വിന്റേജ് ഫാമിലി ഓൺ വീൽസ്

പ​ഴ​യകാ​ല​ത്തെ കാ​റു​ക​ളെ വീ​ട്ടി​ലെ പ്രാ​യ​മാ​യ​വ​രെ പോലെ ക​രു​തു​ന്ന, ശു​ശ്രൂ​ഷി​ക്കു​ന്ന, സ്നേ​ഹി​ക്കു​ന്ന ദ​മ്പ​തി​ക​ൾ. ഇത് അവരുടെയും അവരുടെ കാറുകളുടെയും കഥയാണ്...

1939 ഷെ​വ​ർ​ലെ മാ​സ്റ്റ​ർ ഡീ​ല​ക്സ്, 1956 പ്ലി​മൗ​ത്ത് സ​ബ​ർ​ബ​ൻ, 1986 മോ​ഡ​ൽ കോ​ണ്ട​സ, 1951 സ്റ്റു​ഡി ബേ​ക്ക​ർ, 1930 ഫോ​ഡ് എ, 1928 ​ഫി​യ​റ്റ് സ്പെെ​ഡ​ർ റോ​ഡ്സ്റ്റ​ർ... വാ​ഹ​ന​പ്രേ​മി​ക​ൾ എ​ന്നും ഓ​ർ​ക്കു​ന്ന, ഒ​രു​കാ​ല​ത്ത് രാ​ജ​കീ​യ പ്രൗ​ഢി​യോ​ടെ നി​ര​ത്തു​ക​ൾ കീ​ഴ​ട​ക്കി​യി​രു​ന്ന കാ​റു​ക​ൾ. കാ​ല​പ്പ​ഴ​ക്കംകൊ​ണ്ടും പു​തു​കാ​റു​ക​ളു​ടെ വ​ര​വോ​ടെ​യും വി​സ്മൃ​തി​യി​ലേ​ക്ക് മ​റ​ഞ്ഞ ഇ​ത്ത​രം കാ​റു​ക​ൾ​ക്ക് പു​തു​ജ​ന്മം ന​ൽ​കു​ന്ന ര​ണ്ടു​പേ​രു​ണ്ട് പാ​ല​ക്കാ​ട്. ച​ന്ദ്ര​ന​ഗ​ർ സ്വ​ദേ​ശി രാ​ജേ​ഷ് അം​ബാ​ളും ഭാ​ര്യ ര​മ്യ​യും. പ​ഴ​യകാ​ല​ത്തെ കാ​റു​ക​ളെ വീ​ട്ടി​ലെ പ്രാ​യ​മാ​യ​വ​രെ പോ​ലെ ക​രു​തു​ന്ന, ശു​ശ്രൂ​ഷി​ക്കു​ന്ന, സ്നേ​ഹി​ക്കു​ന്ന ദ​മ്പ​തി​ക​ൾ. വി​ന്‍റേ​ജ് കാ​റു​ക​ൾ ശേ​ഖ​രിക്കുന്നതി​നൊ​പ്പം റെസ്റ്ററേ​ഷ​നും ഇ​വ​ർ ചെ​യ്യു​ന്നു​ണ്ട്.

ച​രി​ത്ര​ത്തി​ന്‍റെ ഭാ​ഗ​മാ​യ, ജ​വ​ഹ​ർ​ലാ​ൽ നെ​ഹ്റു സ​ഞ്ച​രി​ച്ച കാ​ർ മു​ത​ൽ രാ​ജ​കു​ടും​ബ​ങ്ങ​ളി​ലു​ണ്ടാ​യി​രു​ന്ന കാ​റു​ക​ൾ​വ​രെ രാ​ജേ​ഷും ര​മ്യ​യും ശേ​ഖ​രി​ച്ച് റെസ്റ്ററേ​ഷ​ൻ ചെ​യ്യു​ന്നു​ണ്ട്. കു​ട്ടി​ക്കാ​ലം മു​ത​ൽ കാ​റു​ക​ളോ​ടു​ള്ള ഹൃ​ദ​യ​ബ​ന്ധം 55ാം വ​യ​സ്സിലും അ​തേ തീ​വ്ര​ത​യോ​ടെ സൂ​ക്ഷി​ക്കു​ന്ന രാ​ജേ​ഷി​ന് പ​ഴ​യ​കാ​ല കാ​റു​ക​ളോ​ട് വ​ല്ലാ​ത്ത അ​ഭി​നി​വേ​ശ​മാ​ണ്. ‘ആ​ർ.​ആ​ർ വി​ന്‍റേ​ജ് ആ​ൻ​ഡ് ക്ലാ​സി​ക് ഓ​ട്ടോ​മൊ​ബീ​ൽ​സ്’ എ​ന്ന പേ​രി​ൽ ന​ട​ത്തു​ന്ന വ​ർ​ക് ഷോ​പ്പി​ലാ​ണ് പ​ഴ​യ മോ​ഡ​ൽ കാ​റു​ക​ളെ അ​തേ രൂ​പ​ഭാ​വ​ത്തോ​ടെ പു​തു​പു​ത്ത​നാ​ക്കി മാ​റ്റു​ന്ന​ത്.

