വാഹനങ്ങൾക്ക് വമ്പൻ കിഴിവുകൾ പ്രഖ്യാപിച്ച് ടാറ്റ; 65000 രൂപവരെ വില കുറയും
text_fieldsഉപഭോക്താക്കളെ ആകർഷിക്കുന്നതിന് ടാറ്റ മോട്ടോഴ്സ് മാർച്ച് മാസത്തെ കിഴിവുകൾ പ്രഖ്യാപിച്ചു. ആനുകൂല്യങ്ങളെപറ്റിയുള്ള വിവരങ്ങൾ ടാറ്റ ഔദ്യോഗിക വെബ്സൈറ്റിൽ വെളിപ്പെടുത്തിയിട്ടുണ്ട്. ടിയാഗോ, തിഗോർ, നെക്സൺ, ഹാരിയർ എന്നിവയുൾപ്പെടെ തിരഞ്ഞെടുത്ത കാറുകൾക്ക് 65,000 രൂപവരെ ആനുകൂല്യങ്ങൾ ലഭിക്കും. ഓഫറുകൾ 2021 മാർച്ച് 31 വരെ നിലവിലുണ്ടായിരിക്കും. ആൾട്രോസ്, സഫാരി എസ്യുവി എന്നിവ ഈ ഓഫറുകളുടെ ഭാഗമല്ല. ഉപഭോക്തൃ പദ്ധതി, എക്സ്ചേഞ്ച് ഓഫർ, കോർപ്പറേറ്റ് സ്കീം തുടങ്ങിയ ആനുകൂല്യങ്ങളാണ് ഇളവുകൾ ലഭിക്കുക.
ടിയാഗോ ഹാച്ച്ബാക്കിന് 25,000 രൂപവരെ ഇളവാണ് നൽകുന്നത്. ഇതിൽ ഉപഭോക്തൃ പദ്ധതിപ്രകാരം 15,000 രൂപയും, 10,000 രൂപ എക്സ്ചേഞ്ച് ഓഫറും ആണുള്ളത്. തിഗോർ സെഡാൻ 30,000 രൂപയുടെ ആനുകൂല്യങ്ങളോടെ വെബ്സൈറ്റിൽ ലിസ്റ്റുചെയ്തിട്ടുണ്ട്. അതിൽ ഉപഭോക്തൃ പദ്ധതി 15,000 രൂപയും എക്സ്ചേഞ്ച് ഓഫർ 15,000 രൂപയും ആണ്. നെക്സൺ സബ്കോംപാക്റ്റ് എസ്യുവിയിൽ വാഗ്ദാനം ചെയ്യുന്ന കിഴിവ് 15,000 രൂപയാണ്. എസ്യുവിയുടെ ഡീസൽ വേരിയൻറിനാണ് എക്സ്ചേഞ്ച് ഓഫർ ലഭിക്കുക. നെക്സോണിന്റെ പെട്രോൾ വേരിയന്റുകൾക്ക് ഓഫറുകളൊന്നുമില്ല.
ഹാരിയർ എസ്യുവിക്കാണ് ഏറ്റവുംകൂടുതൽ വിലക്കിഴിവ് ലഭിക്കുക. 65,000 രൂപയുടെ കിഴിവോടെ വാഹനം വാങ്ങാം. ഇതിൽ 25,000 രൂപ ഉപഭോക്തൃ പദ്ധതിയും 40,000 രൂപ എക്സ്ചേഞ്ച് ഓഫറും ആണ്. എസ്യുവിയുടെ കാമോ, ഡാർക്ക് എഡിഷൻ (എക്സെഡ് +, എക്സാ + വേരിയന്റുകൾ) എന്നിവയ്ക്ക് ആനുകൂല്യങ്ങൾ ബാധകമല്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.