ദുബൈയിലെ 'ഫെറാറി ഡോക്ടർ'

തൃ​ശൂ​ർ സി.​എം.​എ​സ്​ ഹൈ​സ്കൂ​ളി​ലെ മു​ൻ അ​ധ്യാ​പ​ക​നാ​യ ഗോ​പി​നാ​ഥ​ൻ മാ​ഷ്​ ഒ​രു പു​സ്ത​ക​മെ​ഴു​തി​ക്കൊ​ണ്ടി​രി​ക്കു​ക​യാ​ണ്​. ജീ​വി​ത​വി​ജ​യം നേ​ടി​യ ത​ന്‍റെ ശി​ഷ്യ​ന്മാ​രെ​ക്കു​റി​ച്ചു​ള്ള ഒ​രു പു​സ്ത​കം. അ​തി​ലെ ഒ​രു അ​ധ്യാ​യ​ത്തി​ൽ ജ​സ്റ്റി​ൻ അ​ഗ​സ്റ്റി​ന്‍റെ ക​ഥ​യാ​ണ്. 'ഫെ​യ​റി ടെ​യ്​​ലു'​ക​ളെ വെ​ല്ലു​ന്ന ജ​സ്റ്റി​ന്‍റെ 'ഫെ​റാ​റി ടെ​യ്​​ൽ'. തൃ​ശൂ​ർ റൗ​ണ്ടി​ലൂ​ടെ സൈ​ക്കി​ൾ ച​വി​ട്ടി ന​ട​ന്നൊ​രു പ​യ്യ​ൻ ഇ​റ്റ​ലി​യി​ലെ ഫെ​റാ​റി​യു​ടെ ട്രാ​ക്കി​ൽ അ​വ​രു​ടെ സൂ​പ്പ​ർ കാ​റു​ക​ൾ കൂ​ളാ​യി ഓ​ടി​ച്ച അ​ത്​​ഭു​ത ക​ഥ.

'ഫെ​റാ​റി കാ​റി​നെ​ക്കു​റി​ച്ചു​ള്ള കേ​ട്ടു​കേ​ൾ​വി​യൊ​ക്കെ ഇ​ന്ത്യാ​ക്കാ​ർ​ക്കു​ണ്ടോ' എ​ന്ന്​ പ​രി​ഹ​സി​ച്ച വി​ദേ​ശി​ക​ളെ ത​നി​ക്കൊ​പ്പം സെ​ൽ​ഫി​യെ​ടു​ക്കാ​ൻ കാ​ത്തു​നി​ർ​ത്തി​ച്ച പ്ര​തി​കാ​ര​ ക​ഥ. അ​തി​ലു​പ​രി പ്രാ​രാ​ബ്​​ധ​ത്തി​ന്‍റെ ഫ​സ്റ്റ്​ ഗി​യ​റി​ൽ പ​തു​ങ്ങി പ​തു​ങ്ങി പോ​യി​രു​ന്ന ജീ​വി​ത​ത്തെ ഫെ​റാ​റി കാ​റു​ക​ളു​ടെ വേ​ഗ​ത്തി​ൽ വി​ജ​യ​ത്തി​ലെ​ത്തി​ച്ച മാ​സ്സ്​ ക​ഥ.

ഫെ​റാ​റി കാ​റു​ക​ളു​ടെ മി​ക​ച്ച ടെ​ക്നി​ഷ്യ​നെ ക​ണ്ടെ​ത്താ​ന്‍ ലോ​ക​മൊ​ട്ടു​ക്കും ന​ട​ത്തു​ന്ന ചാ​മ്പ്യ​ന്‍ഷി​പ്പി​ല്‍ ര​ണ്ട്​ ത​വ​ണ​യാ​ണ്​ ജ​സ്റ്റി​ൻ ജേ​താ​വാ​യ​ത്. 2015ലും 2017​ലും. ഈ​നേ​ട്ടം കൈ​വ​രി​ക്കു​ന്ന ആ​ദ്യ ഇ​ന്ത്യ​ക്കാ​ര​നാ​ണ്​ ജ​സ്റ്റി​ൻ. ഇ​പ്പോ​ൾ ദു​ബൈ​യി​ലെ അ​ൽ താ​യ​ർ മോ​ട്ടേ​ഴ്​​സി​ൽ ഫെ​റാ​റി​യു​ടെ​യും മാ​സെ​റാ​റ്റി​യു​ടെ​യും ടെ​ക്നി​ക്ക​ൽ മാ​നേ​ജ​രാ​യ ജ​സ്റ്റി​ന്​ മു​മ്പും ശേ​ഷ​വും മി​ഡി​ലീ​സ്റ്റ്, ആ​ഫ്രി​ക്ക, ഇ​ന്ത്യ റി​ജ്യ​ണി​ൽ നി​ന്ന്​ മ​റ്റാ​രും ഈ ​ബ​ഹു​മ​തി നേ​ടി​യി​ട്ടു​മി​ല്ല.

