ​ൻ ശ്ര​മി​ക്ക​രു​ത്

7. താ​മ​സ​സ്ഥ​ല​ത്ത് അ​ധി​കം ഫ​ർ​ണി​ച്ച​ർ അ​രു​ത്. രാ​ത്രി​കാ​ല​ങ്ങ​ളി​ല ആ​വ​ശ്യ​ത്തി​ന് വെ​ളി​ച്ചം വേ​ണം. കിടപ്പുമുറിയി​ലും കു​ളി​മു​റി​യി​ലും നൈ​റ്റ് ലാം​ബ് ഉ​പ​യോ​ഗി​ക്കു​ക.

8. കു​ളി​മു​റി​യു​ടെ നി​ല​ത്ത് റ​ബ​ർ ഷീ​റ്റു​ക​ൾ ഉ​പ​യോ​ഗി​ച്ചാ​ൽ തെ​ന്നി​വീ​ഴു​ന്ന​ത് ത​ട​യാം. മു​റി​യു​ടെ വ​ശ​ങ്ങ​ളി​ൽ പി​ടി​ക്കാ​ൻ സ​ഹാ​യി​ക്കു​ന്ന ഗ്രാ​ബ് ബാ​റു​ക​ൾ സ്ഥാ​പി​ക്കു​ക. ചെ​റി​യ സ്റ്റൂ​ളി​ൽ ഇ​രു​ന്ന് കു​ളി​ക്കു​ക.

9. തെ​ന്നാ​ത്ത, പാ​ക​മാ​യ പാ​ദ​ര​ക്ഷ​ക​ൾ ഉ​പ​യോ​ഗി​ക്കു​ക.

10. ത​റ​യി​ൽ വെ​ള്ളം, എ​ണ്ണ മു​ത​ലാ​യ​വ വീ​ഴാ​തെ ശ്ര​ദ്ധി​ക്കു​ക. വീ​ണാ​ൽ ഉ​ട​ൻ തു​ട​ച്ച് വൃ​ത്തി​യാ​ക്കു​ക.

11. കു​ളി​മു​റി​യു​ടെ തൊ​ട്ടു​വെ​ളി​യി​ൽ ഉ​പ​യോ​ഗി​ക്കു​ന്ന ഫ്ലോ​ർ​മാ​റ്റു​ക​ൾ തെ​ന്നു​ന്ന​വ​യാ​ക​രു​ത്. കാ​ലി​ലെ വെ​ള്ളം ന​ല്ല​വ​ണ്ണം തു​ട​ച്ചി​ട്ട് വേ​ണം വെ​ളി​യി​ലേ​ക്ക് ന​ട​ക്കു​വാ​ൻ.

12. കാ​ർ​പെ​റ്റു​ക​ൾ ഉ​പ​യോ​ഗി​ക്കു​ന്നെ​ങ്കി​ൽ അ​വ​യു​ടെ അ​റ്റം ത​ട്ടി വീ​ഴാ​തി​രി​ക്കാ​ൻ അ​വ ടേ​പ്പ് ഉ​പ​യോ​ഗി​ച്ച് ത​റ​യോ​ട് ചേ​ർ​ത്ത് ഒ​ട്ടി​ക്കു​ക.

ഇ​നി വീ​ണാ​ൽ

ഇ​നി അ​ബ​ദ്ധ​വ​ശാ​ൽ വീ​ണെ​ന്നു​ത​ന്നെ​യി​രി​ക്ക​ട്ടെ. പ​രി​ഭ്ര​മി​ക്ക​രു​ത്. ഉ​ട​ൻ എ​ണീ​ക്കാ​ൻ ശ്ര​മി​ക്ക​രു​ത്. പ​ല പ്രാ​വ​ശ്യം ശ്വാ​സം വ​ലി​ച്ചു​വീ​ടു​ക. ശ​രീ​ര​ത്തി​ൽ മു​റി​വു​ക​ളോ അ​സ​ഹ​നീ​യ വേ​ദ​ന​യോ ഉ​ണ്ടോ എ​ന്ന് നോ​ക്കു​ക. ര​ക്തം വാ​ർ​ന്നു​പോ​കു​ന്നെ​ങ്കി​ൽ ഒ​രു കൈ​കൊ​ണ്ട് അ​മ​ർ​ത്തി​പ്പി​ടി​ക്കു​ക. അ​ടു​ത്തു​ള്ള ഒ​രു മേ​ശ​യു​ടെ​യോ ക​സേ​ര​യു​ടെ​യോ സ​ഹാ​യ​ത്തോ​ടെ എ​ഴു​ന്നേ​ൽ​ക്കാ​ൻ ക​ഴി​യു​മോ എ​ന്ന് നോ​ക്കു​ക. ക​ഴി​യു​ന്നി​ല്ലെ​ങ്കി​ൽ എ​ണീ​ക്കാ​ൻ ശ്ര​മി​ക്ക​രു​ത്. പ​ര​സ​ഹാ​യം തേ​ടു​ക.

