സോഫ്​റ്റ്​വെയർ തകരാർ; 13ലക്ഷം വാഹനങ്ങൾ തിരിച്ചുവിളിച്ച്​ ബെൻസ്​

ബെൻസിന്‍റെ മാതൃ കമ്പനിയായ ഡെയിംലർ അമേരിക്കയിൽ 13 ലക്ഷം വാഹനങ്ങൾ തിരിച്ചുവിളിക്കും. സോഫ്​റ്റ്​​വെയർ തകരാർ ക​െണ്ടത്തിയതിനെ തുടർന്നാണ്​ നടപടിയെന്ന്​ ഡെയിംലർ എജിയുടെ യുഎസ് യൂനിറ്റ് മെഴ്‌സിഡസ് ബെൻസ് യു.എസ്.എ അറിയിച്ചു​. തകരാറുള്ള വാഹനങ്ങൾ അപകടമുണ്ടായാൽ ശരിയായ ലൊക്കേഷൻ കാണിക്കുന്നില്ലെന്നാണ്​ കണ്ടെത്തിയിട്ടുള്ളത്​.

2016-2021 വരെ കാലയളവിൽ നിർമിച്ച വാഹനങ്ങൾക്കെല്ലാം ഇത്തമൊരു പ്രശ്​നമുള്ളതായി റിപ്പോർട്ട്​ ചെയ്​തിട്ടുണ്ട്​. സി‌എൽ‌എ-ക്ലാസ്, ജി‌എൽ‌എ-ക്ലാസ്, ജി‌എൽ‌ഇ-ക്ലാസ്, ജി‌എൽ‌എസ്-ക്ലാസ് തുടങ്ങി സി-ക്ലാസ്, ഇ-ക്ലാസ്, എസ്-ക്ലാസ് എന്നിങ്ങനെ ബെൻസിന്‍റെ ജനപ്രിയ മോഡലുകളെല്ലാം തിരിച്ചുവിളിക്കുന്നുണ്ട്​. വാഹനങ്ങളിൽ സോഫ്​റ്റ്​വെയർ അപ്​ഡേഷൻ നടത്തിയാൽ തീരുന്ന നിസാര പ്രശ്​നമാണിതെന്ന്​ ബെൻസ്​ അറിയിച്ചു.

ഓട്ടോമാറ്റിക് മാനുവൽ എമർജൻസി കോൾ ഫംഗ്ഷന്‍റെ മറ്റ് പ്രവർത്തനങ്ങൾ പൂർണമായും നടക്കുന്നുണ്ടെന്നും ബെൻസ് അധികൃതർ പറയുന്നു. 2019 ഒക്ടോബറിൽ യൂറോപ്പിലെ മെഴ്‌സിഡസ് ബെൻസ് സെന്‍ററാണ്​ പരാതിയിൽ അന്വേഷണം ആരംഭിച്ചത്​. ഓട്ടോമാറ്റിക് ഇ-കോൾ സിസ്റ്റം കൃത്യമല്ലെന്ന്​ അങ്ങിനെയാണ്​ കണ്ടെത്തുന്നത്​. വിവിധ സോഫ്റ്റ്‌വെയർ കോമ്പിനേഷനുകൾ അവലോകനം ചെയ്ത്​ നീണ്ട അന്വേഷണത്തിന് ശേഷമാണ് പ്രശ്​നം സ്​ഥിരീകരിക്കുന്നത്​.​