ര​ണ്ട്​ ത​വ​ണ​യും ഇ​റ്റ​ലി​യി​ലാ​യി​രു​ന്നു മ​ത്സ​രം. 2016ൽ ​അ​മേ​രി​ക്ക​യി​ൽ ന​ട​ന്ന മ​ത്സ​ര​ത്തി​ലും ജ​സ്റ്റി​ൻ ഫൈ​ന​ല്‍ റൗ​ണ്ടി​ലെ​ത്തി​യെ​ങ്കി​ലും ചി​ല സാ​ങ്കേ​തി​ക നൂ​ലാ​മാ​ല​ക​ളി​ല്‍ കു​ടു​ങ്ങി വി​സ നി​ഷേ​ധി​ക്ക​പ്പെ​ട്ട​തി​നാ​ൽ പോ​കാ​ൻ ക​ഴി​ഞി​ല്ല. പോ​യി​രു​ന്നെ​ങ്കി​ൽ മൂ​ന്നു​വ​ർ​ഷം തു​ട​ർ​ച്ച​യാ​യി ചാ​മ്പ്യ​ൻ​ഷി​പ്പ്​ നേ​ടു​ന്ന​യാ​ളാ​യി ജ​സ്റ്റി​ൻ മാ​റി​യേ​നേ.

ഫെ​റാ​റി​യി​ലെ 'ലാ​ബ്​ ടെ​ക്നീ​ഷ്യ​ൻ'

തൃ​ശൂ​ര്‍ ജി​ല്ല​യി​ലെ വി​യ്യൂ​രി​ൽ ഇ​ട​ത്ത​രം കു​ടും​ബ​ത്തി​ലെ മൂ​ത്ത മ​ക​നാ​യാ​യി​രു​ന്നു ജ​സ്റ്റി​ന്‍റെ ജ​ന​നം. ക​ണ്ണൂ​രി​ലെ സ്വ​കാ​ര്യ പ​ട​ക്ക ക​മ്പ​നി​യി​ൽ സൂ​പ്പ​ർ​വൈ​സ​റാ​യി​രു​ന്നു പി​താ​വ് അ​ഗ​സ്റ്റി​ൻ. 1995ൽ ​പ​ട​ക്ക​ക്ക​മ്പ​നി​യി​ലു​ണ്ടാ​യ പൊ​ട്ടി​ത്തെ​റി​യി​ൽ അ​ഗ​സ്റ്റി​ൻ കൊ​ല്ല​പ്പെ​ടു​മ്പോ​ൾ ജ​സ്റ്റി​ൻ എ​സ്.​എ​സ്.​എ​ൽ.​സി പ​രീ​ക്ഷ എ​ഴു​തു​ക​യാ​ണ്. പ​ത്താം ക്ലാ​സ്​ പാ​സാ​യ​യു​ട​ൻ ​​'പെ​ട്ടെ​ന്നൊ​രു ജോ​ലി' ല​ക്ഷ്യ​മി​ട്ട്​ ബ​ന്ധു​ക്ക​ൾ ജ​സ്​​റ്റി​നെ മെ​ഡി​ക്ക​ൽ ലാ​ബ്​ ടെ​ക്​​നീ​ഷ്യ​ൻ കോ​ഴ്​​സി​ന്​ ചേ​ർ​ത്തു. എ​ൻ​ജി​നീ​യ​റാ​കാ​ൻ ആ​ഗ്ര​ഹി​ച്ചി​രു​ന്ന ജ​സ്റ്റി​ന്​ മു​ന്നി​ൽ അ​മ്മ​യു​ടെ​യും ര​ണ്ട്​ അ​നു​ജ​ത്തി​മാ​രു​ടെ​യും കാ​ര്യ​ങ്ങ​ൾ നോ​ക്കാ​ൻ വേ​റെ വ​ഴി​യി​ല്ലാ​യി​രു​ന്നു.