വീ​ഴ്ച​യുടെ കാ​ര​ണ​ങ്ങ​ൾ

ആ​രോ​ഗ്യ​പ്ര​ശ്ന​ങ്ങ​ൾ

പ​ല​ത​രം ആ​രോ​ഗ്യ​പ്ര​ശ്ന​ങ്ങ​ൾ വീ​ഴ്ച​ക്ക് കാ​ര​ണ​മാ​കാം. അ​വ​യി​ൽ പ്ര​ധാ​ന​മാ​യു​ള്ള​ത് കാ​ലു​ക​ളി​ലെ എ​ല്ലു​ക​ൾ​ക്കും പേ​ശി​ക​ൾ​ക്കും ഉ​ണ്ടാ​കു​ന്ന ബ​ല​ഹീനതയാ​ണ്. ന​ട​ക്കു​ക എ​ന്ന​ത് സ​ങ്കീ​ർ​ണ​മാ​യ പ്ര​ക്രി​യ​യാ​ണ്. നൂ​റി​ൽ​പ​രം പേ​ശി​ക​ൾ ഒ​ത്തൊ​രു​മി​ച്ച് പ്ര​വ​ർ​ത്തി​ക്കു​ക​യും ശ​രീ​ര​ഭാ​രം മു​ഴു​വ​ൻ ഒ​രു കാ​ലി​ൽ​നി​ന്ന് മ​റ്റു കാ​ലി​ലേ​ക്ക് വീ​ഴാ​തെ, മ​റി​യാ​തെ, ഉ​ല​യാ​തെ മാ​റ്റ​പ്പെ​ടു​കയും ചെയ്യുന്നു.

ത​ല​ച്ചോ​റി​ലെ സെ​റി​ബ്ര​ൽ കോ​ർ​ട്ട​ക്സ്, സെ​റി​ബ​ല്ലം, ബ്രെ​യി​ൻ സ്റ്റെം ​ഇ​വ​യു​ടെ ഏ​കോ​പ​ന​ത്തി​ലാ​ണ് ഇ​ത് സാ​ധ്യ​മാ​കു​ന്ന​ത്. ഇ​തി​ലെ ഏ​തൊ​രു ത​ക​രാ​റും വീ​ഴ്ച​ക്ക് കാ​ര​ണ​മാ​കാം.

എ​ല്ലു​ക​ളി​ലെ ബ​ല​ക്ഷ​യ​മാ​ണ് മ​റ്റൊ​രു കാ​ര​ണം, കാ​ൽ​സ്യം, വൈ​റ്റ​മി​ൻ ഡി, ​ഇ​വ​യു​ടെ അ​പ​ര്യാ​പ്ത​ത, വ്യാ​യാ​മ​ക്കു​റ​വ് ഇ​തെ​ല്ലാം എ​ല്ലു​ക​ളു​ടെ ബ​ല​ക്ഷ​യ​ത്തി​ന് കാ​ര​ണ​മാ​കാം. എ​ല്ലു​ക​ളെ ബാ​ധി​ക്കു​ന്ന അ​ർ​ബു​ദ​ങ്ങ​ളാ​കാം വീ​ഴ്ച സം​ഭ​വി​ക്കു​ന്ന​തി​നു​ള്ള മ​റ്റൊ​രു കാ​ര​ണം.

ര​ക്ത​സ​മ്മ​ർ​ദ​ത്തി​ലെ ഏ​റ്റ​ക്കു​റ​ച്ചി​ലു​ക​ൾ, ഹൃ​ദ​യ​മി​ടി​പ്പി​ലെ ന്യൂ​ന​ത​ക​ൾ, മ​റ​വി​രോ​ഗം, സ​ന്ധി​വാ​തം, കാ​ഴ്ച​പ​രി​മി​തി, കേ​ൾ​വി​ക്കു​റ​വ് ഇ​വ​യെ​ല്ലാം വീ​ഴ്ച​യി​ലേ​ക്ക് ന​യി​ക്കാം. അ​പൂ​ർ​വ​മെ​ങ്കി​ലും പ​ക്ഷാ​ഘാ​ത​മാ​കാം ചി​ല​പ്പോ​ൾ വീ​ഴു​വാ​നു​ള്ള കാ​ര​ണം. ചി​ല​പ്പോ​ൾ മ​റ്റു അ​സു​ഖ​ങ്ങ​ൾ​ക്കാ​യി ക​ഴി​ക്കു​ന്ന ചി​ല മ​രു​ന്നു​ക​ളും വീ​ഴ്ച​ക്ക് ഹേ​തു​വാ​യി​മാ​റു​ന്നു.

