പഞ്ചർ ഒട്ടിക്കാൻ പഠിച്ചോളൂ; സ്​പെയർ ടയറുകൾ ഒഴിവാക്കാനൊരുങ്ങി നിർമാതാക്കൾ

ട്യൂബ്​ലെസ്​ ടയറുകളുള്ള എം-വൺ കാറ്റഗറി വാഹനമാണ്​ നിങ്ങൾ വാങ്ങാനുദ്ദേശിക്കുന്നതെങ്കിൽ ടയർ പഞ്ചർ ഒട്ടിക്കാൻ പഠിച്ചുവെക്കുന്നത്​ നന്നായിരിക്കും. കാരണം ഇത്തരം വാഹനങ്ങൾക്ക്​ സ്​പെയർ ടയറുകൾ നിർബന്ധമാണെന്ന നിബന്ധന ഒഴിവാക്കുകയാണ്​. കേന്ദ്ര ഉപരിതല ഗതാഗത മന്ത്രാലയത്തി​െൻറ നിയമഭേദഗതി ഈ വർഷം ഒക്​ടോബർ ഒന്ന്​ മുതൽ പ്രാബല്യത്തിലാവും​.

ഡ്രൈവറുൾപ്പടെ ഒമ്പത്​ പേർക്ക്​ വരെ സഞ്ചരിക്കാവുന്നതും മൂന്നര ടണ്ണിലധികം ഭാരമില്ലാത്തതുമായ എം-വൺ കാറ്റഗറി വാഹനങ്ങൾക്കാണ്​ ഇളവ്​ ബാധകമാവുക. ​സ്​പെയർ ടയറുകൾക്ക്​ പകരമായി പഞ്ചർ ഒട്ടിക്കാൻ​ ആവശ്യമായ ടയർ റിപ്പയർ കിറ്റും ടയർ പ്രഷർ മോണിറ്ററിങ്​ സംവിധാനവുമായിരിക്കും വാഹനങ്ങളിൽ ഉൾപ്പെടുത്തുക. ഇലക്​ട്രിക്​ വാഹനങ്ങളുടെ സൗകര്യത്തിന്​ വേണ്ടിയാണ്​ ഇത്തരമൊരു നീക്കത്തിന്​ തുടക്കമിട്ടത്​.

അവയിൽ വലിയ ബാറ്ററികളും സ്​പെയർ ബാറ്ററികളും ഘടിപ്പിക്കാൻ​ ആവശ്യമായ സ്​ഥലം ലഭിക്കുന്നതിനാണ്​ സ്​പെയർ ടയറിനെ പുറന്തള്ളുന്നത്​. എന്നാൽ, ഈ ഇളവ്​ ഉപയോഗിച്ച്​ വാഹന നിർമാതാക്കൾ എല്ലാ എം-വൺ കാറ്റഗറി വാഹനങ്ങളിൽനിന്നും സ്​പെയർ ടയർ ഒഴിവാക്കാനാണ്​ സാധ്യത. കാരണം ​സ്​പെയർ ടയറിനേക്കാൾ ചെലവ്​ കുറവാണ്​ ടയർ റിപ്പയർ കിറ്റിന്​.

സ്​പെയർ ടയർ ഒഴിവാക്കുന്നതു കൊണ്ട്​ വാഹന ഉടമകൾക്കുമുണ്ട്​ ചെറിയ നേട്ടങ്ങൾ. വാഹനത്തിലെ ഒരു ഡെഡ്​ വെയ്​റ്റാണ്​ സ്​പെയർ ടയർ. ഇത്​ ഒഴിവാകു​േമ്പാഴുണ്ടാകുന്ന ഭാരക്കുറവ്​ വാഹനത്തി​െൻറ പെർഫോമൻസ്​ കൂട്ടും. കൂടാതെ ഡിക്കിയിൽ അൽപം സ്​ഥലവും അധികം കിട്ടും. മിക്ക സാഹചര്യങ്ങളിലും ടയർ ഊരിയെടുക്കാതെ തന്നെ പഞ്ചർ ഒട്ടിക്കാൻ സാധിക്കുന്നതിനാൽ അധ്വാനം കുറഞ്ഞ്​ കിട്ടുകയും ചെയ്യും.