ആ ​കോ​ഴ്​​സ്​ പാ​തി​വ​ഴി​യി​ൽ ഉ​പേ​ക്ഷി​ച്ചാ​ണ്​ ജ​സ്റ്റി​ൻ തൃ​ശൂ​ർ സെ​ൻ​റ്​ മേ​രീ​സ്​ ഐ.​ടി.​ഐ​യി​ൽ ഓ​ട്ടോ​മൊ​ബൈ​ൽ എം.​എം.​വി കോ​ഴ്​​സി​ന്​ ചേ​രു​ന്ന​ത്. ചെ​റു​പ്പം മു​ത​ൽ വാ​ഹ​ന​ങ്ങ​ളോ​ട്​ ക​മ്പ​മു​ണ്ടാ​യി​രു​ന്ന ജ​സ്റ്റി​ന്‍റെ ജീ​വി​ത​ത്തി​ൽ വ​ഴി​ത്തി​രി​വാ​യ​തും ഈ ​മാ​റ്റ​മാ​ണ്​. ര​ണ്ട്​ വ​ർ​ഷ​​ത്തെ കോ​ഴ്​​സ്​ ക​ഴി​ഞ്ഞ്​ കൂ​ടെ പ​ഠി​ച്ച​വ​ർ വ​ർ​ക്ക്​​ഷോ​പ്പു​ക​ളി​ൽ ക​യ​റി​യ​പ്പോ​ൾ ജ​സ്റ്റി​ന്​ ല​ഭി​ച്ച​ത്​ ഓ​ഫി​സ്​ ബോ​യി​യു​ടെ ജോ​ലി​യാ​ണ്. പി​ന്നീ​ട്​ 1999 ജൂ​ണി​ൽ കോ​ട്ട​യ​ത്തെ മാ​രു​തി ഷോ​റൂ​മി​ൽ​ അ​സി​സ്റ്റ​ന്‍റ്​ മെ​ക്കാ​നി​ക്​ ആ​യി ജോ​ലി​ക്ക്​ ക​യ​റു​മ്പോ​ൾ 750 രൂ​പ​യാ​യി​രു​ന്നു ശ​മ്പ​ളം.

'വ​ണ്ടി​പ്പ​ണി'​യെ​ടു​ത്ത്​ മ​ടു​ത്ത​പ്പോ​ഴാ​ണ്​ മാ​രു​തി​യു​ടെ സ്കി​ൽ ടെ​സ്റ്റ്​ ചെ​യ്യാ​ൻ തീ​രു​മാ​നി​​ച്ച​ത്. രാ​പ്പ​ക​ലി​ല്ലാ​തെ പ​ഠി​ച്ച്​ ഓ​ൾ കേ​ര​ള ടെ​ക്നി​ക്ക​ൽ കോ​മ്പ​റ്റീ​ഷ​നി​ൽ ഒ​ന്നാ​മ​തെ​ത്തി. പി​ന്നെ മാ​രു​തി​യു​ടെ സൗ​ത് ഇ​ന്ത്യ സ്കി​ൽ ടെ​സ്റ്റി​ലും ജേ​താ​വാ​യി. അ​തേ​വ​ർ​ഷം ഓ​ൾ ഇ​ന്ത്യ മാ​രു​തി സ്​​കി​ൽ ടെ​സ്​​റ്റി​ൽ ര​ണ്ടാം സ്​​ഥാ​ന​ത്തെ​ത്തി ജ​സ്റ്റി​നെ മാ​രു​തി നോ​ട്ട​മി​ട്ടു. അ​ടു​ത്ത വ​ർ​ഷം ന​ട​ക്കു​ന്ന ഏ​ഷ്യ​ൻ സ്കി​ൽ ടെ​സ്റ്റി​നു​ള്ള പ​രി​ശീ​ല​ന ക്യാ​മ്പി​ലേ​ക്ക്​ അ​വ​ർ ക്ഷ​ണി​ച്ചു. 2003ൽ ​ന​ട​ന്ന ഏ​ഷ്യ​ൻ സ്കി​ൽ ടെ​സ്​​റ്റി​ൽ മാ​രു​തി​യെ പ്ര​തി​നി​ധീ​ക​രി​ച്ച്​ ഇ​ന്ത്യ​ക്കു​വേ​ണ്ടി മ​ത്സ​രി​ച്ച​ത്​ ജ​സ്റ്റി​നും ജോ​ൺ​സ​നു​മാ​ണ്.