കോ​ണ്ട​സ ഹൃ​ദ​യ​ബ​ന്ധം

വീ​ട്ടി​ലു​ണ്ടാ​യി​രു​ന്ന 1986 മോ​ഡ​ൽ കോ​ണ്ട​സ കാ​റി​നോ​ട് വ​ല്ലാ​ത്ത ഹൃ​ദ​യ​ബ​ന്ധ​മാ​യി​രു​ന്നു രാ​ജേ​ഷി​ന്. കാ​റു​ക​ളോ​ട് പ്രി​യ​മു​ണ്ടാ​യി​രു​ന്ന അ​ച്ഛ​ൻ പി.​എ​സ്. കൃ​ഷ്ണ​ൻ 1988‍ലാ​ണ് കോ​ണ്ട​സ കാ​ർ വാ​ങ്ങി​യ​ത്. കെ.​എ​ൽ 09 0001 ആ​യി​രു​ന്നു ര​ജി​സ്ട്രേ​ഷ​ൻ ന​മ്പ​ർ. കു​ടും​ബാം​ഗ​ത്തെപ്പോ​ലെ എ​ല്ലാ കാ​ര്യ​ങ്ങ​ളി​ലും കൂ​ടെ​യു​ണ്ടാ​യി​രു​ന്നു ആ ​കോ​ണ്ട​സ കാ​ർ. എ​ന്നാ​ൽ, 1999ൽ ​കാ​ർ വി​ൽ​ക്കാ​ൻ അ​ച്ഛ​ൻ തീ​രു​മാ​നി​ച്ചു. ക​ച്ച​വ​ട​വും ഉ​റ​പ്പി​ച്ചു. കൊ​ണ്ടു​പോ​കാ​ൻ വ​ന്ന​വ​ർ എ​ത്ര ശ്ര​മി​ച്ചി​ട്ടും കാ​ർ സ്റ്റാ​ർ​ട്ടാ​യി​ല്ല. അ​വ​സാ​നം രാ​ജേ​ഷ് ശ്ര​മി​ച്ച​തും വ​ണ്ടി സ്റ്റാ​ർ​ട്ടാ​യി.

വ​ർ​ഷ​ങ്ങ​ൾ​ക്കു​ശേ​ഷം 2005ൽ ​ആ​ണ് പി​ന്നീ​ട് വീ​ണ്ടും ഈ ​കാ​ർ കാ​ണു​ന്ന​ത്. വീ​ടി​നു മു​ന്നി​ൽ നി​ൽ​ക്കു​മ്പോ​ൾ കു​റ​ച്ചു​പേ​ർ പ​ഴ​യ മോ​ഡ​ൽ കാ​റു​മാ​യി അ​തു​വ​ഴി വ​ന്ന​പ്പോ​ൾ ഓ​ഫാ​യി പോ​വു​ക​യാ​യി​രു​ന്നു. കാ​ർ ത​ള്ളാ​ൻ അ​വ​ർ സ​ഹാ​യം ചോ​ദി​ച്ചു. പൊ​ള്ളാ​ച്ചി മാ​ർ​ക്ക​റ്റി​ൽ കാ​ർ പൊ​ളി​ച്ചു​വി​ൽ​ക്കു​ന്ന​തി​നാ​യി പോ​കു​ക​യാ​യി​രു​ന്നു. വ​ണ്ടി സ്റ്റാ​ർ​ട്ട് ചെ​യ്ത് പോ​കു​മ്പോ​ഴാ​ണ് ന​മ്പ​ർ പ്ലേ​റ്റ് ശ്ര​ദ്ധി​ച്ച​ത്.

മ​ന​സ്സിന് വ​ല്ലാ​ത്ത വി​ഷ​മം തോ​ന്നി​യ രാ​ജേ​ഷ് അ​തി​രാ​വി​ലെത​ന്നെ കു​റ​ച്ചു തു​ക​യു​മാ​യി പൊ​ള്ളാ​ച്ചി​യി​ലേ​ക്ക് വി​ട്ടു. അ​വി​ടെ എ​ത്തു​മ്പോ​ഴേ​ക്കും കാ​ർ പൊ​ളി​ച്ചുമാ​റ്റി​യി​രു​ന്നു. ചോ​ദി​ച്ച വി​ല കൊ​ടു​ത്ത് കാ​ർ സ്വ​ന്ത​മാ​ക്കി അ​തേപോ​ലു​ള്ള മ​റ്റൊ​രു കോ​ണ്ട​സ കാ​ർ വാ​ങ്ങി​യാ​ണ് പ​ഴ​യ​തി​ന് പു​ന​ർ​ജ​ന്മം ന​ൽ​കി​യ​ത്. ഇ​ന്നും കു​ടും​ബ​ത്തോ​ടൊ​പ്പ​ം കാ​റു​മാ​യി വി​ശ്വ​സി​ച്ച് എ​വി​ടെ വേ​ണ​മെ​ങ്കി​ലും പോ​കാ​മെ​ന്ന് ര​മ്യ പ​റ​യു​ന്നു. കു​ടും​ബ​ത്തി​ന്‍റെ ആ​ഘോ​ഷ നി​മി​ഷ​ങ്ങ​ൾ​ക്കെ​ല്ലാം കോ​ണ്ട​സ കാ​റാ​ണ് ഉ​പ​യോ​ഗി​ക്കു​ന്ന​ത്. ബ​റോ​ഡ​യി​ലെ സ്റ്റാ​ച്യൂ ഓ​ഫ് യൂ​നി​റ്റി വ​രെ ഈ ​കാ​റി​ൽ യാ​ത്രപോ​യി​ട്ടു​ണ്ട്.

