വെസ്​പ ആനിവേ​ഴ്​സറി എഡിഷനുമായി പിയാജിയോ; പുതിയ നിറവും ഗ്രാഫിക്​സും പ്രത്യേകത

75ആം വാർഷിക ആഘോഷങ്ങളുടെ ഭാഗമായി വെസ്​പ ആനിവേഴ്​സറി എഡിഷനുമായി പിയാജിയോ. രണ്ട്​ സ്​പെഷൽ എഡിഷൻ സ്​കൂട്ടറുകളാണ്​ കമ്പനി പുറത്തിറക്കുന്നത്​. 1.26 ലക്ഷം വിലവരുന്ന കരുത്തുകുറഞ്ഞ സ്​കൂട്ടറും 1.39 ലക്ഷം വിലയുള്ള കരുത്തുകൂടിയ വകഭേദവും അവതരിപ്പിച്ചിട്ടുണ്ട്​. കമ്പനി വെബ്​സൈറ്റ്​വഴി ഒാൺലൈനായും ഡീലർഷിപ്പുകൾ വഴിയും വാഹനം ബുക്ക്​ ചെയ്യാവുന്നതാണ്​.

പ്രത്യേകതകൾ

ആനിവേഴ്​സറി എഡിഷൻ സ്​കൂട്ടറി​െൻറ പ്രധാന പ്രത്യേകത പുതിയ നിറത്തി​െൻറ കൂട്ടിച്ചേർക്കലാണ്​. 'ഗ്ലോസി മെറ്റാലിക്​ ജിയാലൊ' എന്ന്​ വിളിക്കുന്ന നിറവും 'ഡാർക്​ സ്​മോക്​ ഗ്രേ' സീറ്റുകളും മറ്റ്​ വെസ്​പകളിൽ നിന്ന്​ ​സ്​പെഷൻ എഡിഷനെ വേർതിരിച്ച്​ നിർത്തുന്നു. ഇതുകൂടാതെ ഒരു വെൽക്കം കിറ്റും വാഹനത്തിന്​ ലഭ്യമാകും. സ്​കൂട്ടറി​െൻറ വിവിധ ഭാഗങ്ങളിൽ 75ആം വാർഷികത്തി​െൻറ ഒാർമക്ക്​ 75 എന്ന എഴുത്തും ഉണ്ടാകും. സൈഡ്​ പാനലിലും മുന്നിലെ ഫെൻഡറിലും ഗ്ലൗ ബോക്​സിലും ഇത്തരത്തിൽ 75 എന്ന മുദ്രണം ഉണ്ടാകും. സ്​പെയർ വീൽ കാരിയർ ആയി ഉപയോഗിക്കാവുന്ന സ്​റ്റീൽ റാക്ക്​, വിൻഡ്​സ്​ക്രീനിലും വീലുകളിലും ഉള്ള മെഷീൻ ഫിനിഷ്​ എന്നിവയും സ്​കൂട്ടറി​െൻറ പ്രത്യേകതകളാണ്​.

എഞ്ചിനും ഗിയർബോക്​സും ഉൾപ്പടെയുള്ള മറ്റ്​ പ്രത്യേകതകൾ സാധാരണ വാഹനങ്ങൾക്ക്​ സമാനമാണ്​. 125 സി.സി എഞ്ചിൻ 7500 ആർ.പി.എമ്മിൽ 9.93 എച്ച്​.പി കരുത്തും 5500 ആർ.പി.എമ്മിൽ 9.6 എൻ.എം ടോർക്കും ഉത്​പ്പാദിപ്പിക്കും. കൂടുതൽ കരുത്തുള്ള വകഭേദത്തിന്​ 7600 ആർ.പി.എമ്മിൽ 10.4 എച്ച്​.പി കരുത്തും 5500 ആർ.പി.എമ്മിൽ 10.6എൻ.എം ടോർക്കും ഉത്​പ്പാദിപ്പിക്കും. ബ്രേക്കിങിനായി 200എം.എം ഡിസ്​ക്​ മുന്നിലും 140 എം.എം പിന്നിലും ഉൾപ്പെടുത്തിയിട്ടുണ്ട്​. കുറഞ്ഞ മോഡലിൽ സി.ബി.എസ്​ സൗകര്യവും വിലകൂടിയ മോഡലിൽ എ.ബി.എസ്​ സംവിധാനവും ഉൾപ്പെടുത്തിയിട്ടുണ്ട്​.