ഇ​ന്തോ​നേ​ഷ്യ​യേ​യും താ​യ്​​വാ​നെ​യും ര​ണ്ടും മൂ​ന്നും​സ്ഥാ​ന​ത്താ​ക്കി ജ​സ്റ്റി​ൻ ഒ​ന്നാ​മ​തെ​ത്തി. ഏ​ഷ്യ​യി​ൽ നി​ന്നു​ള്ള 3500 ടെ​ക്നി​ഷ്യ​ൻ​മാ​രെ​യാ​ണ്​ ജ​സ്റ്റി​ൻ പി​ന്നി​ലാ​ക്കി​യ​ത്. പി​റ്റേ വ​ർ​ഷം സു​സു​ക്കി വേ​ൾ​ഡ് ടെ​ക്നി​ക്ക​ൽ സ്കി​ൽ കോ​മ്പ​റ്റീ​ഷ​നി​ൽ പ​ങ്കെ​ടു​ത്ത മാ​രു​തി ഇ​ന്ത്യ​ൻ ടീം ​ലീ​ഡ​റാ​യി​രു​ന്ന ജ​സ്റ്റി​ൻ മ​ട​ങ്ങി​യ​ത് ഓ​വ​ർ​സീ​സ് ടീ​മി​ന്‍റെ ബെ​സ്റ്റ് പെ​ർ​ഫോ​മ​ൻ​സ് എ​ന്ന ഖ്യാ​തി​യു​മാ​യി​ട്ടാ​ണ്. പി​ന്നീ​ട്​ ഫെ​റാ​റി മോ​ഹം മ​ന​സ്സി​ലു​ദി​ച്ച​പ്പോ​ൾ 2006ലാ​ണ്​ ഫെ​റാ​റി​യു​ടെ​യും മാ​സെ​റാ​റ്റി​യു​ടെ​യും യു.​എ.​ഇ​യി​ലെ ഡി​സ്ട്രി​ബ്യൂ​ട്ട​ർ ആ​യ അ​ൽ താ​യ​ർ മോ​ട്ടോ​ഴ്​​സി​ൽ ചേ​രു​ന്ന​ത്.

'ച​ക്ക വീ​ണ​പ്പോ​ൾ മു​യ​ൽ ച​ത്ത​ത​ല്ല'

