2035 മുതൽ യൂറോപ്പിൽ വിൽക്കുക ഇ.വികൾ മാത്രം; പ്രഖ്യാപനവുമായി ഹ്യൂണ്ടായ്​

2035 മുതൽ യൂറോപ്പിൽ പെട്രോൾ, ഡീസൽ വാഹനങ്ങൾ വിൽക്കുന്നത് അവസാനിപ്പിക്കുമെന്ന് ഹ്യൂണ്ടായ് പ്രഖ്യാപിച്ചു. 2045 ഓടെ ആഗോള കാർബൺ എമിഷനിലുള്ള തങ്ങളുടെ ഒാഹരി പൂജ്യമായി കുറക്കുക ലക്ഷ്യത്തി​െൻറ ഭാഗമായാണ് ഇ.വി ഉത്​പ്പാദനം വർധിപ്പിക്കുന്നത്​. വൈദ്യുതി കൂടാതെ ഹൈഡ്രജൻ ഹൈബ്രിഡ്​ വാഹനങ്ങളും ഹ്യൂണ്ടായുടെ എമിഷൻ ഫ്രീ പദ്ധതികളുടെ കേന്ദ്രമായി തുടരും. മ്യൂണിക്​ മോട്ടോർ ഷോയിൽ കാർബൺ ന്യൂട്രാലിറ്റിയോടുള്ള സമീപനത്തി​െൻറ 'മൂന്ന് തൂണുകൾ' ഹ്യുണ്ടായ് വിശദമാക്കിയിട്ടുണ്ട്.

ആദ്യത്തേത് 'ക്ലീൻ മൊബിലിറ്റി'യിൽ കേന്ദ്രീകരിച്ചിരിക്കുന്നു. 2030 ആകുമ്പോഴേക്കും ആഗോള വിൽപ്പനയുടെ 30 ശതമാനം സീറോ എമിഷൻ വാഹനങ്ങൾ ആകണമെന്നാണ് ഹ്യുണ്ടായ് ലക്ഷ്യമിടുന്നത്. 2040 ഓടെ ബാറ്ററി-ഇലക്ട്രിക് (BEV), ഹൈഡ്രജൻ ഫ്യുവൽ സെൽ വാഹനങ്ങൾ (FCEV) എന്നിവ 80 ശതമാനം വിൽപ്പനയും വഹിക്കുമെന്ന് കണക്കാക്കുന്നു.

പെട്രോൾ, ഡീസൽ വാഹനങ്ങളുടെ വിൽപ്പന നിരോധിക്കാൻ സർക്കാർ പദ്ധതിയിട്ടിരിക്കുന്ന യുകെ പോലുള്ള വിപണികളിൽ ഹ്യുണ്ടായും അതിനനുസരിച്ച്​ മാറും. 2030 മുതൽ ചില പ്ലഗ്-ഇൻ ഹൈബ്രിഡുകൾ ഒഴികെ യു.കെയിൽ പൂർണമായും വൈദ്യുത വാഹനങ്ങളായി മാറും. അയോണിക് സീരീസിലുള്ള വാഹനങ്ങൾ വരും മാസങ്ങളിൽ കൂടുതലായി വിപണിയിലെത്തും. ഫോസിൽ ഇന്ധനങ്ങൾ നിർത്തലാക്കുന്നതി​െൻറ ഭാഗമായി ഹൈഡ്രജൻ പവർട്രെയിൻ വികസിപ്പിക്കാനും ഹ്യുണ്ടായ്ക്ക്​ പദ്ധതിയുണ്ട്​. നവീകരിച്ച നെക്‌സോ എസ്‌യുവിയും പുതിയ ഹൈഡ്രജൻ എംപിവിയും നിർമിക്കും​. രണ്ട് വർഷത്തിനുശേഷം ഹ്യുണ്ടായ് ഹൈഡ്രജൻ എസ്‌യുവിയും പുറത്തിറക്കും.

എൻ ഡിവിഷ​െൻറ വൈദ്യുതീകരണത്തി​െൻറ ഭാഗമായി ഹൈഡ്രജൻ പെർഫോമൻസ് കാർ വെളിപ്പെടുത്താനും ഹ്യൂണ്ടായ് തയ്യാറെടുക്കുന്നു​. 2023 ൽ അമേരിക്കയിൽ ഓൺ-റോഡ് ഡ്രൈവറില്ലാ വാഹനങ്ങൾ ആരംഭിക്കും. അയോണിക് 5 റോബോടാക്​സി ആയിരിക്കും ഇതിൽ പ്രധാനം. ഇലക്ട്രിക് 'അർബൻ എയർ മൊബിലിറ്റി'യിലും (UAM) കമ്പനി പ്രവർത്തിക്കുന്നുണ്ട്​. കഴിഞ്ഞ വർഷം വെളിപ്പെടുത്തിയ S-A1 'പറക്കുന്ന ടാക്സി' 2028 ൽ പുറത്തിറക്കും. ഇന്ത്യയിലെ വൈദ്യുതീകരണ പദ്ധതികൾ ഇതിനകം തന്നെ കമ്പനി ആരംഭിച്ചിട്ടുണ്ട്​. രാജ്യത്ത്​ ഇവി വിൽപ്പനയുള്ള ചുരുക്കം ചില നിർമാതാക്കളിൽ ഒരാളാണ് ഹ്യുണ്ടായ്​. കോന ഇലക്ട്രിക് ആണിത്​. ഇന്ത്യയിൽ നിർമ്മിക്കുന്നതും കൂടുതൽ താങ്ങാവുന്ന വിലയുള്ളതുമായ ഇവി 2022ൽ വിപണിയിലെത്തും.