ഗ്ലോബൽ എൻ‌സി‌എപി ക്രാഷ്​ ടെസ്​റ്റ്​; കിയക്ക്​ മൂന്ന്​ സ്​റ്റാർ, ഹ്യുണ്ടായ്​ക്ക്​ രണ്ട്​

ഗ്ലോബൽ എൻ‌സി‌എപി ക്രാഷ്​ ടെസ്​റ്റിൽ കിയ സെൽറ്റോസ്​ ഹ്യൂണ്ടായ്​ ഗ്രാൻഡ്​ ​െഎ 10 നിയോസ്​ മാരുതി എസ്​പ്രെസ്സോ എന്നീ വാഹനങ്ങൾ പരിശോധിച്ചു. ഇന്ത്യയിൽ നിർമിച്ച മൂന്ന് മോഡലുകൾ ജർമ്മനിയിലെ ക്രാഷ് ലാബിലാണ്​ പരീക്ഷിച്ചത്​. ഗ്രാൻഡ്​ ​െഎ 10 നിയോസിന്​ രണ്ട്​ സ്​റ്റാറും സെൽറ്റോസിന്​ മൂന്ന്​ സ്​റ്റാറും ലഭിച്ചു. മാരുതിയുടെ എസ്​പ്രെസ്സോ വാഹനത്തിന്​ സ്​റ്റാറുകൾ ഒന്നും ലഭിച്ചില്ല. പ്രോട്ടോക്കോൾ പ്രകാരം അടിസ്ഥാന വകഭേദങ്ങൾ മാത്രമാണ് പരിശോധനക്ക്​ ഉപയോഗിച്ചത്.

64 കിലോമീറ്റർ വേഗതയിൽ മുൻവശത്തുനിന്നുള്ള പരിശോധനയ്ക്കാണ്​ കാറുകളെ വിധേയമാക്കിയതെന്ന്​ ഗ്ലോബൽ എൻ‌സി‌എപി ഫൗണ്ടേഷൻ പ്രസിഡൻറ്​ ഡേവിഡ് വാർഡ് പറഞ്ഞു. കിയക്ക്​ ലഭിച്ച മൂന്ന്​ സ്​റ്റാറുകൾ മികച്ച റേറ്റിങ്ങായാണ്​ വിലയിരുത്തപ്പെടുന്നത്​. അടിസ്​ഥാന വകഭേദങ്ങളായതിനാൽ സുരക്ഷാ സൗകര്യങ്ങൾ കുറവുള്ള വാഹനങ്ങളാണ്​ ടെസ്​റ്റിന്​ വിധേയമാക്കപ്പെട്ടത്​.

മുന്നിലെ മുതിർന്നവരുടെ സംരക്ഷണ കാര്യത്തിലാണ്​ എസ്​പ്രെസ്സോ കൂടുതലും പരീക്ഷിക്കപ്പെട്ടത്​. എസ്​പ്രെസ്സോക്ക്​ ഡ്രൈവർ സൈഡ് എയർബാഗ് മാത്രമേ സ്​റ്റോ​േൻറർഡായി ലഭിക്കുന്നുള്ളു. അതിനാൽ തന്നെ ക്രാഷ്​ ടെസ്​റ്റിൽ ​ വാഹനത്തിന്​ മികച്ച റേറ്റിങ്ങ്​ പ്രതീക്ഷിച്ചിരുന്നില്ല.കുട്ടികളുടെ സുരക്ഷയ്ക്കായി എസ്​പ്രെസ്സോക്ക്​ രണ്ട്​ സ്​റ്റാറുകൾ ലഭിക്കും. കാറിൽ ഐസോഫിക്​സ്​ ചൈൽഡ് സീറ്റ് സൗകര്യം ഇല്ല.