വ്യ​ക്തി​ഗ​ത​മാ​യ കാ​ര്യ​ങ്ങ​ൾ

പാ​ക​മ​ല്ലാ​ത്ത പാ​ദ​ര​ക്ഷ​ക​ളാ​കാം ചി​ല​പ്പോ​ൾ ഒ​രാ​ളെ വീ​ഴ്ത്തു​ന്ന​ത്. പ്ര​മേ​ഹ​രോ​ഗി​ക​ളി​ൽ കാ​ലി​ന്റെ സ്പ​ർ​ശ​ന​ശേ​ഷി​ക്കു​റ​വാ​യി​രി​ക്കാം.

വി ​സ്ട്രാ​പ്പ് ചെ​രു​പ്പു​ക​ൾ ഉ​പ​യോ​ഗി​ക്കു​മ്പോ​ൾ അ​വ അ​റി​യാ​തെ ഊ​രി​പ്പോ​വു​ക​യും ആ ​ചെരിപ്പി​ൽ ത​ട്ടി​ത്ത​ന്നെ ചി​ല​പ്പോ​ൾ രോ​ഗി വീ​ഴുകയും ചെയ്യും.

അ​തു​​കൊ​ണ്ടു​ത​ന്നെ ദീ​ർ​ഘ​നാ​ൾ പ്ര​മേ​ഹ​രോ​ഗ​മു​ള്ള​വ​രും കാ​ലി​ന്റെ ഞ​ര​മ്പു​ക​ൾ​ക്ക് മ​റ്റു അ​സു​ഖ​ങ്ങ​ൾ​മൂ​ലം ത​ക​രാ​റു​ള്ള​വ​രും കാ​ലി​ൽ​നി​ന്ന് ഊ​രി​പ്പോ​കാ​ത്ത ബാ​ക്സ്ട്രാ​പ്പു​ള്ള പാ​ദ​ര​ക്ഷ​ക​ൾ ഉ​പ​യോ​ഗി​ക്കു​ക. നി​ർ​ജ​ലീ​ക​ര​ണം, മ​ദ്യ​പാ​നം ഇ​വ​യും വീ​ഴ്ച​ക്ക് വ​ഴി​തെ​ളി​ക്കാം.

പ​രി​സ്ഥി​തി ഘ​ട​ക​ങ്ങ​ൾ

ജീ​വി​ക്കു​ന്ന ചു​റ്റു​പാ​ടു​ക​ളാ​ണ് വീ​ഴ്ച​ക്ക് വ​ഴി​യൊ​രു​ക്കു​ന്ന മ​റ്റൊ​രു ഘ​ട​കം. ഭം​ഗി​ക്കാ​യി വീ​ടു​ക​ളി​ൽ ഉ​പ​യോ​ഗി​ക്കു​ന്ന ഫ്ലോ​ർ ടൈ​ലു​ക​ൾ ഇ​പ്പോ​ൾ ക​ണ്ണാ​ടി​പോ​ലെ മി​നു​സ​മു​ള്ള​വ​യാ​ണ്. അ​ൽ​പം വെ​ള്ള​മോ എ​ണ്ണ​യോ മ​റ്റോ അ​ബ​ദ്ധ​വ​ശാ​ൽ നി​ല​ത്തു​വീ​ണാ​ൽ ആ​രാ​യാ​ലും തെ​ന്നി​വീ​ഴും. പ്രാ​യ​ക്കൂ​ടു​ത​ലു​ള്ള​വ​രു​ടെ കാ​ര്യം പ​റ​യു​ക​യും വേ​ണ്ട.

വെ​ളി​ച്ച​ക്കു​റ​വാ​ണ് മ​റ്റൊ​രു കാ​ര​ണം. രാ​ത്രി മൂ​ത്ര​ശ​ങ്ക തീ​ർ​ക്കാ​ൻ എ​ഴു​ന്നേ​ൽ​ക്കു​മ്പോ​ൾ വെ​ളി​ച്ച​ക്കു​റ​വ് ചി​ല​പ്പോ​ൾ എ​വി​ടെ​യെ​ങ്കി​ലും ത​ട്ടി​വീ​ഴു​ന്ന​തി​ന് കാ​ര​ണ​മാ​കാം. അ​ല​ക്ഷ്യ​മാ​യി കു​ട്ടി​ക​ൾ വ​ലി​ച്ചെ​റി​യു​ന്ന ക​ളി​പ്പാ​ട്ട​ങ്ങ​ളി​ൽ ച​വി​ട്ടി​യും ചി​ല​പ്പോ​ൾ വീ​ഴാം.