വിലക്കയറ്റത്തി​െൻറ വഴിയിൽ ജാവയും, പെരക്കിന്​ ഇനിമുതൽ രണ്ട്​ ലക്ഷത്തിന്​ മുകളിൽ മുടക്കണം

റോയൽ എൻഫീൽഡ്, ഹീറോ, സുസുക്കി, കെടിഎം എന്നിവക്കുപിന്നാലെ വിലവർധിപ്പിച്ച്​ ജാവയും. നിർമാണ ചെലവിലെ വർധനവാണ്​ വിലക്കയറ്റത്തിന്​ കാരണം. ഇതോടെ ജാവയുടെ ഏറ്റവും വിലകൂടിയ മോഡലായ പെരക്കി​െൻറ എക്​സ്​ഷോറൂം വില​ രണ്ട്​ ലക്ഷത്തിന്​ മുകളിൽ കടന്നു. ജാവ 42 പോലുള്ള മറ്റ്​ ​മോഡലുകൾക്കും വില വർധിച്ചിട്ടുണ്ട്​. ബോബർ മോഡലായ പെരകിന്​ 8,700 രൂപയുടെ വിലവധനയാണുണ്ടായത്​. അതി​െൻറ ഫലമായി എക്​സ്​ ഷോറൂം വില 1.97 ലക്ഷത്തിൽനിന്ന്​ 2.06 ലക്ഷം ആയി ഉയർന്നു.

ഈ വർഷം ആദ്യം കമ്പനി അവതരിപ്പിച്ച അലോയ് വീലുള്ള 42വിനും​ വില വർധിച്ചിട്ടുണ്ട്​. ഡ്യുവൽ-ചാനൽ എബി‌എസുള്ള 42വിന്​ 7000 രൂപയാണ്​ കൂടിയത്​. നേരത്തേ 1.84 ലക്ഷം എക്​സ്​ ഷോറൂം വിലയുള്ള വാഹനത്തി​െൻറ വില ഇനിമുതൽ 1.91 ലക്ഷമായിരിക്കും. ജാവയുടെ മറ്റ് മോഡലുകളായ സ്‌പോക്​ വീൽ 42ഉം സ്റ്റാൻഡേർഡ് ജാവ മോഡലും ഇനിമുതൽ 1,000 രൂപ വർധനവിലാകും ലഭ്യമാവുക. ഈ രണ്ട് ബൈക്കുകളും അലോയ് വീൽ സജ്ജീകരിച്ച നാൽപ്പത്തിരണ്ടിൽ നിന്നുള്ള അതേ എഞ്ചിനാണ് ഉപയോഗിക്കുന്നത്.