​െറസ്റ്ററേ​ഷ​ന്റെ തു​ട​ക്കം

സു​ൽ​ത്താ​ൻ​പേ​ട്ട​യി​ൽ പ്രി​ന്‍റി​ങ് സ്ഥാ​പ​നം ന​ട​ത്തു​ക​യാ​ണ് രാ​ജേ​ഷ്. കാ​റു​ക​ളോ​ടു​ള്ള പാ​ഷ​നാ​ണ് അ​വ ശേ​ഖ​ര​ിക്കുന്നതിനും റെ​സ്റ്ററേ​ഷ​നും വ​ഴി​വെ​ച്ച​ത്. 1995ൽ 1951 ​മോ​ഡ​ൽ മോ​റി​സ് കാ​ർ വാ​ങ്ങി​യാ​ണ് വി​ന്‍റേ​ജ് കാ​റു​ക​ളു​ടെ ശേ​ഖ​ര​ണ​ത്തി​ന് തു​ട​ക്കം. പൊ​ള്ളാ​ച്ചി​യി​ൽ​നി​ന്നു കൊ​ണ്ടു​വ​ന്ന കോ​ണ്ട​സ കാ​ർ മു​ഴു​വ​നാ​യും റീ​സ്റ്റോ​ർ ചെ​യ്തെ​ടു​ത്ത​ത് രാ​ജേ​ഷ് ത​നി​ച്ചാ​ണ്. വീ​ട്ടി​ൽ വെ​ച്ചുത​ന്നെ​യാ​ണ് എ​ല്ലാ പ​ണി​യും പൂ​ർ​ത്തി​യാ​ക്കി​യ​ത്. ലോ​ക്ഡൗ​ൺ സ​മ​യ​ത്താ​ണ് പു​റ​ത്തു​നി​ന്നു​ള്ള വാ​ഹ​ന​ങ്ങ​ൾ റീ​സ്റ്റോ​ർ ചെ​യ്തുതു​ട​ങ്ങി​യ​ത്. അ​ങ്ങ​നെ​യാ​ണ് റെസ്റ്റ​റേ​ഷ​ൻ എ​ന്ന ആ​ശ​യം വ​രുക​യും ആ​ർ.​ആ​ർ വി​ന്‍റേ​ജ് ആ​ൻ​ഡ് ക്ലാ​സി​ക് ഓ​ട്ടോ​മൊ​ബീ​ൽ​സ് ആ​രം​ഭി​ക്കു​ക​യും ചെ​യ്യു​ന്ന​ത്. ദേ​ശീ​യ​പാ​ത എ​ൻ.​എ​ച്ച് 544ൽ ​അ​യ്യ​പ്പ​ൻ​കാ​വി​ലാ​ണ് വ​ർക് ഷോ​പ് പ്ര​വ​ർ​ത്തി​ക്കു​ന്ന​ത്. 15ഓ​ളം ജോ​ലി​ക്കാ​രു​ണ്ട്.

ര​മ്യ​യാ​ണ് സ്റ്റാ​ർ

സ്ഥാ​പ​ന​ത്തി​ന്‍റെ മേ​ൽ​നോ​ട്ട ചു​മ​ത​ല മു​ഴു​വ​നും ര​മ്യ​ക്കാ​ണ്. രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് പ​ഴ​യ​ മോ​ഡ​ൽ കാ​റു​ക​ൾ പു​ന​ർ​ജ​ന്മം തേ​ടി രാ​ജേ​ഷി​ന്‍റെ​യും ര​മ്യ​യു​ടെ​യും കൈകളി​ലെ​ത്തു​ന്നു​ണ്ട്. കേ​ര​ള​ത്തി​ൽ​നി​ന്ന് വാ​ഹ​ന​ങ്ങ​ൾ കു​റ​വാ​ണ്. വി​ദേ​ശ​ത്തു​നി​ന്ന് വാ​ഹ​ന​ങ്ങ​ൾ എ​ത്തി​ക്കു​ന്ന​തു​മാ​യി ബ​ന്ധ​പ്പെ​ട്ട ച​ർ​ച്ച​ക​ൾ ന​ട​ക്കു​ന്നു​ണ്ടെ​ന്ന് രാ​ജേ​ഷ് പ​റ​യു​ന്നു. ശോ​ച്യാ​വ​സ്ഥ​യി​ലെ​ത്തു​ന്ന കാ​റു​ക​ൾ ആ​റ്-​എ​ട്ട് മാ​സംകൊ​ണ്ടാ​ണ് പ​ഴ​യ പ്ര​താ​പ​ത്തി​ലെ​ത്തി​ക്കു​ന്ന​ത്.

