മിനിയുടെ സ്​പെഷൽ എഡിഷൻ കാർ സ്വന്തമാക്കി ജയസൂര്യ; വാഹനം കേരളത്തിൽ​ എത്തുന്നത്​ ആദ്യമായി

ലോകത്തിലെ വാഹന ​െഎക്കണുകളിൽ സുപ്രധാന സ്​ഥാനമാണ്​ മിനി കാറുകൾക്കുള്ളത്​. ബ്രിട്ടീഷ്​ മോ​േട്ടാർ കോർപറേഷൻ നിർമിച്ചിരുന്ന മിനി ​മോഡലുകൾ വാഹനപ്രേമികളുടെ സ്വപ്​ന വാഹനവുമാണ്​.

20ാം നൂറ്റാണ്ടിലെ മികച്ച കാറുകൾ തെരഞ്ഞെടുക്കാൻ 1999ൽ നടത്തിയ വോ​െട്ടടുപ്പിൽ ഫോർഡ്​ മോഡൽ ടിയുടെ ​​ പിന്നിൽ രണ്ടാമതെത്തിയത്​ മിനിയാണ്​. ഫോക്​സ്​ വാഗൺ ബീറ്റിൽ ഉൾപ്പടെ അന്ന്​ മിനിക്ക്​ പിന്നിലായിരുന്നു. മിനി കൂപ്പർ എന്ന്​ പറഞ്ഞാലെ കുറേപ്പേർക്ക്​ ഇവനെ മനസിലാകൂ. നിലവിൽ ബി.എം.ഡബ്ലുവാണ്​ മിനിയുടെ ഉടമസ്​ഥർ. ഇൗ ചരിത്രമൊക്കെ പറഞ്ഞത്​ മിനിയുടെ പുതിയൊരു വിശേഷം പങ്കുവയ്​ക്കാനാണ്​.

മിനിയുടെ ക്ലബ്​മാൻ എന്ന മോഡലി​െൻറ ലിമിറ്റഡ്​ എഡിഷൻ മോഡൽ അടുത്തകാലത്ത്​ പുറത്തിറക്കി.ഇന്ത്യൻ സമ്മർ റെഡ്​ എന്നായിരുന്നു പേര്​. 15 എണ്ണം മാത്രമാണ്​ നിർമിച്ചത്​. ഇതിൽ ഒരെണ്ണം കേരളത്തിലും എത്തിയിട്ടുണ്ട്​. വാഹനം വാങ്ങിയത്​ നടൻ ജയസൂര്യയാണ്​. പിറന്നാള്​ പ്രമാണിച്ചായിരുന്നു ജയസൂര്യ ഇൗ അപൂർവ്വ വാഹനത്തെ ഗ്യാരേജിലെത്തിച്ചത്​. 2.0 ലിറ്റർ നാല് സിലിണ്ടർ പെട്രോൾ എൻജിനാണ് ക്ലബ്മാൻ സമ്മർ എഡിഷ​െൻറ ഹൃദയം.

189 ബിഎച്ച്പി കരുത്തും 280 എൻഎം ടോർക്കും ഉത്‌പാദിപ്പിക്കും. എട്ട് സ്പീഡ് ഓട്ടോമാറ്റിക്​ ട്രാൻസ്മിഷനാണ്​ നൽകിയിരിക്കുന്നത്​. മിനി അതി​െൻറ ഡ്രൈവബിലിറ്റിക്ക്​ ലോകപ്രശസ്​തമാണ്​. ക്ലബ്​മാനും അതിൽ ഒട്ടും പിറകിലല്ല. 7.5 സെക്കൻറിൽ പൂജ്യത്തിൽ നിന്ന് 100 കിലോമീറ്റർ വേഗമാർജിക്കാൻ വാഹനത്തിനാകും. ഭാര്യയ്ക്കും മക്കൾക്കുമൊപ്പം കൊച്ചിയിലെ ഷോറൂമിലെത്തിയാണ്​ ജയസൂര്യ വാഹനം സ്വന്തമാക്കിയത്​.