അ​ൽ താ​യ​റി​ൽ മെ​ക്കാ​നി​ക്​ ആ​യി​ട്ടാ​യി​രു​ന്നു തു​ട​ക്കം. പ​ടി​പ​ടി​യാ​യി ടെ​ക്നി​ക്ക​ൽ അ​ഡ്​​വൈ​സ​ർ ആ​യി. അ​പ്പോ​ഴാ​ണ് 2015ൽ ​ഫെ​റാ​റി​യു​ടെ വേ​ൾ​ഡ്​ സ്കി​ൽ ടെ​സ്റ്റി​ൽ പ​​ങ്കെ​ടു​ക്കാ​ൻ ആ​ഗ്ര​ഹ​മു​ദി​ക്കു​ന്ന​ത്. ജ​സ്റ്റി​ന്‍റെ കൈ​ത്ത​ഴ​ക്ക​വും പ്ര​തി​ഭ​യും തേ​ടി​ ഇ​ന്ത്യ​യി​ൽ നി​ന്ന് ര​ത്ത​ൻ ടാ​റ്റ​യും ഗൗ​തം സിം​ഘാ​നി​യ​യും പോ​ലു​ള്ള ത​ല​യെ​ടു​പ്പു​ള്ള ക​സ്റ്റ​മേ​ഴ്സ് പോ​ലും ദു​ബൈ​യി​ലെ​ത്തി​യ​ത്​ അ​റി​യാ​മാ​യി​രു​ന്ന ക​മ്പ​നി പ​രി​ശീ​ല​ന​ത്തി​നാ​യി ഭീ​മ​ൻ തു​ക അ​നു​വ​ദി​ച്ച​തോ​ടെ അ​തി​നു​ള്ള വ​ഴി തെ​ളി​ഞ്ഞു. ഒ​രു​മാ​സ​ത്തോ​ളം രാ​ത്രി​യെ പ​ക​ലാ​ക്കി പ​ഠി​ച്ച ജ​സ്റ്റി​ൻ പ​ല ക​ട​മ്പ​ക​ളും ക​ട​ന്ന്​ ഇ​റ്റ​ലി​യി​ൽ ന​ട​ക്കു​ന്ന സെ​മി​ഫൈ​ന​ലി​ലെ​ത്തി. പി​ന്നെ ഫൈ​ന​ലും. ​ഫൈ​ന​ല​ടു​ത്ത​തോ​ടെ ഇ​റ്റ​ലി​യി​ലെ ഡി​സം​ബ​ർ ത​ണു​പ്പി​ലും ജ​സ്റ്റി​ൻ പേ​ടി​ച്ച്​ വി​യ​ർ​ത്തു. കാ​ര​ണം, ഏ​റ്റു​മു​ട്ടേ​ണ്ട​ത്​ അ​മേ​രി​ക്ക, യൂ​റോ​പ്പ് തു​ട​ങ്ങി ലോ​ക​ത്തി​ന്‍റെ പ​ല രാ​ജ്യ​ങ്ങ​ളി​ൽ നി​ന്ന് തെ​ര​ഞ്ഞെ​ടു​ത്ത ഒ​മ്പ​ത്​ പേ​രോ​ടാ​ണ്. അ​ഞ്ചു തി​യ​റി, അ​ഞ്ചു പ്രാ​ക്ടി​ക്ക​ല്‍, ര​ണ്ടു ഡ്രൈ​വി​ങ്. ഇ​ങ്ങ​നെ പ​ന്ത്ര​ണ്ടു വി​ഭാ​ഗ​ങ്ങ​ളി​ല്‍ വി​ജ​യി​ച്ചു ക​യ​റ​ണം.