പാ​ർ​ട്സ് പ​ഴ​യ മാ​ർ​ക്ക​റ്റു​ക​ളി​ൽ​നി​ന്നും ഓ​ൺലൈനായും മ​റ്റു​മാ​ണ് വാ​ങ്ങു​ന്ന​ത്. പ​ണ്ട് കാ​ർ എ​ങ്ങ​നെ ആ​യി​രു​ന്നോ അ​തേരൂ​പ​ത്തി​ൽത​ന്നെ​യാ​ണ് റെസ്റ്റ​റേ​ഷ​ൻ ചെ​യ്യു​ക. ക​സ്റ്റ​മ​ർ ആ​വ​ശ്യ​പ്പെ​ട്ടാ​ൽ മാ​ത്ര​മേ എ.​സി ഉ​ൾ​പ്പെ​ടെ​യു​ള്ള​വ സ്ഥാ​പി​ക്കൂ. രാ​ജ​കു​ടും​ബ​ങ്ങ​ളി​ൽ ഉ​ണ്ടാ​യി​രു​ന്ന​തുമു​ത​ൽ നിരവധി പ്ര​മു​ഖ​രു​ടെ കാ​റു​ക​ൾ​ക്ക് പു​ന​ർ​ജ​ന്മം ന​ൽ​കി​യി​ട്ടു​ണ്ട് ഈ ​ദ​മ്പ​തി​ക​ൾ. റെസ്റ്റ​റേ​ഷ​ന്‍റെ ഓ​രോ ഘ​ട്ട​വും ചി​ത്ര​മെ​ടു​ത്ത് ക​സ്റ്റ​മ​ർ​ക്ക് അ​യ​ച്ചു​കൊ​ടു​ക്കും. അ​വ​രു​ടെ ഇ​ഷ്ട​ത്തി​ന് അ​നു​സ​രി​ച്ചേ പെ​യി​ന്‍റി​ങ് ഉ​ൾ​പ്പെ​ടെ ചെ​യ്യൂ. ക​സ്റ്റ​മ​റുടെ വ​ണ്ടി​യാ​യ​ല്ല സ്വ​ന്തം വാ​ഹ​ന​മാ​യി ക​രു​തി​യാ​ണ് റെസ്റ്റ​റേ​ഷ​ൻ ചെ​യ്യു​ക​യെ​ന്ന് ര​മ്യ പ​റ​യു​ന്നു.

നെ​ഹ്റു സ​ഞ്ച​രി​ച്ച മാ​സ്റ്റ​ർ ഡീ​ല​ക്സ്

രാ​ജേ​ഷി​ന്‍റെ​യും ര​മ്യ​യു​ടെ​യും ശേ​ഖ​ര​ത്തി​ലു​ള്ള കാ​റു​ക​ളി​ൽ ഏ​റ്റ​വും കൗ​തു​കം രാ​ജ്യ​ത്തി​ന്‍റെ പ്ര​ഥ​മ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു സ​ഞ്ച​രി​ച്ച 1939 ഷെ​വ​ർ​ലെ മാ​സ്റ്റ​ർ ഡീ​ല​ക്സ് ആ​ണ്. കേ​ര​ളം രൂ​പ​വ​ത്കൃ​ത​മാ​കു​ന്ന​തി​നുമു​മ്പ് പാ​ല​ക്കാ​ട് ജി​ല്ല മ​ദ്രാ​സ് സം​സ്ഥാ​ന​ത്തി​ന്‍റെ ഭാ​ഗ​മാ​യി​രു​ന്നു. അ​ന്ന് നി​ർ​മാ​ണം ന​ട​ക്കു​ക​യാ​യി​രു​ന്ന മ​ല​മ്പു​ഴ, ആ​ളി​യാ​ർ ഡാ​മു​ക​ൾ സ​ന്ദ​ർ​ശി​ക്കാ​ൻ മു​ഖ്യ​മ​ന്ത്രി കാ​മ​രാ​ജി​നൊ​പ്പം മാ​സ്റ്റ​ർ ഡീ​ല​ക്സിലാ​ണ് നെ​ഹ്റു എ​ത്തി​യ​ത്.

ദ​ക്ഷി​ണേ​ന്ത്യ​യി​ലെ ആ​ദ്യ ടാ​ക്സി കാ​ർ ആ​യി​രു​ന്നു ഇ​ത്. പൊ​ള്ളാ​ച്ചി​യി​ലെ എ​ൻ.​ടി.​പി ട്രാ​ൻ​സ്പോ​ർ​ട്ടേ​ഴ്സി​ന്റേ​താ​യി​രു​ന്നു വാഹനം. ശോ​ച്യാ​വ​സ്ഥ​യി​ലാ​യി​രു​ന്ന കാ​ർ അ​വ​രി​ൽ​നി​ന്നും നേ​രി​ട്ട് വാ​ങ്ങി. ശേ​ഷം റെസ്റ്റ​റേ​ഷ​ൻ ന​ട​ത്തി ഷോ​റൂം ക​ണ്ടീ​ഷ​നി​ലാ​ക്കി ചി​ത്രം കാ​ണി​ച്ചു​കൊ​ടു​ത്ത​പ്പോ​ൾ അ​വ​ർ അ​ന്ധാ​ളി​ച്ചു​പോ​യെ​ന്നും ര​മ്യ പ​റ​ഞ്ഞു. ഇ​പ്പോ​ഴും ഇ​ട​ക്കിടെ വ​ർ​ക് ഷോപ്പി​ൽ എ​ത്തി​ച്ച് മു​ഖംമി​നു​ക്കി തി​രി​ച്ച് വീ​ട്ടി​ൽ കൊ​ണ്ടി​ടും. മ​ണ്ണി​ൽ​നി​ന്നും തോ​ണ്ടി​യെ​ടു​ത്ത് വ​രെ കാ​റു​ക​ൾ കൊ​ണ്ടു​വ​ന്നി​ട്ടു​ണ്ടെ​ന്ന് ഇ​രു​വ​രും പ​റ​യു​ന്നു. കാ​ർ എ​ന്നുപോ​ലും പ​റ​യാ​ൻ പ​റ്റാ​ത്ത അ​വ​സ്ഥ​യി​ലു​ണ്ടാ​യി​രു​ന്ന 1951 മോ​ഡ​ൽ സ്റ്റു​ഡി ബേ​ക്ക​ർ ഇ​ന്ന് പു​തു​പു​ത്ത​ൻ വ​ണ്ടി​ക​ളെപ്പോ​ലും തോ​ൽ​പി​ക്കു​ന്ന വി​ധ​ത്തി​ലാ​ണ് സു​ന്ദ​ര​നാ​യി​ട്ടു​ള്ള​ത്.

