ലൈറ്റ്​ ഇയർ വൺ, ഒറ്റ ചാർജിൽ 710 കിലോമീറ്റർ സഞ്ചരിക്കും; ടെസ്​ലയെവെല്ലുന്ന ഇ.വി ഇതാണ്​

ലോകത്തിലെ ഏറ്റവുംകൂടുതൽ റേഞ്ചുള്ള ഇലക്​ട്രിക്​ വാഹനങ്ങളിൽ ഒന്നിനെ അവതരിപ്പിച്ച്​ ലൈറ്റ്​ ഇയർ കമ്പനി. വൺ എന്ന്​ പേരിട്ടിരിക്കുന്ന വാഹനം സോളാർ എനർജിയുടെകൂടെ കരുത്തിലാണ്​ സഞ്ചരിക്കുന്നത്​. നിലവിൽ പ്രോ​േട്ടാടൈപ്പ്​ വാഹനത്തി​െൻറ നിർമാണമാണ്​ പൂർത്തിയായത്​. 60 കിലോവാട്ട് ബാറ്ററിയാണ്​ വാഹനത്തിന്​ കരുത്തുപകരുന്നത്​. ലോകത്തിലെ ആദ്യത്തെ ദീർഘദൂര സൗരോർജ്ജ വാഹനമാണ് ലൈറ്റ്ഇയർ വൺ. ജർമ്മനിയിലെ ആൽഡെൻഹോവൻ ടെസ്റ്റിങ്​ സെൻററിലാണ്​ വാഹനംപരിശോധിച്ചത്​. 85 കിലോമീറ്റർ വേഗതയിലാണ്​ ഡ്രൈവ് സൈക്കിൾ പൂർത്തിയാക്കിയത്​.

60 കിലോവാട്ട് കരുത്തുള്ള ബാറ്ററിയുടെ ഒരൊറ്റ ചാർജിലാണ് പരിശോധന നടത്തിയത്. നിലവിൽ ഏറ്റവും കാര്യക്ഷമമായ ഇലക്ട്രിക് കാറുകൾ പോലും താരതമ്യേന കുറഞ്ഞ വേഗതയിൽ ​ലൈറ്റ്​ ഇയർ വണ്ണിനേക്കാൾ 50 ശതമാനം കൂടുതൽ ഉൗർജ്ജം ഉപയോഗിക്കുന്നുണ്ട്​. സോളാർ പാനലുകളുടെ ക്ഷമത, കൂളിങ്​ സിസ്റ്റത്തി​െൻറ ഉൗർജ്ജ ഉപഭോഗം, ബാറ്ററി പ്രകടനം, സോളാർ കാർ പ്രവർത്തിപ്പിക്കുന്ന സോഫ്​റ്റ്​വെയർ, ഇൻ-വീൽ മോട്ടോറുകളുടെ പ്രവർത്തനം എന്നിവ ടെസ്​റ്റ്​ ഡ്രൈവിൽ പരിശോധിച്ചു. ചാർജ്ജ് ചെയ്യാതെ മാസങ്ങളോളം ഡ്രൈവ് ചെയ്യാൻ കഴിയുന്നതും സോളാർ വാഹനങ്ങളുടെ പ്രത്യേകതയാണ്​.

'ഈ പ്രോട്ടോടൈപ്പിന് 440 മൈലിലധികം പരിധി ഉണ്ട്. ഉൗർജ്ജ ഉപഭോഗം മണിക്കൂറിൽ 53 മൈൽ വേഗതയിൽ 137 വാട്​സ്​ /മൈൽ മാത്രമാണ്. ഈ നാഴികക്കല്ല് ഞങ്ങളുടെ ബിസിനസ്സ് മോഡലി​െൻറ വിജയത്തി​െൻറ സ്ഥിരീകരണമാണ്. വരും മാസങ്ങളിൽ, ഹൈവേ വേഗതയിൽ സമാനമായ ഉൗർജ്ജ ഉപഭോഗത്തിൽ എത്താൻ കഴിയുമെന്ന് ഞങ്ങൾക്ക് ഉറപ്പുണ്ട്'-ലൈറ്റ്ഇയർ സിഇഒ ലെക്​സ്​ ഹോഫ്​സ്ലോട്ട്​ പറഞ്ഞു​. 2022 ​െൻറ ആദ്യ പകുതിയിൽ ലൈറ്റ്‌ഇയർ വണ്ണി​െൻറ എക്‌സ്‌ക്ലൂസീവ് സീരീസ് ഉൽ‌പാദനത്തിലേക്ക് കടക്കാനും 2024 മുതൽ ബഹുജനങ്ങൾക്കായി വാഹനം നിരത്തിലെത്തിക്കാനുമാണ്​ കമ്പനി ആലോചിക്കുന്നത്​.