പ്രൊഡക്ഷൻ ലൈൻ വിട്ട്​ സോനറ്റ്​; ഇൗ മാസം 18ന്​ പുറത്തിറക്കുമെന്ന്​​ കിയ

കിയയുടെ അനന്ത്​പൂർ പ്ലാൻറിൽനിന്ന്​ സോനറ്റുകളുടെ നിർമാണം ആരംഭിച്ചു. ഇൗ മാസം 18നാണ്​ വാഹനത്തി​െൻറ ഇന്ത്യയിലെ ഒൗദ്യോഗിക പുറത്തിറക്കൽ ചടങ്ങ്​ നടക്കുക. കമ്പനി ഏറെ പ്രതീക്ഷയോടെ വിപണിയിലെത്തിക്കുന്ന കോംപാക്​ട്​ എസ്​.യു.വിയാണ്​ സോനറ്റ്​.

'ഇന്ന് കിയ മോട്ടോഴ്‌സ് ഇന്ത്യയെ സംബന്ധിച്ചിടത്തോളം സുപ്രധാന ദിനമാണ്. കാരണം ഇന്ന്​ ഞങ്ങൾ ആദ്യത്തെ സോനറ്റ് ഉപഭോക്​താക്കൾക്കായി ഒൗദ്യോഗികമായി പുറത്തിറക്കുകയാണ്​. ലോകം അഭിമുഖീകരിക്കുന്ന അഭൂതപൂർവമായ വെല്ലുവിളികൾക്കിടയിലും ഞങ്ങളുടെ വാഗ്ദാനത്തിൽ ഉറച്ചുനിൽക്കാനും സമയബന്ധിതമായി സോനറ്റിനെ പുറത്തിറക്കാനും കഴിഞ്ഞതിൽ ഞങ്ങൾ അഭിമാനിക്കുന്നു'-കിയ മോട്ടോഴ്‌സ് ഇന്ത്യ എംഡിയും സിഇഒയുമായ കുഷിയും ഷിം പറഞ്ഞു.

എപ്പോഴാണ് ഡെലിവറി ആരംഭിക്കുക?

സെപ്റ്റംബർ 18 മുതൽ സോനറ്റിനുള്ള ഡെലിവറികൾ ആരംഭിക്കുമെന്ന് കിയ അറിയിച്ചു. ലോകമെമ്പാടുമുള്ള 70 രാജ്യങ്ങളിലേക്ക് വാഹനത്തി​െൻറ കയറ്റുമതി നടക്കുന്നതും ഇന്ത്യയിൽ നിന്നാണ്​. കിയയുടെ ഉടമസ്​ഥരായ ഹ്യൂണ്ടായുടെ വെന്യു എന്ന മോഡലുമായാണ്​ സോനറ്റ്​ വിപണിയിൽ ഏറ്റുമുട്ടുക. രണ്ട് സ്റ്റൈലിംഗ് പാക്കേജുകളിലായി ആറ് ട്രിം ലെവലുകളാണ്​ സോനറ്റിന്​ കിയ നൽകുന്നത്​. ടെക് ലൈൻ, ജിടി ലൈൻ എന്നിവയാണ്​ സ്​റ്റൈൽ പാക്കേജുകളിൽ വരുന്നത്​.

എൻട്രി ലെവൽ HTE, HTK, HTK +, HTX,ഏറ്റവും ഉയർന്ന HTX + എന്നിവയാണ്​ ടെക് ലൈൻ വേരിയൻറുകൾ. ജിടി ലൈൻ പൂർണ്ണമായും ലോഡുചെയ്ത ജിടിഎക്സ് + ട്രിമിൽ മാത്രമേ ലഭ്യമാകൂ. 1.2 ലിറ്റർ നാച്ചുറലി ആസ്​പറേറ്റഡ് പെട്രോൾ, 1.0 ലിറ്റർ ടർബോ പെട്രോൾ, 1.5 ലിറ്റർ ഡീസൽ എഞ്ചിൻ എന്നിവയാണ് സോനറ്റിന്​ നൽകിയിരിക്കുന്നത്​. 1.0 ടർബോ-പെട്രോളിന് പരമ്പരാഗത മാനുവൽ ഗിയർബോക്‌സ് നൽകില്ല. പകരം ആറ്​ സ്പീഡ് ഐഎംടി ക്ലച്ച്‌ലെസ് മാനുവൽ ഗിയർബോക്‌സ് സ്റ്റാൻഡേർഡായി വരും.

കൂടാതെ, ഡീസൽ എഞ്ചിനിൽ ഓട്ടോമാറ്റിക് ഗിയർബോക്സും കിയ നൽകുന്നുണ്ട്​. എതിരാളികളിൽ നിന്ന് വ്യത്യസ്തമായി സോനറ്റ് ഡീസൽ ഓട്ടോയ്ക്ക് ടോർക്​ കൺവെർട്ടർ യൂനിറ്റ് ലഭിക്കും. മാനുവലിനേക്കാൾ ശക്തമായ എഞ്ചിൻ ട്യൂണിങ്​​ ഡീസൽ-ഓട്ടോക്ക്​ ലഭ്യമാകുമെന്നതാണ് ശ്രദ്ധേയം. ഡീസൽ ഒാ​േട്ടാക്ക്​ 115 എച്ച്പി കരുത്തും 250 എൻഎം ടോർക്കും ലഭിക്കു​േമ്പാൾ മാനുവലിന്​ 100 എച്ച്പി കരുത്തും 240 എൻഎം ടോർക്കുമാണ്​ വരുന്നത്​.