'വരൂ നമ്മുക്ക്​ ഗ്രാമങ്ങളിൽപോയി രാപ്പാർക്കം'; രാജ്യത്തി​െൻറ ആത്മാവ്​ തൊട്ടറിയാനുറച്ച്​ ടാറ്റ

രാജ്യത്തെ ഗ്രാമീണ ഉപഭോക്താക്കള്‍ക്ക് വാണിജ്യ വാഹനങ്ങള്‍ ലഭ്യമാക്കുന്നതിന്​ പദ്ധതിയുമായി ടാറ്റ മോ​േട്ടാഴ്​സ്​. ഇന്ത്യയിലെ ഏറ്റവും വലിയ വാണിജ്യ വാഹന നിര്‍മ്മാതാക്കളായ ടാറ്റയും കോമണ്‍ സര്‍വീസ് സെൻറര്‍ (സിഎസ് സി) ഇ-ഗവേണന്‍സ് ഇന്ത്യ ലിമിറ്റഡും ഇതുസംബന്ധിച്ച ധാരണാപത്രം ഒപ്പുവെച്ചു. സിഎസ്‌സിയുടെ രാജ്യവ്യാപക ശൃംഖലയും ഡിജിറ്റല്‍ സേവനങ്ങളും ഗ്രാമീണ മേഖലയില്‍ ടാറ്റക്ക്​ കരുത്താകും. പുതിയ സഹകരണം ഗ്രാമീണ ഇന്ത്യയുടെ വികസനത്തിന് മുതല്‍ക്കൂട്ടാകുമെന്നാണ്​ ടാറ്റ പറയുന്നത്​.

രാജ്യത്തി​െൻറ വികസനത്തിനും ഗ്രാമീണ ജനതയ്ക്ക് ഉപജീവന മാര്‍ഗം ലഭ്യമാക്കുകയും ചെയ്യുകയെന്ന ടാറ്റ മോട്ടോഴ്‌സി​െൻറ അടിസ്ഥാന ആശയത്തി​െൻറ ഭാഗമായാണ് പുതിയ പങ്കാളിത്തമെന്ന്​ ടാറ്റ അധികൃതർ അറിയിച്ചു.'ഗ്രാമീണ മേഖലയിലെ ജനതയ്ക്കായി കമ്പനിയുടെ വാണിജ്യ വാഹനങ്ങള്‍ ലഭ്യമാക്കുന്നതിന്​ സിഎസ് സിയുമായി ചേര്‍ന്നു പ്രവര്‍ത്തിക്കുകയെന്നത് ചരിത്ര പ്രാധാന്യമുള്ളതാണ്​'- ടാറ്റ മോട്ടോഴ്‌സ് കമേഴ്‌സ്യൽ വെഹിക്കിള്‍ ബിസിനസ് യൂനിറ്റ് സെയില്‍സ് ആന്‍ഡ് മാര്‍ക്കറ്റിങ്​ വൈസ് പ്രസിഡൻറ്​ രാജേഷ് കൗള്‍ പറഞ്ഞു.

'ബിസിനസ് അവസരങ്ങള്‍ ഇന്ത്യയിലെ ഗ്രാമീണര്‍ക്കും ലഭ്യമാക്കുന്നതിന് സിഎസ്‌സി വില്ലേജ് ലെവല്‍ എൻറര്‍പ്രണ൪ ശൃംഖല നിർണായകമാകും. ഇത് ടാറ്റ മോട്ടോഴ്‌സി​െൻറ വിപുലമായ സെയില്‍സ് ആന്‍ഡ് സര്‍വീസ് ടച്ച് പോയിൻറുകളെ ശക്തിപ്പെടുത്തുകയും ഗ്രാമീണ സമ്പദ് വ്യവസ്ഥയുടെ മൊത്തത്തിലുള്ള വികസനത്തിന് സംഭാവന നല്‍കുകയും ചെയ്യും'-അദ്ദേഹം കൂട്ടിച്ചേർത്തു.

'ചെറുകിട വ്യവസായങ്ങള്‍, കര്‍ഷക൪, ബിസിനസുകാര്‍ എന്നിവര്‍ക്കിടയിൽ ലളിതമായ വാണിജ്യ വാഹനങ്ങള്‍ക്കുള്ള ആവശ്യകത ഇനിയും നിര്‍വഹിക്കപ്പെട്ടിട്ടില്ല. ഈ വിഭാഗങ്ങള്‍ക്കിടയിലേക്കെത്താ൯ ടാറ്റ മോട്ടോഴ്‌സുമായി ചേര്‍ന്നുള്ള ഈ സംരംഭം വഴി കഴിയും. സാധന സാമഗ്രികളുടെ ഗതാഗതത്തിന് വാണിജ്യ വാഹനങ്ങളുടെ ആവശ്യകത വര്‍ധിച്ചിട്ടുണ്ട്​. പുതിയ പങ്കാളിത്തം എല്ലാവർക്കും വാണിജ്യ വാഹനങ്ങള്‍ ലഭ്യമാക്കാന്‍ സഹായിക്കും'-സിഎസ്‌സി മാനേജിങ്​ ഡയറക്​ടര്‍ ഡോ. ദിനേഷ് ത്യാഗി പറഞ്ഞു.