'നായികയെ കിട്ടി ഗയ്​സ്'; ജീവിതം സിനിമയാക്കാനൊരുങ്ങി ഇ ബുൾ ജെറ്റ്​, ഇനി നായകനെ വേണം​

സ്വന്തം ജീവിതം സിനിമയാക്കുന്നതിന് നായികയെ കണ്ടെത്തിയെന്ന്​ വിവാദ വ്ലോഗർമാരായ ഇ ബുള്‍ ജെറ്റ് സഹോദരന്മാർ. കഴിഞ്ഞ ദിവസം ഇവർ തങ്ങളുടെ ജീവിതം സിനിമയാക്കാന്‍ ആഗ്രഹിക്കുന്നുവെന്ന് പറഞ്ഞ് രംഗത്തെത്തിയിരുന്നു. ഇന്‍സ്റ്റഗ്രാമിലൂടെയായിരുന്നു ഇരുവരുടെയും ആഗ്രഹപ്രകടനം. ഇപ്പോഴിതാ സിനിമയിലെ നായികയെ കണ്ടെത്തിയിരിക്കുകയാണെന്നാണ്​ ഇരുവരും പറയുന്നത്​.

നടിയും മോഡലുമായ നീരജ ആണ് നായികയായി എത്തുന്നത്. നീരജയ്ക്കൊപ്പമുള്ള ചിത്രവും ഇ ബുള്‍ജെറ്റ് സഹോദരന്‍മാര്‍ പോസ്റ്റ് ചെയ്​തിട്ടുണ്ട്​. 'ഞങ്ങളുടെ സിനിമയുടെ നായികയെ കിട്ടി, ഇനി നടനെ കൂടെ കിട്ടിയാല്‍ മതി'എന്ന ക്യാപ്ഷനോടെയാണ് പോസ്റ്റ് പങ്കുവച്ചിരിക്കുന്നത്.നിയമലംഘനങ്ങളുടെ പേരിൽ ഇ-ബുൾ ജെറ്റ്​ സഹോദരങ്ങളെ മോ​ട്ടോർ വാഹന വകുപ്പ്​ കസ്​റ്റഡിയിലെടുത്തിരുന്നു. തുടർന്ന്​ ആർ.ടി ഒാഫീസിൽ ബഹളമുണ്ടാക്കിയതിന്​ പൊലീസും പിടിച്ചു.

പരാതി ലഭിച്ചതിന്‍റെ അടിസ്​ഥാനത്തിലാണ്​ ഇവർക്കെതിരേ നിയമ നടപടി ഉണ്ടായത്​. ഇവർ വാഹനം രൂപമാറ്റം വരുത്തുകയും ഗതാഗത നിയമം ലംഘിക്കുകയും ചെയ്​തിരുന്നു. മറ്റുള്ള യാത്രക്കാരെ ആകർഷിക്കുന്ന രീതിയിലുള്ള പരസ്യങ്ങളും ചിത്രങ്ങളും വാഹനത്തിൽ ഉണ്ടാകാൻ പാടില്ലെന്ന്​ കോടതി ഉത്തരവുണ്ട്​. ഇതും ഇവർ ലംഘിച്ചു. ഇതിനെ തുടർന്നാണ്​ വാഹനം പിടിച്ചെടുത്തത്​.

വാഹനത്തിൽ രൂപമാറ്റം വരുത്തുന്നത്​ മുമ്പ്​ അപേക്ഷ നൽകണം. ​നിയമത്തിനുള്ളിൽ നിൽക്കുന്നവക്ക്​​​ അനുമതി നൽകും. രൂപമാറ്റം വരുത്തിയ ശേഷം വാഹനം അധികൃതരെ കാണിക്കണം. എന്നാൽ, മാത്രമേ വാഹനം പുറത്തിറക്കാൻ കഴിയു.