ഇ-സ്കൂട്ടർ ഉപഭോക്താക്കൾ അറിയാൻ

യു.എ.ഇയിൽ ഇ-സ്കൂട്ടറുകൾ വ്യാപിക്കുകയാണ്. ഇന്ധന വില വർധനവ് ഇ-സ്കൂട്ടറുകളിലേക്ക് ജനങ്ങളെ കൂടുതൽ അടുപ്പിച്ചതായി റിപ്പോർട്ടുകൾ പറയുന്നു. ദുബൈയിൽ സൈക്കിൾ ട്രാക്കുകൾ ദിനം പ്രതി വർധിക്കുന്നതിനാൽ ഇ-സ്കൂട്ടർ കച്ചവടവും പൊടിപൊടിക്കുന്നുണ്ട്. കുറഞ്ഞ ചിലവിൽ സ്വന്തമാക്കാവുന്ന ഏറ്റവും വേഗതയേറിയ, ലൈസൻസ് വേണ്ടാത്ത വാഹനമായി ഇവ മാറിയിട്ടുണ്ട്.

ഇവയുടെ പ്രവർത്തനത്തിന് കൃത്യമായ മാർഗനിർദേശങ്ങൾ സർക്കാർ പുറപ്പെടുവിച്ചിട്ടുണ്ട്. പുതിയ ചട്ടക്കൂടുകൾ അണിയറയിൽ ഒരുങ്ങുന്നുമുണ്ട്. ഇ-സ്കൂട്ടർ ഉപയോക്താക്കൾക്ക് ലൈസൻസ് വേണം എന്നതാണ് ഏറ്റവും പുതിയ നിർദേശം. ഇതിന്‍റെ വിശദാംശങ്ങൾ പുറത്തുവരാനിരിക്കുന്നതേയുള്ളൂ.

ഇന്ധന വില ചെലവേറിയ ഈ കാലത്ത് ഇ-സ്കൂട്ടറിനെ കുറിച്ച് കൂടുതൽ അറിയാം.

ചെലവ്: 1000 ദിർഹം മുതൽ

5000 ദിർഹം വരെ

അറ്റകുറ്റപ്പണി: 20 ദിർഹം മുതൽ

100 ദിർഹം വരെ ഓരോ മാസവും

ഭാരം: അഞ്ച് മുതൽ

45 കിലോ വരെ

ദൂരം: ഒരു തവണ ചാർജ് ചെയ്താൽ

30 കിലോമീറ്റർ മുതൽ 100 കിലോമീറ്റർ വരെ

ബ്രേക്ക്: കാൽ ചവിട്ടാവുന്ന രീതിയിൽ

മുൻവശത്തും പിന്നിലും

ഹോൺ: സ്റ്റിയറിങിൽ

വേഗത നിയന്ത്രണം: 20 കിലോമീറ്ററിൽ താഴെ

പ്രധാന നിബന്ധനകൾ

• റിഫ്ലക്ടീവ് ജാക്കറ്റ് ധരിക്കണം
• ബ്രൈറ്റ് ലൈറ്റും ചുവന്ന റിഫ്ലക്ടറുകളും
• ഇ-സ്കൂട്ടറിന്‍റെ മുൻവശത്ത് സ്ഥാപിക്കണം
• നിശ്ചിത അകലം പാലിക്കണം
• അനുവദിനീയമായ ട്രാക്കുകളിൽ മാത്രം ഓടിക്കണം
• കാൽനട യാത്രികർക്ക് തടസമുണ്ടാക്കരുത്
• നിശ്ചിത സ്ഥലങ്ങളിൽ മാത്രമെ പാർക്ക് ചെയ്യാവൂ
• ഇ സ്കൂട്ടറിലും സൈക്കിളിലും പ്രത്യേകം
• സീറ്റില്ലെങ്കിൽ മറ്റൊരാളെ ഇരുത്തി യാത്ര ചെയ്യരുത്.
• ബാലൻസ് തെറ്റാൻ സാധ്യതയുള്ള ഒന്നും പാടില്ല.
• മണിക്കൂറിൽ 60 കിലോമീറ്ററിൽ കൂടുതൽ
• വേഗ പരിധിയുള്ള റോഡുകളിൽ ഇറക്കരുത്.
• ജോഗിങിനുള്ള ട്രാക്കിലും അനുവദിക്കില്ല.
• നിയമലംഘനങ്ങൾക്ക് പിഴ മുതൽ
• ഇ സ്കൂട്ടർ പിടിച്ചെടുക്കൽ വരെയുള്ള നടപടിയുണ്ടാകും.