'സുന്ദരനായവനെ സുബ്​ഹാനെ'; കുഞ്ഞൻ പനഗേൽ ഇന്ത്യയിൽ, വില 17 ലക്ഷം

നാട്ടിലെ കൗമാരക്കാർ വീട്ടിലെ ഭിത്തികളിൽ ഒട്ടിച്ചുവച്ചിരുന്ന സുന്ദരൻ ബൈക്ക്​ ഒാർമയില്ലെ. പ്രത്യേക സ്​റ്റാൻറിൽ കയറ്റിവച്ച്​ മുന്നിലേക്ക്​ നോക്കിയിരിക്കുന്ന ചുവപ്പിൽപൊതിഞ്ഞ ബൈക്ക്​. ബൈക്കെന്ന്​ പറഞ്ഞാൽ നമ്മുടെ മനസിലേക്ക്​ വരുന്ന രൂപമാണത്​. ഇറ്റാലിയൻ ഇരുചക്ര വാഹന നിർമാതാക്കളായ ഡ്യൂകാട്ടിയുടെ പനഗേൽ ​എന്ന സൂപ്പർ ബൈക്കാണിത്​.

ലോകത്തിലെ സുന്ദരന്മാരും സുന്ദരികളുമൊക്കെ ഇറ്റലിയിലും ഗ്രീസിലുമായൊക്കെ ചിതറിക്കിടക്കുകയാണെന്നാണല്ലൊ നമ്മുടെ സങ്കൽപ്പം. മനുഷ്യനെ​പ്പോലെ തന്നെ ഇറ്റാലിയൻ വാഹനങ്ങളുടേയും സ്​ഥിതി അത്​തന്നെയാണ്​. ഏതെടുത്താലും 'സുന്ദരനായവനെ സുബ്​ഹാനെ' എന്ന്​ പാടി​പ്പോകുന്ന രൂപസൗകുമാര്യത്തിന്​ ഉടമകളാണ്​ ഇവർ.

പനഗേലി​െൻറ കാര്യവും അങ്ങിനെതന്നെ. കൃത്യമായി പറഞ്ഞാൽ പനഗേൽ വി എന്നാണിവ​െൻറ പേര്​. ബൈക്കെന്ന്​ പറയു​േമ്പാൾ അമ്പത്തയ്യായിരം രൂപ വിലവരുന്ന വാഹനമാണിതെന്ന്​ ധരിക്കരുത്​. ഇൗ ആഢ്യക്കാരന്​ വിലയൽപ്പം കൂടുതലാണ്​. 17 ലക്ഷം രൂപയാണ്​ പനഗേൽ വി2 ഗ്യാരേജിലെത്തിക്കാൻ​ മുടക്കേണ്ടത്​.

യഥാർഥത്തിൽ ഇത്​ ബേബി പനഗേൽ എന്നാണ്​ അറിയപ്പെടുന്നത്​. ഇവനൊരു വല്യേട്ടനുണ്ട്​. പനഗേൽ വി4 എന്നാണ്​ പേര്​. 955 സിസി എൽ-ട്വിൻ സൂപ്പർ ക്വാഡ്രോ മോട്ടോറാണ്​ ബൈക്കിന്​ കരുത്ത്​ പകരുന്നത്​. ഇൗ എഞ്ചിൻ 155 ബി.എച്ച്.പി കരുത്ത്​ 10,750 ആർപിഎമ്മിലും 104 എൻഎം ടോർക്ക്​ 9,000 ആർപിഎമ്മിലും ഉൽപ്പാദിപ്പിക്കും.

5,500 ആർ‌പി‌എമ്മിൽ തന്നെ 70 ശതമാനത്തിലധികം ടോർക്ക് ലഭ്യമാകുമെന്നും ഇത്​ ആദ്യംമുതൽതന്നെ വാഹനത്തി​െൻറ കുതിപ്പ്​ സുഗമമാക്കുമെന്നും ഡ്യുകാട്ടി എഞ്ചിനീയർമാർ പറയുന്നു. ട്രാക്ഷൻ കൺ‌ട്രോൾ, കോർണറിംഗ് എ‌ബി‌എസ്, സ്റ്റാൻ‌ഡേർഡ് എ‌ബി‌എസ്, കോഴ്‌സ് വീലി കൺ‌ട്രോൾ തുടങ്ങി ആധുനിക സംവിധാനങ്ങളെല്ലാം ബൈക്കിൽ ലഭ്യമാണ്​.

സ്പോർട്, സ്ട്രീറ്റ്, റേസ് എന്നിങ്ങനെ മൂന്ന് റൈഡിംഗ് മോഡുകൾ മോട്ടോർസൈക്കിളിന് ലഭ്യമാക്കിയിട്ടുണ്ട്​. 4.3 ഇഞ്ച്​ വരുന്ന ടി.എഫ്​.ടി ഡിസ്​പ്ലേയാണ്​ വാഹനത്തി​െൻറ നിയന്ത്രണങ്ങളെല്ലാം കയ്യാളുന്നത്​.