ക​രു​ത്ത​രാ​യ പ്ര​തി​യോ​ഗി​ക​ളോ​ട് മു​ട്ടാ​നു​ള്ള പ​രി​ച​യ​സ​മ്പ​ത്തി​ന്‍റെ കു​റ​വി​നെ ക​ഠി​നാ​ധ്വാ​നം കൊ​ണ്ട്​ ജ​സ്റ്റി​ൻ മ​റി​ക​ട​ന്നു. റേ​സി​ങ് ട്രാ​ക്കി​ന് ഏ​റ്റ​വും അ​നു​യോ​ജ്യ​മാ​യ രീ​തി​യി​ൽ വ​ണ്ടി​യോ​ടി​ക്കു​ന്ന 'ഡൈ​ന​മി​ക് ടെ​ലി മെ​ട്രി​ക്ക് ടെ​സ്റ്റ്' ഉ​ൾ​പ്പെ​ടെ​യു​ള്ള ക​ട​മ്പ​ക​ൾ ക​ട​ക്കാ​ൻ ദി​വ​സം 15 മ​ണി​ക്കൂ​ർ വ​രെ പ​രി​ശീ​ല​നം ന​ട​ത്തി. ഒ​ടു​വി​ൽ സ്​​പെ​യി​ൻ​കാ​ര​നെ​യും സ്വി​റ്റ്​​സ​ർ​ല​ൻ​ഡു​കാ​ര​നെ​യും പി​ന്നി​ലാ​ക്കി ജ​സ്റ്റി​ൻ ജേ​താ​വു​മാ​യി. 'ച​ക്ക വീ​ണ്​ മു​യ​ല്​ ച​ത്ത​താ​ണെ'​ന്ന്​ ക​ളി​യാ​ക്ക​വ​ർ​ക്ക്​ ജ​സ്റ്റി​ൻ മ​റു​പ​ടി ന​ൽ​കി​യ​ത്​ 2016ലും ​ഫൈ​ന​ൽ റൗ​ണ്ടി​ലെ​ത്തി​യി​ട്ടാ​ണ്. ആ ​വ​ർ​ഷം അ​മേ​രി​ക്ക​യി​ലാ​യി​രു​ന്നു മ​ത്സ​രം. പ​ക്ഷേ, ചി​ല സാ​ങ്കേ​തി​ക നൂ​ലാ​മാ​ല​ക​ളി​ല്‍ കു​ടു​ങ്ങി വി​സ നി​ഷേ​ധി​ക്ക​പ്പെ​ട്ട​തി​നാ​ൽ പ​​ങ്കെ​ടു​ക്കാ​നാ​യി​ല്ല. ആ​ത്​​മ​വി​ശ്വാ​സ​വും ക​ഠി​നാ​ധ്വാ​ന​വും മാ​ത്രം കൈ​മു​ത​ലാ​യ ജ​സ്റ്റി​ൻ 2017ലും ​ഫൈ​ന​ലി​ലെ​ത്തി. ഇ​റ്റ​ലി​യി​ൽ ന​ട​ന്ന ഫൈ​ന​ലി​ൽ പോ​ള​ണ്ടി​നെ​യും അ​മേ​രി​ക്ക​യെ​യും പി​ന്നി​ലാ​ക്കി ജ​സ്റ്റി​ൻ ത​ന്നെ ക​പ്പി​ൽ മു​ത്ത​മി​ട്ടു.

വീ​ട്ടീ​ലു​ണ്ട്​ 'അ​ലോ​ൺ​സോ'

കാ​ർ വാ​ഷി​ങി​ൽ​നി​ന്ന് തു​ട​ങ്ങി ഫെ​റാ​റി​യു​ടെ ലോ​ക ചാ​മ്പ്യ​ൻ​പ​ട്ടം വ​രെ കി​ട്ടി​യ​പ്പോ​ൾ കൂ​ടു​ത​ൽ വി​ദ്യാ​ഭ്യാ​സ യോ​ഗ്യ​ത നേ​ട​ണ​മെ​ന്ന്​ പ​ല​രും ഉ​പ​ദേ​ശി​ച്ചി​ട്ടും ജ​സ്റ്റി​ൻ അ​തി​ന്​ ത​യാ​റാ​യി​ല്ല. ഐ.​ടി.​ഐ. യോ​ഗ്യ​ത​യു​ള്ളൊ​രാ​ൾ ഇ​ത്ര​യും നേ​ട്ടം കൈ​വ​രി​ച്ച​തി​ന്‍റെ 'ത്രി​ല്ല്​' അ​തോ​ടെ കെ​ട്ട​ട​ങ്ങു​മെ​ന്ന​താ​ണ്​ കാ​ര​ണം. 'ഐ.​ടി.​ഐ പാ​സാ​യ ഞാ​ൻ ഫെ​റാ​റി ലോ​ക ചാ​മ്പ്യ​നാ​യ​തും ഇ​ത്ര​യും വ​ലി​യ ക​മ്പ​നി​യി​ൽ ടെ​ക്നി​ക്ക​ൽ മാ​നേ​ജ​ർ ആ​യ​തു​മൊ​ക്കെ​ പ​ല​ർ​ക്കും പ്ര​ചോ​ദ​ന​മാ​യി​ട്ടു​ണ്ട്. ഇ​തൊ​രു ഭാ​വി​യു​ള്ള ക​രി​യ​ർ ആ​ണെ​ന്ന ആ​ത്​​മ​വി​ശ്വാ​സം ഐ.​ടി.​ഐ യോ​ഗ്യ​ത​യു​ള്ള ഒ​രാ​ൾ​ക്ക്​ തോ​ന്ന​ണ​മെ​ങ്കി​ൽ ഞാ​ൻ ഇ​ങ്ങ​നെ ത​ന്നെ തു​ട​ര​ണം. കു​റ​ച്ച​ധി​കം പ്ര​യ​ത്നി​ക്കാ​നു​ള്ള മ​ന​സ്സും ഗു​രു​ക്ക​ന്മാ​രു​ടെ അ​നു​ഗ്ര​ഹ​വും കു​റ​ച്ച് ഭാ​ഗ്യ​വും ഉ​ണ്ടെ​ങ്കി​ൽ ആ​ർ​ക്കും ഇ​തും ഇ​തി​ല​പ്പു​റ​വും സാ​ധി​ക്കു​മെ​ന്ന​തി​ന്‍റെ ഉ​ദാ​ഹ​ര​ണ​മാ​ണ്​ ഒ​രു ആ​വ​റേ​ജ്​ സ്റ്റു​ഡ​ന്‍റ്​ ആ​യി​രു​ന്ന എ​ന്‍റെ ജീ​വി​തം' -ജ​സ്റ്റി​ൻ പ​റ​യു​ന്നു.