എല്ലാ തരം പഞ്ചറുകളും റിപ്പയർ കിറ്റ്​ ഉപയോഗിച്ച്​ അടക്കാനാവില്ല. പഞ്ചറിന്​ ആറ്​ മില്ലിമീറ്ററിലധികം വ്യാസമുണ്ടാവുക, വീൽ റിം കേടാവുക, പഞ്ചർ പ്രധാന ട്രെഡ്​ ഏരിയക്ക്​ പുറത്താവുക തുടങ്ങിയ സാഹചര്യങ്ങളിലാണ്​ പഞ്ചർ റിപ്പയർ സാധ്യമാകാതെ വരിക.

ടയർ സീലാൻറ്​ കിറ്റ്

പഞ്ചർ ഒട്ടിക്കാൻ പരിശീലിക്കുന്നതിന്​ ആദ്യം ടയർ പഞ്ചർ കിറ്റ്​ പരിചയപ്പെടാം. കിറ്റുകൾ​ രണ്ട്​ തരമുണ്ട്​. ടയർ സീലാൻറ്​ കിറ്റും ടയർ പാച്ച്​ കിറ്റും. ടയർ സീലാൻറ്​ താരതമ്യേന എളുപ്പമായതിനാൽ വാഹനങ്ങളിൽ ഇവ ഉൾപ്പെടുത്താനാണ്​ സാധ്യത.

ഒരു ബോട്ടിൽ സീലാൻറും എയർ കംപ്രസറും മതി ഇതിന്​. വാഹനം ഓഫാക്കിയ ശേഷം ടയറിൽ പഞ്ചറുള്ള ഭാഗം മുകളിൽ വരുത്തണം. കഴിയുമെങ്കിൽ എയർ വാൽവ്​ ടയറി​െൻറ മുകൾ ഭാഗത്തെ പകുതിയിൽ ആക്കണം. അതിന്​ ശേഷം ടയറിലെ എയർ വാൽവ്​ അഴിച്ചെടുക്കുക. ടയറിൽ വാൽവി​െൻറ ഭാഗത്ത്​ സീലാൻറ്​ ബോട്ടിൽ കണക്​ട്​ ചെയ്യുക.

ഇനി സീലാൻറ്​ ബോട്ടിലിലേക്ക്​ ക​മ്പ്രസർ കണക്​ട്​ ചെയ്യാം. ശേഷം ക​മ്പ്രസർ കാറി​െൻറ 12 വോൾട്ട്​ സോക്കറ്റിലേക്ക്​ പ്ലഗ്​ ചെയ്യുക. ക​മ്പ്രസർ പ്രവർത്തിക്കു​േമ്പാൾ സീലാൻഡ്​ ടയറിലേക്ക്​ പമ്പ്​ ചെയ്യുകയും അതോടൊപ്പം ടയറിൽ കാറ്റ്​ നിറയുകയും ചെയ്യും. ടയർ പ്രഷർ മോണിറ്ററിങ്​ സംവിധാനത്തിൽ നോക്കി ആവശ്യമായ സമയത്ത്​ എയർ ക​മ്പ്രസർ ഓഫ്​ ചെയ്യുക. സീലാൻറ്​ ബോട്ടിലും എയർ ക​മ്പ്രസറും ടയറിൽനിന്ന്​ വേർപെടുത്തിയ ശേഷം ടയർ ഒരു തവണ പൂർണമായി കറങ്ങുന്നത്​ വരെ ഓടിക്കുക. സീലാൻറ്​ എല്ലായിടത്തും പരക്കാനാണിത്​.

എളുപ്പമാണെങ്കിലും സീലാൻറ്​ പഞ്ചർ റിപ്പയറിങ്​ ശരിയായി ചെയ്​തില്ലെങ്കിൽ ടയർ പാടേ കേടായി പോവും. കൂടാതെ സീലാൻറ്​ ചെയ്​ത ടയറുകൾ നന്നാക്കിയെടുക്കൽ പ്രയാസകരവുമാണ്​.

