ഇടിമുഴക്കമാകാൻ എസ്​.ജി 650; റോയലി​െൻറ പുതിയ പടക്കുതിര അവതരിച്ചു

ക്രൂസർ വിഭാഗത്തിൽ പുതിയ കൺസപ്​ട്​ മോ​േട്ടാർ സൈക്കിൾ അവതരിപ്പിച്ച്​ റോയൽ എൻഫീൽഡ്​. എസ്​ജി 650 കൺസെപ്റ്റ്. ഇഐസിഎംഎ 2021 ലാണ് (ഇന്റർനാഷണൽ മോട്ടോർ സൈക്കിൾ ആൻഡ് ആക്‌സസറീസ് എക്‌സിബിഷൻ) വെളിച്ചംകണ്ടത്​. പുതിയ വാഹനത്തിലൂടെ ആധുനികതയും കരുത്തും സൗന്ദര്യവും ഒത്തിണങ്ങിയ ന്യൂ ജെൻ ബൈക്കുകളു​ടെ നിർമാണമാണ്​ എൻഫീൽഡ്​ ലക്ഷ്യമിടുന്നത്​. വാഹനം ഉടൻ എൻഫീൽഡ് ലൈനപ്പിന്റെ ഭാഗമാകുമെന്നാണ്​ പ്രതീക്ഷിക്കുന്നത്​. ഇനി പുറത്തിറങ്ങുന്ന എൻഫീൽഡ് ബൈക്കുകൾക്ക് ഈ കൺസെപ്റ്റുമായി ബന്ധമുള്ള പുതിയ ഡിസൈൻ ഭാഷ്യമായിരിക്കും നൽകുകയെന്നും എൻഫീൽഡ് പറയുന്നു.

ഡിജിറ്റൽ ഗ്രാഫിക്​സ്​ സ്​കീമിനൊപ്പം ബ്രഷ്​ഡ്​ അലുമിനിയത്തിലും കറുപ്പിലും പൊതിഞ്ഞിരിക്കുന്ന കൺസെപ്റ്റ് മെഷീൻ ശ്രദ്ധേയമാണ്. ഹാർലിയെയൊക്കെ ഒാർമിപ്പിക്കുന്ന രാജ്യാന്തര ക്രൂസ് ബൈക്കുകളുടെ രൂപഭംഗിയാണ് കണ്‍സെപ്റ്റിന്. ബ്രഷ്​ഡ്​ അലുമിനിയം ഫിനിഷിലാണ് മുൻഭാഗം. സ്റ്റാർട്ടർ സ്വിച്ച് ഇന്റർസെപ്റ്ററിന് സമാനം. വൃത്താകൃതിയിലാണ്​ ഹെഡ്‌ലൈറ്റ്. ഹെഡ്‌ലാംപിനോട് ചേർന്ന് തന്നെയാണ് ഇൻഡിക്കേറ്ററുകളുടെ സ്ഥാനം. യുഎസ്‍ഡി ഫോർക്കും ട്വിൻ ഷോക്ക് അബ്സോർബർ സെറ്റപ്പുമുണ്ട്. സിഎൻസി ബില്ലെറ്റ് മെഷിൻഡ് സോളിഡ് അലുമിനിയം ബ്ലോക്കുകൊണ്ട് നിർമിച്ചതാണ് ടാങ്കും വീലുകളും.

നീല നിറത്തിലുള്ള ആർ.ഇ ലോഗോ തടിച്ച ഇന്ധന ടാങ്കിൽ മുദ്രണം ചെയ്​തിരിക്കുന്നു. തടിച്ച മെറ്റ്സെലർ ടയറുകൾ വാഹനത്തി​െൻറ ഗാംഭീര്യം കൂട്ടുന്നു. റോയലി​െൻറ ഇരട്ടകൾ എന്നറിയപ്പെടുന്ന ഇന്റർസെപ്റ്ററിലും കോണ്ടിനെന്റൽ ജിടിയിലും ഉപയോഗിക്കുന്ന പാരലൽ ട്വിൻ എൻജിനാണ്​ എസ്​.ജി 650 കൺസപ്​ടിലും ഉപയോഗിച്ചിരിക്കുന്നത്​. 47 എച്ച്പി കരുത്തുള്ള എൻജിന് 52 എൻഎം ടോർക് ഉത്​പ്പാദിപ്പിക്കാനാവും. മാസങ്ങൾക്കകം വാഹനം റോയൽ എൻഫീൽഡ്​ വാഹനനിരയിൽ ഇടംപിടിക്കുമെന്നാണ്​ സൂചന.