രാ​ജ​കു​ടും​ബ​ത്തി​ലെ അം​ഗ​ങ്ങ​ൾ

രാ​ജ​കു​ടും​ബ​ത്തി​ലെ ര​ണ്ട് അം​ഗ​ങ്ങ​ളു​ണ്ട് രാ​ജേ​ഷി​ന്‍റെ വീ​ട്ടി​ൽ. 1930 ഫോ​ഡ് എ, 1928 ​ഫി​യ​റ്റ് സ്പെെ​ഡ​ർ റോ​ഡ്സ്റ്റ​ർ എ​ന്നി​വ. ര​ണ്ട് വാ​ഹ​ന​ങ്ങ​ളും ഉ​ത്ത​ർ​പ്ര​ദേ​ശി​ലെ രാ​ജ​കു​ടും​ബ​ത്തി​ൽ​നി​ന്നു​ള്ള മോ​ഡ​ലു​ക​ളാ​ണ്. സ്വ​ത്ത് ത​ർ​ക്ക​ത്തെ തു​ട​ർ​ന്നാ​ണ് ര​ണ്ട് മോ​ഡ​ലു​ക​ളും രാ​ജേ​ഷി​ന്‍റെ കൈവ​ശം എ​ത്തു​ന്ന​ത്. കേ​സ് ന​ട​ത്താ​ൻ കാ​ശി​ല്ലാ​താ​യ​പ്പോ​ൾ 1930 ഫോ​ഡ് എ ​വി​ത്ത് റം​ബി​ൾ സീ​റ്റ് വാ​ങ്ങാ​മോ എ​ന്ന് ഒ​രു കൂ​ട്ട​ർ ചോ​ദി​ച്ചു. കു​റ​ച്ചു​ദി​വ​സം ക​ഴി​ഞ്ഞ് 1928 മോ​ഡ​ൽ ഫി​യ​റ്റ് സ്പെെ​ഡ​ർ റോ​ഡ്സ്റ്റ​റും വാ​ങ്ങാ​നു​ള്ള ഓ​ഫ​ർ ല​ഭി​ച്ച​തോ​ടെ അ​പൂ​ർ​വ മോ​ഡ​ലു​ക​ൾ ര​ണ്ടും രാ​ജേ​ഷി​ന് സ്വ​ന്ത​മാ​യി.

ഇ​തി​ൽ 1928 മോ​ഡ​ൽ ഫി​യ​റ്റ് ലോ​ക​ത്ത് ത​ന്നെ ര​ണ്ടെ​ണ്ണ​മേ ഉ​ള്ളൂ​വെ​ന്നാണ് വിവരം. ഫി​യ​റ്റ് ക​മ്പ​നി​യു​മാ​യി ബ​ന്ധ​പ്പെ​ട്ട​പ്പോ​ൾ ഈ ​വാ​ഹ​ന​ത്തി​ന്‍റെ വി​വ​ര​ങ്ങ​ൾ ല​ഭ്യ​മ​ല്ലെ​ന്ന് അ​റി​ഞ്ഞു. ഇ​റ്റ​ലി​യി​ൽ ഒ​രെ​ണ്ണമു​ണ്ട്. ഇ​ത് ര​ണ്ടാ​മ​ത്തേ​താ​ണെ​ന്ന് രാ​ജേ​ഷും ര​മ്യ​യും പ​റ​യു​ന്നു. മൂ​ന്നുവ​ർ​ഷം ക​ഴി​ഞ്ഞാ​ൽ ഈ ​കാ​റി​ന് 100 വ​യ​സ്സ് തി​ക​യും. ഒ​രു​ദി​വ​സം ഈ ​കാ​റി​ൽ ന​ഗ​ര​ത്തി​ലൂ​ടെ സ​ഞ്ച​രിച്ച​പ്പോ​ൾ ആ​രോ ഷൂ​ട്ട് ചെ​യ്ത് സാ​മൂ​ഹ​മാ​ധ്യ​മ​ങ്ങ​ളി​ൽ ഷെ​യ​ർ ചെ​യ്ത​തോ​ടെ വാ​ഹ​നം വൈറൽ ആ​യി​രു​ന്നു.

