ഇന്ത്യയിലെ ഇറക്കുമതി തീരുവ താങ്ങാനാവാത്തത്​; ടെസ്​ല കാർ ലോഞ്ച്​ ചെയ്യാൻ പറഞ്ഞയാളോട്​ ഇലോൺ മസ്​ക്​

അമേരിക്കൻ ഇലക്​ട്രിക്​ കാറായ ടെസ്​ലക്ക്​ ഇന്ത്യയിലും ഒ​േട്ടറെ ആരാധകരുണ്ട്​. ടെസ്​ലയുടെ ഇന്ത്യയിലേക്കുള്ള വരവിനായി കാത്തിരിക്കുകയാണ്​ കാർ പ്രേമികൾ. ഉടമ ഇലോൺ മസ്​കിന്​ ത​െൻറ ട്വിറ്റർ ഹാൻഡിലിൽ ഏറ്റവും കൂടുതൽ നേരിടേണ്ടി വന്ന ചോദ്യം ഒരു പക്ഷെ ടെസ്​ലയുടെ ഇന്ത്യൻ അരങ്ങേറ്റത്തെ കുറിച്ചായിരിക്കും.

ടെസ്​ല കാറുകൾ എത്രയും പെട്ടന്ന്​ ഇന്ത്യയിൽ ലോഞ്ച്​ ചെയ്യാൻ ആവശ്യപ്പെട്ടുകൊണ്ടുള്ള ഒരു ട്വീറ്റിന്​​ ഇലോൺ മസ്​ക്​ നൽകിയ മറുപടിയാണ്​ ഇപ്പോൾ സമൂഹ മാധ്യമങ്ങളിൽ ചർച്ചാവിഷയം. ഇന്ത്യയിലെ അമിത ഇറക്കുമതി തീരുവയെ കുറിച്ചാണ്​ മസ്​ക്​ കമൻറിൽ പരാമർശിക്കുന്നത്​.

'ഞങ്ങൾക്ക്​ അങ്ങനെ ചെയ്യണമെന്നുണ്ട്​.. പക്ഷെ, ഏതൊരു വലിയ രാജ്യത്തേക്കാളും ഇന്ത്യയിലെ ഇറക്കുമതി തീരുവ ലോകത്തിലെ ഏറ്റവും ഉയർന്ന നിരക്കിലാണുള്ളത്​...! അതുമാത്രമല്ല, ക്ലീൻ എനർജി വാഹനങ്ങളെ ഡീസൽ അല്ലെങ്കിൽ പെട്രോൾ വാഹനങ്ങൾക്ക്​ തുല്യമായാണ് ഇവിടെ കണക്കാക്കപ്പെടുന്നത്​. അത് ഇന്ത്യ മുന്നോട്ടുവെക്കുന്ന കാലാവസ്ഥാ ലക്ഷ്യങ്ങളുമായി പൂർണ്ണമായും പൊരുത്തപ്പെടുന്നില്ല'.-ഇലോൺ മസ്ക്​ മറുപടി നൽകി.

We want to do so, but import duties are the highest in the world by far of any large country!

Moreover, clean energy vehicles are treated the same as diesel or petrol, which does not seem entirely consistent with the climate goals of India.

— Elon Musk (@elonmusk) July 23, 2021

ടെസ്​ല അടുത്തിടെയാണ്​ ഇന്ത്യയിലേക്കുള്ള തങ്ങളുടെ വരവ്​ പ്രഖ്യാപിച്ചത്​. ൈവഭവ്​ തനേജ, വെങ്കിട്ട രംഗ ശ്രീറാം, ഡേവിഡ്​ ജോൺ ഫിൻസ്​റ്റീൻ എന്നിവരെ ഡയറക്​ടർമാരാക്കി 'ടെസ്​ല ഇന്ത്യ മോ​േട്ടഴ്​സ്​ ആൻഡ്​ എനർജി ​ൈപ്രവറ്റ്​ ലിമിറ്റഡ്​' എന്ന പേരിൽ കമ്പനിയും രജിസ്​റ്റർ ചെയ്​തിട്ടുണ്ട്​. ടെസ്​ലയുടെ ഇന്ത്യയിലേക്കുള്ള വരവ്​ 2016ൽ തന്നെ പ്രഖ്യാപിച്ചിരുന്നു. കൊറോണ കാരണമാണ്​​ അത്​ വൈകിയത്​.

കർണാടകക്കു പുറമെ, തമിഴ്​നാട്​, ഗുജറാത്ത്​, ആന്ധ്ര, തെലങ്കാന സംസ്​ഥാനങ്ങളും കമ്പനിക്ക്​ ഭൂമി അനുവദിക്കാൻ സന്നദ്ധത പ്രകടിപ്പിച്ചിരുന്നെങ്കിലും അവസാനം കർണാടകയെ ടെസ്​ല തിരഞ്ഞെടുക്കുകയായിരുന്നു. ബംഗളൂരുവിന്​ സമീപത്തെ തുംകൂർ ജില്ലയിൽ വ്യാവസായിക ഇടനാഴി സ്​ഥാപിച്ച്​ ടെസ്​ലക്കായി സൗകര്യങ്ങൾ ഒരുക്കുന്നുണ്ട്​.

7,775 കോടി ആദ്യ ഘട്ടത്തിൽ ടെസ്​ല ഇന്ത്യയിൽ മുതൽ മുടക്കും. ഇന്ത്യയിൽ ആദ്യഘട്ടത്തിൽ വൈദ്യുതവാഹനങ്ങളുടെ വിൽപനയാണ്​ ടെസ്​ല ലക്ഷ്യമിടുന്നത്​. വിപണിയുടെ പ്രകടനത്തി​ൻെറ അടിസ്​ഥാനത്തിൽ പിന്നീട്​ അസംബ്ലിങ്​, ഉൽപാദനം എന്നിവയിലേക്ക്​ കടക്കും. ടെസ്​ല മോഡൽ 3 കാറിന്​ ഇന്ത്യയിലെത്തു​േമ്പാൾ​ ഏകദേശം 55 ലക്ഷം രൂപ വിലവരും.