എക്സ്.യു.വി 900: പുതിയ എസ്.യു.വി കൂപ്പേക്ക് പച്ചക്കൊടി കാട്ടി മഹീന്ദ്ര
text_fields
എസ്.യു.വി കൂപ്പെ എന്നത് ലോകത്തെ ആഡംബര വാഹന വിപണിയിലെ കേൾവികേട്ട പേരാണ്. എസ്.യു.വി കൂപ്പെ എന്ന് കേൾക്കുേമ്പാൾ ആദ്യം ഒാർമവരിക അതികായനായ ബി.എം.ഡബ്ലൂ എക്സ് സിക്സിനെയാണ്. പോർഷെ കയേൻ, ഒാഡി ക്യൂ എട്ട്, ബെൻസ് ജി.എൽ.ഇ കൂപ്പെ തുടങ്ങിയവയെല്ലാം ഇൗ വിഭാഗത്തിൽവരും. ഇവിടേക്ക് നമ്മുടെ സ്വന്തം മഹീന്ദ്രയും ചുവടുവയ്ക്കുന്നു എന്നതാണ് ഏറ്റവും പുതിയ വാർത്ത. ഡബ്ല്യൂ 620 എന്ന കോഡ് നെയിമിലുള്ള പുതിയപദ്ധതിക്ക് മഹീന്ദ്ര പച്ചക്കൊടി കാട്ടിയതായി ഒാേട്ടാകാർ ഇന്ത്യ റിപ്പോർട്ട് ചെയ്യുന്നു. നേരത്തേ ടാറ്റയും എച്ച് 8 പേരിൽ ഒരു കൂപ്പെ പദ്ധതി ആരംഭിച്ചിരുന്നു. ടാറ്റയുടെ ഒമേഗ പ്ലാറ്റ്ഫോമിൽ നിർമിക്കുന്ന വാഹനമാണിത്.
എക്‌സ്‌യുവി എയ്‌റോ
മഹീന്ദ്രയുടെ കൂപ്പെ സ്വപ്നങ്ങൾ തുടങ്ങുന്നത് അടുത്തകാലത്തൊന്നുമല്ല. കുറച്ചുകാലമായി പുതിയ പദ്ധതി അവരുടെ മനസിലുണ്ട്. 2016 ഡൽഹി ഓട്ടോ എക്‌സ്‌പോയിൽ എക്‌സ്‌യുവി എയ്‌റോ എന്ന കൂപ്പെ കൺസപ്ട് മഹീന്ദ്ര അവതരിപ്പിച്ചിരുന്നു. എന്നാൽ വലിയ പണച്ചെലവുള്ള പദ്ധതി ആയിരുന്നതിനാൽ തൽക്കാലം കമ്പനി പ്രോജക്ട് മരവിപ്പിക്കുകയായിരുന്നു. പ്രതിമാസം 20 ലക്ഷം രൂപയെങ്കിലും മാറ്റിവയ്ക്കേണ്ട ബൃഹദ്പദ്ധതിയായിരുന്നു എയ്റോയുടേത്. എന്നാൽ ഥാറിെൻറ വൻ വിജയത്തിന് ശേഷം പുതിയ പരീക്ഷണം നടത്താൻ കമ്പനിക്ക് ആത്മവിശ്വാസം ലഭിച്ചു. 2024ൽ എക്സ്.യു.വി 900 എന്ന പേരിൽ വാഹനം നിരത്തിലെത്തിക്കാനാണ് മഹീന്ദ്ര ഇപ്പോൾ ലക്ഷ്യമിടുന്നത്.
എന്തായിരിക്കും എക്സ്.യു.വി 900
വരാനിരിക്കുന്ന എക്സ്.യു.വി 700മായി യന്ത്രഭാഗങ്ങൾ പങ്കുവയ്ക്കുന്ന വാഹനമാകും പുതിയ കൂപ്പെ. ഫ്രണ്ട് ഫെൻഡറുകൾ, മുൻവാതിലുകൾ പോലുള്ളവയും 700ലേതായിരിക്കും. കൂടുതൽ പ്രീമിയം ക്യാബിനും കൂടുതൽ സവിശേഷതകളും വാഹനത്തിന് ലഭിക്കും. എക്സ് യു വി 700 ൽ നിന്നുള്ള 2.0 ലിറ്റർ എംസ്റ്റാലിയൻ പെട്രോളും, 2.2 ലിറ്റർ ഡീസൽ എംഹോക്ക് എഞ്ചിനുകളും വാഹനത്തിലുണ്ടാകും. ആറ് സ്പീഡ് മാനുവൽ, 6 സ്പീഡ് ഓട്ടോ ഓപ്ഷനുകളുമായാണ് ഇൗ എഞ്ചിൻ വരുന്നത്. ഡബ്ല്യു 620 പദ്ധതി ഇപ്പോഴും ഡ്രോയിങ് ബോർഡിലാണ്. മഹീന്ദ്രയിൽ പുതുതായി എത്തിയ ഡിസൈനർ പ്രതാപ് ബോസിെൻറ നേതൃത്വത്തിലുള്ള സംഘമായിരിക്കും വാഹനം രൂപകൽപ്പന ചെയ്യുക. 2024 ന് മുമ്പ് വാഹനം ഷോറൂമുകളിൽ എത്താൻ സാധ്യതയില്ല. മഹീന്ദ്ര ഓട്ടോമോട്ടീവ് ഡിസൈൻ യൂറോപ്പ് (എം.എ.ഡി.ഇ) സ്റ്റുഡിയോ ആയിരിക്കും വാഹനത്തിെൻറ മേൽനോട്ടം വഹിക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.