ടയർ പാച്ച്​ കിറ്റ്​

ടയർ പാച്ച്​ കിറ്റിൽ റീമർ, പ്രോബ്​, ടയർ വാൽവ്​, റിപ്പയർ സ്​ട്രിപ്പുകൾ, നോസ്​ പ്ലയർ, കട്ടർ, ഗ്ലൗസ്​, ചോക്ക്​ തുടങ്ങിയവയാണുണ്ടാവുക. കിറ്റി​െൻറ വിലക്ക്​ അനുസരിച്ച്​ ഇവയിൽ കുറവോ കൂടുതലോ കണ്ടേക്കാം. ഉദാഹരണത്തിന്​ വില കുറഞ്ഞ കിറ്റുകളിൽ ഗ്ലൗസ്​, ചോക്ക്​ തുടങ്ങി അത്യാവശ്യമില്ലാത്ത സാമഗ്രികൾ ഉണ്ടാകില്ല.

ഇനി ടയർ പാച്ച്​ കിറ്റ്​ ഉപയോഗിച്ച്​ എങ്ങനെ പഞ്ചറൊട്ടിക്കാം എന്ന്​ നോക്കാം. ആദ്യമായി ടയറിൽ തറഞ്ഞുകയറിയ ആണിയോ മുള്ളോ മറ്റോ ഉണ്ടെങ്കിൽ പ്ലയർ ഉപയോഗിച്ച്​ പറിച്ചുകളയണം. അതിന്​ മുമ്പായി ആ ഭാഗത്ത്​ ചോക്കോ പേനയോ ഉപയോഗിച്ച്​ മാർക്ക്​ ചെയ്​താൽ പിന്നീട്​ പഞ്ചറുള്ള ഭാഗം തിരഞ്ഞ്​ കുഴങ്ങേണ്ട. ഇത്തരത്തിൽ തറച്ചുകയറിയ വസ്​തു കാണാതിരിക്കുകയോ അവ തെറിച്ചുപോയിരിക്കുകയോ ആ​െണങ്കിൽ ആദ്യം പഞ്ചർ ഭാഗം കണ്ടെത്തേണ്ടതുണ്ട്​. ഇതിനായി സ്​പ്രേയർ ഉപയോഗിച്ചോ മറ്റോ ടയറിൽ വെള്ളം സ്​പ്രേ ചെയ്​ത്​ നോക്കാം. അപ്പോൾ കുമിളകൾ കാണുന്നുണ്ടോ എന്ന്​ ശ്രദ്ധിക്കുക. ഉണ്ടെങ്കിൽ അവിടെയായിരിക്കും പഞ്ചർ.

ആ ഭാഗം നേരത്തെ ചെയ്​തത്​ പോലെ മാർക്ക്​ ചെയ്യുക. ഇനി ചെയ്യേണ്ടത്​ പഞ്ചറുള്ള ഭാഗം പ്രോബ്​ ഉപയോഗിച്ച്​ അൽപം കൂടെ വിസ്​തൃതി കൂട്ടുകയും വൃത്തിയാക്കുകയും ചെയ്യുക എന്നതാണ്​. ഇതിന്​ ശേഷം റീമറിൽ റിപ്പയർ സ്​ട്രിപ്പ്​ പകുതി വരെ കയറ്റുക. തുടർന്ന്​ റീമർ ഉപയോഗിച്ച്​ സ്​ട്രിപ്പ്​ ടയറിനുള്ളിലേക്ക്​ തള്ളിക്കയറ്റുക.

ടയറിന്​ പുറത്ത്​ ബാക്കി കാണുന്ന സ്​ട്രിപ്പ്​ കട്ടർ ഉപയോഗിച്ച്​ മുറിച്ചെടുക്കുക. ഇനി നിർദേശിക്കപ്പെട്ട പ്രഷറിൽ ടയറിൽ കാറ്റ്​ നിറക്കുക. വായുവി​െൻറ പ്രഷറിൽ സ്​ട്രിപ്പ്​ ഉരുകിയുറക്കും. ഓർക്കുക, ഇതെല്ലാം താൽക്കാലിക പരിഹാരങ്ങളാണ്​. വാഹനം ടയർ കേടായി കുടുങ്ങിയ സ്​ഥലങ്ങളിൽനിന്ന്​ രക്ഷപ്പെടാനുള്ള ഉപായം. അതിനുശേഷം വിദഗ്​ധരായ തൊഴിലാളികളെ കാണിച്ച്​ ടയറി​െൻറ സുരക്ഷ ഉറപ്പ്​ വരുത്താൻ മറക്കരുത്​.