പ​ഴ​യ കാ​റു​ക​ൾ​ക്കു വേ​ണം ക​രു​ത​ൽ

ഒ​രു കാ​ർ റെസ്റ്റ​റേ​ഷ​നാ​യി വ​ർ​ക് ഷോ​പ്പി​ൽ വ​ന്നു​ക​ഴി​ഞ്ഞാ​ൽ മെ​ക്കാ​നി​ക്ക​ൽ, പെ​യി​ന്‍റി​ങ് എ​ന്നി​ങ്ങ​നെ ഓ​രോ വി​ഭാ​ഗ​വും ഒ​ന്നി​ച്ചി​രു​ന്നാ​ണ് എ​ന്തൊ​ക്കെ ചെ​യ്യ​ണ​മെ​ന്ന് തീ​രു​മാ​നി​ക്കു​ക. വ​ള​രെ സൂ​ക്ഷി​ച്ചാ​ണ് റെസ്റ്റ​റേ​ഷ​ൻ പ്ര​വൃ​ത്തി​ക​ൾ ചെ​യ്യേ​ണ്ട​ത്. പ​ഴ​യ​കാ​ല​ത്തെ റോ​ഡു​ക​ൾ​ക്ക് അ​നു​സ​രി​ച്ച് ത​യാ​റാ​ക്കി​യ വാ​ഹ​ന​ങ്ങ​ളാ​യ​തി​നാ​ൽ ഇ​പ്പോ​ൾ ഓ​ടി​ക്കു​മ്പോ​ൾ ന​ല്ല സ്മൂ​ത്ത് ആ​യി​രി​ക്കും. ഇ​പ്പോ​ഴ​ത്തെ കാ​റു​ക​ളെ​ക്കാ​ൾ നീ​ള​ക്കൂ​ടു​ത​ലു​ണ്ട് പ​ണ്ട​ത്തെ കാ​റു​ക​ൾ​ക്ക്.

സീ​റ്റി​ങ്ങി​ൽ ഉ​ൾ​പ്പെ​ടെ വ്യ​ത്യാ​സ​മു​ണ്ട്. പ​ണ്ട് ഹോ​ട്ട​ൽ സൗ​ക​ര്യ​ങ്ങ​ൾ കു​റ​വാ​യ​തി​നാ​ൽ കു​ടും​ബ​ത്തോ​ടൊ​പ്പം യാ​ത്ര​ പോ​കു​മ്പോ​ൾ വി​ശ്ര​മി​ക്കാ​നും കി​ട​ക്കാ​നും ഭ​ക്ഷ​ണം സൂ​ക്ഷി​ക്കാ​നു​മെ​ല്ലാം സൗ​ക​ര്യം പ​ഴ​യ മോ​ഡ​ൽ കാ​റു​ക​ളി​ലു​ണ്ട്. പ​ക്ഷേ, സൂ​ക്ഷി​ച്ച് വേ​ണം ഇ​വ റോ​ഡി​ലി​റ​ക്കാ​ൻ. പ​തി​യെ മാ​ത്ര​മേ ഓ​ടി​ക്കാ​വൂ. ഇ​ട​ക്കി​ടെ നി​ർ​ത്തി റേ​ഡി​യേ​റ്റ​ർ ചൂ​ടാ​യാ​ൽ വെ​ള്ളം ഒ​ഴി​ച്ച്, അ​ൽ​പം വി​ശ്ര​മം ന​ൽ​കി വേ​ണം ഓ​ടി​ക്കാ​നെ​ന്ന് ര​മ്യ പ​റ​യു​ന്നു. സൈ​ക്കോ​ള​ജി ബി​രു​ദ​ധാ​രി​യായ ര​മ്യ​ക്ക് ഭ​ർ​ത്താ​വി​ന്‍റെ വാ​ഹ​ന ക​മ്പം ആ​ദ്യം കൗ​തു​ക​മാ​യി​രു​ന്നെ​ങ്കി​ലും പി​ന്നീ​ട് ഇ​ഷ്ടം തോ​ന്നി കൂ​ടെച്ചേ​രു​ക​യാ​യി​രു​ന്നു.

സി​നി​മാ ഷൂ​ട്ടും അ​ന്താ​രാ​ഷ്ട്ര മേ​ള​ക​ളും

രാ​ജേ​ഷി​ന്‍റെ ശേ​ഖ​ര​ത്തി​ലു​ള്ള വി​ന്‍റേ​ജ് കാ​റു​ക​ൾ സി​നി​മാ ഷൂ​ട്ടി​നും അ​ന്താ​രാ​ഷ്ട്ര മേ​ള​ക​ളി​ലും മോ​ട്ടോ​ർ വാ​ഹ​ന വ​കു​പ്പി​ന്‍റെ റോ​ഡ് ബോ​ധ​വ​ത്കര​ണ പ​രി​പാ​ടി​ക​ളി​ലും സാ​ന്നി​ധ്യം അ​റി​യി​ച്ചി​ട്ടു​ണ്ട്. ഷാ​റൂ​ഖ് ഖാ​ന്‍റെ മ​ക​ൾ സു​ഹാ​ന ഖാ​ൻ അ​ഭി​ന​യി​ച്ച ‘ദി ​ആ​ർ​ച്ചി​സ്’ എ​ന്ന സി​നി​മ​യി​ൽ 1956 പ്ലി​മൗ​ത്ത് സ​ബ​ർ​ബ​ൻ ഉ​പ​യോ​ഗി​ച്ചി​ട്ടു​ണ്ട്. എ​ഴു​ത്തു​കാ​രി ക​മ​ല സുറ​യ്യ​യു​ടെ ജീ​വി​തം പ​റ​ഞ്ഞ മ​ഞ്ജുവാ​ര്യ​രു​ടെ ‘ആ​മി’ എ​ന്ന സി​നി​മ​യി​ലും രാ​ജേ​ഷി​ന്‍റെ കാ​ർ സ്ക്രീ​നി​ലെ​ത്തി.