എ​ൻ​ജി​നീ​യ​റി​ങ്​ മോ​ഹം ഉ​പേ​ക്ഷി​​ക്കേ​ണ്ടി വ​ന്ന ജ​സ്റ്റി​ൻ ഇ​പ്പോ​ൾ എ​ൻ​ജി​നീ​യ​റി​ങ്​ കോ​ള​ജു​ക​ളി​ൽ ഗ​സ്റ്റ്​ ആ​യി പോ​യി ക്ലാ​സു​ക​ളെ​ടു​ക്കു​ന്നു​ണ്ട്. ക​രി​യ​ർ ​ഗൈ​ഡ​ൻ​സ്​ ക്ലാ​സു​ക​ളു​മെ​ടു​ക്കു​ന്നു. താ​ൻ നേ​ടി​യ അ​റി​വ്​ മ​റ്റു​ള്ള​വ​രി​ലേ​ക്ക് എ​ത്തി​ക്കാ​നാ​യി Jestin's Auto Vlog എ​ന്ന യു​ട്യൂ​ബ്​ ചാ​ന​ലും ന​ട​ത്തു​ന്നു​ണ്ട്. ഫോ​ർ​മു​ല വ​ൺ കാ​റോ​ട്ട മ​ത്സ​ര​ത്തി​ൽ 2010-14 സീ​സ​ണി​ൽ ഫെ​റാ​റി ടീ​മി​ന്‍റെ ഡ്രൈ​വ​റാ​യി​രു​ന്ന ഫെ​ർ​ണാ​ണ്ടോ അ​ലോ​ൺ‍സോ​യാ​ണ്​ ജ​സ്റ്റി​ന്‍റെ ഓ​ൾ​ടൈം ഹീ​റോ. മൂ​ത്ത​മ​ക​ന്​ ഇ​ട്ടി​രി​ക്കു​ന്ന​ത്​ അ​ലോ​ൺ​സോ​യു​ടെ പേ​രാ​ണ്. എ​ട്ടി​ൽ പ​ഠി​ക്കു​ന്ന അ​ലോ​ൺ​സോ, നാ​ലി​ൽ പ​ഠി​ക്കു​ന്ന അ​ഡ്രി​നോ, ര​ണ്ടി​ൽ പ​ഠി​ക്കു​ന്ന അ​മേ​യ എ​ന്നി​വ​രാ​ണ്​ മ​ക്ക​ൾ. സ​ർ​വ പി​ന്തു​ണ​യു​മാ​യി ഭാ​ര്യ ജി​ഷ​യും ജ​സ്റ്റി​നൊ​പ്പ​മു​ണ്ട്.