എതിരാളികളില്ലാതെ നിഞ്ചകൾ; 305 കുതിരശക്​തി, വില 79 ലക്ഷം

സാധാരണഗതിയിൽ വാഹനങ്ങളെക്കുറിച്ച്​ പറയു​േമ്പാൾ അതോടൊപ്പം കിടപിടിക്കുന്ന മറ്റുചില വാഹനങ്ങളെക്കൂടി പരിചയപ്പെടുത്താറുണ്ട്​. റോൾസ്​ റോയ്​സ്​ ഫാൻറത്തിന്​​ ബെൻറ്​ലെ ഫ്ലയിങ്​ സ്​പർ പോലെ ബെൻസ്​ സി ക്ലാസിന്​​ ബി.എം.ഡബ്ല്യു ത്രീ സീരീസ്​പോലെ, ഫെറാരിക്ക്​ ല​േമ്പാർഗിനി പോലെ, മാരുതി സ്വിഫ്​റ്റിന്​ ​ഹ്യൂണ്ടായ്​ െഎ 20 പോലെ അത്തരം സമീകരണങ്ങൾ ഒരു വാഹനത്തെ മനസിലാക്കാൻ നല്ലതാണ്​. എന്നാൽ ഇനിപറയാൻപോകുന്ന വാഹനത്തിന്​ എതിരാളികളേ ഇല്ല. കാരണം ഇത്തരം അഴകളവുകളിലോ കരുത്തി​െൻറ ഇരമ്പലുകളിലോ സമാനമായൊരു വാഹനം നിരത്തിലിറങ്ങുന്നില്ല.

തന്നേപ്പോലെ താൻമാത്രമെന്ന താൻപോരിമ സ്വന്തമായുള്ള ആ കരുത്തനാണ്​ കാവാസാക്കി നിഞ്ച എച്ച്​ 2 ആർ. സൂപ്പർ ബൈക്ക്​ എന്നതിനുമപ്പുറം ഹൈപ്പർ ബൈക്ക്​ എന്നാണ്​ നിഞ്ച എച്ച്​ 2 ആർ അറിയപ്പെടുന്നത്​. ഇതിന്​ കാരണം ഇൗ റോക്കറ്റ്​ ബൈക്ക്​ പുറത്തെടുക്കുന്ന വന്യമായ കരുത്തുതന്നെയാണ്​. 998 സിസി, ഇൻലൈൻ നാല് സിലിണ്ടർ, ലിക്വിഡ്-കൂൾഡ് എഞ്ചിനാണ്​ നിഞ്ചക്ക്​ കരുത്തുപകരുന്നത്​. എഞ്ചി​െൻറ വലുപ്പത്തിലെ കുറവ്​ മറികടക്കാൻ ഒരു സൂപ്പർ ചാർജറും പിടിപ്പിച്ചിട്ടുണ്ട്​. ടർബോ ചാർജറി​െൻറ മികച്ച രൂപമാണ്​ സൂപ്പർ ചാർജർ. ടർബോ ചാർജൻ ഒരു നിശ്​ചിത ആർ.പി.എമ്മിൽ മാത്രം പ്രവർത്തനം തുടങ്ങു​േമ്പാൾ സൂപ്പർ ചാർജർ എഞ്ചിൻ ഒാണാകുന്ന നിമിഷം മുതൽ പ്രവർത്തിക്കാനാരംഭിക്കും.

14,000 ആർ‌പി‌എമ്മിൽ‌ 305.7 ബിഎച്ച്പി (റാം എയറിനൊപ്പം 321.8 ബിഎച്ച്പി), 12,500 ആർ‌പി‌എമ്മിൽ 165 എൻ‌എം ടോർക്ക് എന്നിവ എച്ച്​ 2 ആർ ഉത്​പാദിപ്പിക്കും. ആറ് സ്​പീഡ്​ സ്ലിപ്പർ അസിസ്​റ്റ്​ ക്ലച്ച് ദ്രുതഗതിയിലുള്ള ഗിയർ ഷിഫ്റ്റ്​ സാധ്യമാക്കും. മുന്നിൽ 43 എംഎം അപ്​സൈഡ്​ ഡൗൺ ഫോർക്കുകളും പിന്നിൽ ഗ്യാസ് ചാർജ്​ഡ്​ റിയർ മോണോ ഷോക്കുമാണ്​ സസ്​പെൻഷൻ ഡ്യൂട്ടി നിർവഹിക്കുന്നത്​. മുന്നിൽ ഡ്യുവൽ 330 എംഎം ഡിസ്കുകളും പിന്നിൽ 250 എംഎം റോട്ടറും ബ്രേക്കിങ്ങിന്​ സഹായിക്കും. പെർഫോമൻസ് കിറ്റി​െൻറ ഭാഗമായി ഇലക്ട്രോണിക് സ്റ്റിയറിങ്​ ഡാംപറും ലഭിക്കും. 216 കിലോഗ്രാം ആണ്​ നിഞ്ചയുടെ ഭാരം.

കവാസാക്കി കോർണറിങ്​ മാനേജുമെൻറ്​ ഫംഗ്ഷനോടുകൂടിയ ബോഷ്​ ​െഎ.എം.യു യൂനിറ്റ് ബൈക്കിന്റെ പ്രധാന ഇലക്ട്രോണിക് ഹൈലൈറ്റുകളിൽ ഒന്നാണ്. 2021 കവാസാക്കി നിഞ്ച എച്ച് 2 ആറിന്​ 79.90 ലക്ഷം രൂപയാണ്​ വിലയിട്ടിരിക്കുന്നത്​. ഇന്ത്യൻ വിപണിയിൽ നിലവിൽ ബൈക്കിന് നേരിട്ടുള്ള എതിരാളികളില്ല. തൽക്കാലം എച്ച്​ 2 ആറിനെ നിരത്തിൽ ഇറക്കാനുള്ള അനുമതി ഇന്ത്യയിലില്ല. വാങ്ങിയാൽ ഏതെങ്കിലും ട്രാക്കിലോ സർക്യൂട്ടിലോ ഒാടിക്കാമെന്നുമാത്രം.