ഷൂ​ട്ടി​ങ്ങു​ക​ൾ​ക്ക് കൊ​ണ്ടു​പോ​കു​ന്ന​ത് ഫ്ലാ​റ്റ് ബെ​ഡി​ലാ​ണ് (​മ​റ്റൊ​രു വാ​ഹ​നം). ഷൂ​ട്ടി​ങ്ങു​ക​ൾ​ക്ക് പു​റ​മേ അ​ന്താ​രാ​ഷ്ട്ര മേ​ള​ക​ളി​ലും വി​ന്‍റേ​ജ് കാ​റു​ക​ൾ പ​ങ്കെ​ടു​ത്തി​ട്ടു​ണ്ട്. കൂ​ടാ​തെ ട്രാ​ഫി​ക് ബോ​ധ​വ​ത്കര​ണ​ത്തി​നാ​യി മോ​ട്ടോ​ർ വാ​ഹ​ന വ​കു​പ്പി​നും ഇ​ട​ക്ക് വാ​ഹ​ന​ങ്ങ​ൾ ന​ൽ​കാ​റു​ണ്ടെ​ന്ന് ഇ​രു​വ​രും പ​റയു​ന്നു. പ​ഴ​യ മോ​ഡ​ൽ കാ​റു​ക​ൾ ആ​ക​ർ​ഷ​ക​മാ​യ​തി​നാ​ൽ ആ​ളു​ക​ൾ പെ​ട്ടെ​ന്ന് ശ്ര​ദ്ധി​ക്കും. ഇ​രു​ച​ക്ര വാ​ഹ​ന​ങ്ങ​ളും ഇ​ഷ്ട​മാ​ണെ​ങ്കി​ലും കാ​റു​ക​ളോ​ടു​ള്ള​ത്ര താ​ൽ​പ​ര്യമി​ല്ല. പ​ണ്ട് യു​ദ്ധ​ത്തി​ൽ ഉ​പ​യോ​ഗി​ച്ചി​രു​ന്ന വി​ന്‍റേ​ജ് ജീ​പ്പും ഇ​വ​രു​ടെ കൈ​വ​ശ​മു​ണ്ടാ​യി​രു​ന്നു. 1933 ബ്ലാ​ക് ഷെ​ൽ വെ​സ്റ്റ് മി​നി​സ്റ്റ​ർ ആ​ഡം​ബ​ര കാ​റും റെസ്റ്റ​റേ​ഷൻ ചെ​യ്യു​ന്നു​ണ്ട്. യു.​കെ മോ​ഡ​ൽ വാ​ഹ​ന​മാ​ണി​ത്.

കാ​റു​ക​ളും സം​സാ​രി​ക്കും

കാ​റു​ക​ളോ​ട് വൈകാ​രി​ക ബ​ന്ധ​മു​ള്ള​യാ​ളാ​ണ് രാ​ജേ​ഷ്. വീ​ട്ടി​ലെ ഒ​രം​ഗ​ത്തെ പോ​ലെ​യാ​ണ് അ​വ​യോ​ട് പെ​രു​മാ​റു​ക. എ​ന്നും അ​വ​യെ തൊ​ട്ടും ത​ലോ​ടി​യും സം​സാ​രി​ച്ചും അ​ത്ര​മേ​ൽ ഇ​ഷ്ട​ത്തോ​ടെ​യാ​ണ് കൊ​ണ്ടു​ന​ട​ക്കു​ന്ന​ത്. സം​സാ​രി​ക്കു​ന്ന​ത് അ​വ​ക്ക് മ​ന​സ്സി​ലാ​കു​മെ​ന്നാ​ണ് രാ​ജേ​ഷി​ന്‍റെ ഭാ​ഷ്യം. വീ​ട്ടി​ൽ നി​ല​വി​ൽ 12 വി​ന്‍റേ​ജ് കാ​റു​ക​ളു​ണ്ട്. ആ​ഴ്ച​യി​ലൊ​രി​ക്ക​ൽ ഓ​രോ​ന്നുവീ​തം എ​ടു​ത്ത് ന​ഗ​ര​ത്തി​ൽ ക​റ​ങ്ങാ​ൻ പോ​കും. നേ​ര​ത്തേ 20ൽ ​അ​ധി​കം കാ​റു​ക​ളു​ണ്ടാ​യി​രു​ന്നു.

