‘വാഹന്‍’ തകരാർ; വാ​ഹ​ന ര​ജി​സ്​​ട്രേ​ഷ​നും പു​തു​ക്ക​ലുമടക്കം സ​ക​ല സേ​വ​ന​ങ്ങ​ളും നി​ശ്ച​ലം

തി​രു​വ​ന​ന്ത​പു​രം: ‘വാ​ഹ​ന്‍’ സോ​ഫ്റ്റ്‌​വെ​യ​റി​ലെ ത​ക​രാ​റി​നെ തു​ട​ർ​ന്ന്​ സേ​വ​ന​ങ്ങ​ൾ ര​ണ്ടാം ദി​വ​സ​വും മു​ട​ങ്ങി. ​തി​ങ്ക​ളാ​ഴ്ച രാ​ത്രി അ​ൽ​പ നേ​രം പോ​ർ​ട്ട​ൽ കി​ട്ടി​യെ​ങ്കി​ലും വീ​ണ്ടും ത​ക​രാ​റി​ലാ​യി. ഇ​തോ​ടെ, വാ​ഹ​ന ര​ജി​സ്​​ട്രേ​ഷ​നും പു​തു​ക്ക​ലും ഫി​റ്റ്​​ന​സും വി​ലാ​സം മാ​റ്റ​വും നി​കു​തി​യ​ട​ക്ക​ലു​മ​ട​ക്കം ആ​ർ.​സി​യു​മാ​യി ബ​ന്ധ​പ്പെ​ട്ട സ​ക​ല സേ​വ​ന​ങ്ങ​ളും നി​ശ്ച​ല​മാ​യി.

ക​ഴി​ഞ്ഞ ദി​വ​സം അ​പേ​ക്ഷ സ​മ​ർ​പ്പി​ക്കാ​ൻ​ സാ​ധി​ച്ചി​രു​​ന്നെ​ങ്കി​ലും അ​വ​സാ​ന നി​മി​ഷം പ​ണ​മ​ട​ക്കാ​ൻ ശ്ര​മി​ക്കു​മ്പോ​ൾ ന​ട​പ​ടി​ക​ൾ റ​ദ്ദാ​കു​ന്ന സ്ഥി​തി​യാ​യി​രു​ന്നു. തി​ങ്ക​ളാ​ഴ്ച​യും ചൊ​വ്വാ​ഴ്ച​യും പോ​ർ​ട്ട​ലി​ലേ​ക്ക്​ ക​യ​റാ​ൻ പോ​ലും ക​ഴി​ഞ്ഞില്ല.

പൊ​തു​ജ​ന​ങ്ങ​ള്‍ക്കു​ള്ള വി​ഭാ​ഗ​ത്തി​ന് പു​റ​മെ, മോ​ട്ടോ​ര്‍വാ​ഹ​ന​വ​കു​പ്പ് ഓ​ഫി​സു​ക​ളി​ലേ​ക്കു​ള്ള സോ​ഫ്റ്റ്‌​വെ​യ​റി​ന്റെ ഭാ​ഗ​വും പ​ണി​മു​ട​ക്കി. ഇ​തോ​ടെ, ഓ​ഫി​സു​ക​ളു​ടെ പ്ര​വ​ര്‍ത്ത​ന​വും ത​ട​സ്സ​പ്പെ​ട്ടു. സാ​ങ്കേ​തി​ക ത​ക​രാ​ര്‍ കാ​ര​ണം ഫീ​സ് അ​ട​ക്കാ​ന്‍ ക​ഴി​യാ​ത്ത പ​ല​ര്‍ക്കും പി​ഴ​കൂ​ടി വ​ന്നി​ട്ടു​ണ്ട്. അ​തേ സ​മ​യം ലൈ​സ​ൻ​സ്​ സം​ബ​ന്ധ​മാ​യ സേ​വ​ന​ങ്ങ​ൾ​ക്കു​ള്ള സാ​ര​ഥി സോ​ഫ്​​റ്റ്​​വെ​യ​റി​ൽ ത​ക​രാ​റി​ല്ല.