![Mahindra XUV400 electric SUV to gain 8 new features Mahindra XUV400 electric SUV to gain 8 new features](https://www.madhyamam.com/h-upload/2023/08/03/2037542-xuv-400.webp)
ഇ.വി യുദ്ധം കടുക്കും; എക്സ്.യു.വി 400 ൽ എട്ട് പുതിയ ഫീച്ചറുകൾ കൂട്ടിച്ചേർത്ത് മഹീന്ദ്ര
text_fieldsരാജ്യെത്ത പ്രധാനപ്പെട്ട രണ്ട് ഇലക്ട്രിക് വാഹനങ്ങളാണ് ടാറ്റ നെക്സണും മഹീന്ദ്ര എക്സ്.യു.വി 400 ഉം. ഫീച്ചറുകളാൽ സമ്പന്നമായ നെക്സണുമുന്നിൽ പിടിച്ച് നിൽക്കാനാവാതെ കഷ്ടപ്പെടുകയാണ് എക്സ്.യു.വി 400. ഈ പ്രശ്നം പരിഹരിക്കാൻ ഇപ്പോൾ മുന്നിട്ടിറങ്ങിയിരിക്കുകയാണ് മഹീന്ദ്ര. എക്സ്.യു.വി 400ലേക്ക് എട്ട് ഫീച്ചറുകൾകൂടി കൂട്ടിച്ചേർത്തിരിക്കുകയാണ് കമ്പനി.
ഇന്ത്യയല് ഏറ്റവും കൂടുതല് വിറ്റഴിക്കപ്പെടുന്ന ഇലക്ട്രിക് എസ്യുവിയായ ടാറ്റ നെക്സോണിന്റെ നേരിട്ടുള്ള എതിരാളിയാണ് മഹീന്ദ്ര എക്സ്.യു.വി400. വില നിര്ണയത്തില് നെക്സോണുമായി മുട്ടിനില്ക്കാനായി മഹീന്ദ്ര ഇലക്ട്രിക് എസ്യുവിയില് ചില ഫീച്ചറുകള് ഉള്പ്പെടുത്തിയിരുന്നില്ല. എന്നാല് ഇപ്പോള് ഉപഭോക്തൃ പ്രതികരണങ്ങളുടെ കൂടി അടിസ്ഥാനത്തില് മഹീന്ദ്ര എക്സ്.യു.വി400ല് നഷ്ടമായ ഫീച്ചറുകള് ഉള്ക്കൊള്ളിച്ചിരിക്കുകയാണ്.
താരതമ്യേന വില കുറവായ എക്സ്.യു.വി300-യില് വാഗ്ദാനം ചെയ്യുന്ന ചില ഫീച്ചറുകള് പോലും എക്സ്.യു.വി400-യില് മഹീന്ദ്ര ആദ്യം ഉൾപ്പെടുത്തിയിരുന്നില്ല. ഉപഭോക്തൃ പ്രതികരണങ്ങളുടെ വെളിച്ചത്തില് ഈ ചീത്തപ്പേര് മായ്ക്കുകയാണ് കമ്പനി ഇപ്പോള് ചെയ്യുന്നത്. സിംഗിള് ടോണ്, ഡ്യുവല് ടോണ് കളര് വേരിയന്റുകളുള്ള ടോപ്പ് സ്പെക് EL ട്രിമ്മില് മാത്രമാകും പുതിയ ഫീച്ചറുകൾ എല്ലാം ഉള്ക്കൊള്ളിക്കുക.
ഫീച്ചറുകളില് ചിലത് ഭാവിയില് ബേസ് EC ട്രിമ്മിലേക്കും എത്തിയേക്കാം. ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ഹില് ഹോള്ഡ് അസിസ്റ്റ് (HSA), ഓട്ടോ-ഡിമ്മിംഗ് IRVM, ടയര് പ്രഷര് മോണിറ്ററിങ് സിസ്റ്റം (TPMS), 4 സ്പീക്കറുകള്ക്ക് മുകളില് രണ്ട് ട്വീറ്ററുകള്, ഫ്രണ്ട് ഫോഗ് ലാമ്പുകള്, ബൂട്ട് ലാമ്പ് എന്നിവ പുതുതായി വാഹനത്തിൽ ഉൾപ്പെടുത്തുന്നുണ്ട്.
എക്സ്.യു.വി 300ല് ഉടന് പനോരമിക് സണ്റൂഫ് ഉള്ക്കൊള്ളിക്കാന് പോകുകയാണെന്ന റിപ്പോര്ട്ടുകള് കഴിഞ്ഞ ദിവസം പുറത്ത് വന്നിരുന്നു. അങ്ങനെയാണെങ്കില് ഈ ട്രെന്ഡിംഗ് കാര് ഫീച്ചര് വൈകാതെ എക്സ്.യു.വി400-യിലും ഇടംപിടിക്കും. 2023-ലെ രണ്ടാം പാദത്തില് മഹീന്ദ്രക്ക് 2,234 ഇലക്ട്രിക് കാറുകള് വില്ക്കാനായപ്പോള് ടാറ്റ മോട്ടോര്സ് 5,072 യൂനിറ്റുകളാണ് വിറ്റത്. ഫീച്ചര് ലിസ്റ്റ് അപ്ഗ്രേഡ് ചെയ്തതോടെ വാഹനത്തിന് കൂടുതല് ഉപഭോക്താക്കളെ ആകര്ഷിക്കാന് സാധിക്കുമെന്നാണ് കണക്കുകൂട്ടല്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.