സൂ​ക്ഷി​ക്കാ​ൻ ഇ​ട​മി​ല്ലാ​താ​യ​പ്പോ​ൾ ചി​ല​തെ​ല്ലാം വി​റ്റു. ഒ​രു​പാ​ട് പ​ഴ​ക്ക​മു​ള്ള മോ​ഡ​ൽ കി​ട്ടു​മ്പോ​ൾ അ​തി​നെ​ക്കാ​ൾ പ​ഴ​ക്കം കു​റ​ഞ്ഞ​ത് ഒ​ഴി​വാ​ക്കു​ക​യാ​ണ് ചെ​യ്യു​ന്ന​ത്. വീ​ട്ടി​ൽ സൂ​ക്ഷി​ച്ചി​ട്ടു​ള്ള കാ​റു​ക​ൾ​ക്കെ​ല്ലാം ഫാ​ൻ സൗ​ക​ര്യം ഒ​രു​ക്കി​യി​ട്ടു​ണ്ട്. 1990 മോ​ഡ​ൽ ക​പ്പു​ച്ചി​നോ, മ​ണ്ണാ​ർ​ക്കാ​ടു​നി​ന്നു വാ​ങ്ങി​യ 1947 മോ​ഡ​ൽ ബ്യൂ​ക്, ഇ​ന്ത്യ​യി​ൽ നി​ർ​മി​ച്ച സ്റ്റു​ഡി ബേ​ക്ക​ർ, അം​ബാ​സ​ഡ​ർ ലി​മോ​സി​ൻ എ​ന്നി​വ​യെ​ല്ലാം രാ​ജേ​ഷി​ന്‍റെ ശേ​ഖ​ര​ത്തി​ലു​ള്ള​വ​യാ​ണ്.

മിനി​യേ​ച്ച​ർ ശേ​ഖ​രം

വ​ലി​യ കാ​റു​ക​ളോ​ടു​ള്ള​തുപോ​ലെ ത​ന്നെ ചെ​റി​യ ടോ​യ് കാ​റു​ക​ളോ​ടും രാ​ജേ​ഷി​ന് ഏ​റെ ക​മ്പ​മു​ണ്ട്. 1188 മിനി​യേ​ച്ച​ർ കാ​റു​ക​ളാ​ണ് രാ​ജേ​ഷി​ന്‍റെ വീ​ട്ടി​ലു​ള്ള​ത്. പ്ര​ത്യേ​കം ക​ണ്ണാ​ടി ഷെ​ൽ​ഫ് ഒ​രു​ക്കി​യാ​ണ് ഇ​വ സൂ​ക്ഷി​ച്ചി​ട്ടു​ള്ള​ത്. കു​ട്ടി​യാ​യി​രി​ക്കു​മ്പോ​ൾ മു​ത്ത​ച്ഛ​ൻ ഉ​ണ്ടാ​ക്കി കൊ​ടു​ത്ത മ​രം കൊ​ണ്ടു​ള്ള ക​ളി​പ്പാ​ട്ട​വും മ​ക്ക​ളും പേ​ര​ക്കു​ട്ടി​ക​ളും ന​ൽ​കി​യ​വ​യും ഇ​ക്കൂ​ട്ട​ത്തി​ലു​ണ്ട്. മ​ക്ക​ളാ​യ ഋ​തി​ക​യും രൂ​പി​ക​യും സ്വ​ന്ത​മാ​യി സ്റ്റാ​ർ​ട്ട​പ്പു​ക​ൾ ന​ട​ത്തു​ക​യാ​ണ്.

അ​ച്ഛ​ന്‍റെ ഇ​ഷ്ടം അ​റി​യു​ന്ന മ​ക്ക​ൾ എ​വി​ടെ പോ​യാ​ലും കു​ഞ്ഞ​ൻ കാ​റു​ക​ൾ വാ​ങ്ങി സ​മ്മാ​നി​ക്കും. ആ​ദ്യ​കാ​ല മോ​ഡ​ലു​ക​ൾ മു​ത​ൽ ഏ​റ്റ​വും പു​തി​യ​വ വ​രെ​യു​ള്ള കാ​റു​ക​ളു​ടെ മിനി​യേ​ച്ച​ർ ശേ​ഖ​രം ക​ണ്ണാ​ടി​ക്കൂ​ട്ടി​ലു​ണ്ട്. കാ​റു​ക​ൾ​ക്ക് പു​റ​മേ ബൈക്കുക​ൾ, ലോ​റി​ക​ൾ, ട്രെ​യി​നു​ക​ൾ, ഫ്ലൈറ്റു​ക​ൾ എ​ന്നി​വ​യു​മു​ണ്ട്. കാ​റു​ക​ളോ​ടു​ള്ള ഇ​ഷ്ട​വും താ​ൽ​പ​ര്യ​വുംകൊ​ണ്ട് മാ​ത്രം ഈ ​മേ​ഖ​ല​യി​ൽ തു​ട​രു​ന്ന രാ​ജേ​ഷും ര​മ്യ​യും വീ​ട്ടി​ലെ പ്രാ​യ​മാ​യ ഒ​രം​ഗ​ത്തെപ്പോ​ലെ​യാ​ണ് അ​വ​യെ നോ​ക്കു​ന്ന​ത്. അ​ത്ര​യും സ്നേ​ഹ​ത്തോ​ടെ പ​രി​പാ​ലി​ക്കു​ന്ന​തി​നാ​ൽ വി​സ്മൃ​തി​യി​ലാ​ണ്ടുപോ​യ ഈ ​കാ​റു​ക​ൾ അ​വ​യു​ടെ പു​ന​ർ​ജ​ന്മം ആ​സ്വ​ദി​ക്കു​ക​യാ​ണി​വി​ടെ.