'നമ്മുടെ വണ്ടി മറിഞ്ഞിരിക്കുകയാണ്​ ഗയ്​സ്​'എന്ന്​ വ്ലോഗർ, കൊള്ളാം ഇപ്പോ അടിവശമൊമൊക്കെ നന്നായി കാണാമെന്ന്​ കാണികൾ; ഡ്രിഫ്​റ്റിങ്ങി​നിടെ മറിഞ്ഞ്​ പുതുപുത്തൻ ഥാർ

വ്ലോഗ്​ ചിത്രീകരണത്തിനിടെ പുതുപുത്തൻ ഥാർ നിയന്ത്രണംവിട്ട്​ മറിഞ്ഞു. യൂട്യൂബ്​ ചാനലിലെ കാഴ്​ച്ചക്കാർക്കുവേണ്ടി ഡ്രിഫ്​റ്റ്​ ചെയ്​ത വാഹനമാണ്​ മറിഞ്ഞത്​. സംഭവത്തി​െൻറ ദൃശ്യങ്ങൾ സമൂഹമാധ്യമങ്ങളിൽ വൈറലായിട്ടുണ്ട്​. മറിഞ്ഞുകിടക്കുന്ന വാഹനത്തിൽ നിന്നും വ്ലോഗർ സംസാരിച്ചത്​ കാഴ്​ച്ചക്കാരിൽ ചിരി പടർത്തി. സംഭവത്തിൽ ആരും പരിക്കില്ലാതെ രക്ഷപ്പെട്ടത്​ ആശ്വാസമായി.

പാലക്കാട് മഹീന്ദ്ര ഡീലർഷിപ്പിൽനിന്ന്​ വാഹനം ഡെലിവറി എടുത്തശേഷമായിരുന്നു യുവാക്കളുടെ പ്രകടനം. ഇതിനിടെ ഥാറി​െൻറ യഥാർഥ ടയറുകൾ മാറ്റി ഇറക്കുമതി ചെയ്യുന്ന ടയറും ഇട്ടിരുന്നു. ടയറുകൾ മാറ്റിയ ശേഷം, വ്ലോഗറും സംഘവും രണ്ട്​ വാഹനങ്ങളിലായി കാവ എന്ന സ്ഥലത്തേക്ക് പോകുന്നു. വീഡിയോ ചിത്രീകരണത്തിനായി ഡ്രോണുകൾ ഉൾപ്പടെയുള്ള സന്നാഹങ്ങളുമായിട്ടായിരുന്നു യാത്ര. തുറന്ന മൈതാനത്ത്​ എത്തിയശേഷം തലങ്ങും വിലങ്ങും ഒാടിച്ച്​ ഇവർ വീഡിയോ ഷൂട്ട്​ ചെയ്യുന്നു. ആദ്യം വാഹനം ഡ്രിഫ്​റ്റ്​ (തെന്നി നീക്കുക) ചെയ്യാൻ ശ്രമിക്കുന്നെങ്കിലും നടക്കുന്നില്ല. തുടർന്ന്​ ഥാറി​െൻറ ഇലക്​ട്രോണിക്​ ഘടകങ്ങളൊക്കെ പ്രവർത്തനരഹിതമാക്കിയ ശേഷമായിരുന്നു അഭ്യാസം.

പലതവണ നടത്തിയ ഡ്രിഫ്​റ്റിങ്ങിനൊടുവിൽ വാഹനത്തി​െൻറ നിയന്ത്രണം നഷ്ടപ്പെടുകയും മറിയുകയുമായിരുന്നു. വ്ലോഗർ സീറ്റ് ബെൽറ്റ് ധരിച്ചിരുന്നില്ലെങ്കിലും പരിക്കേൽക്കാതെ രക്ഷപ്പെട്ടു. സഹയാത്രികൻ സീറ്റ് ബെൽറ്റ് ധരിച്ചിരുന്നു. അയാളും പരിക്കില്ലാതെ രക്ഷപ്പെട്ടു. വേഗത കുറവായതിനാൽ വാഹനം റോൾഒാവർ ചെയ്യാതിരുന്നതിനാലാണ്​ അപകട തീവ്രത കുറഞ്ഞത്​. മറിഞ്ഞുകിടന്ന വാഹനത്തിൽ കിടന്നുകൊണ്ട്​ വ്ലോഗർ നടത്തിയ സംഭാഷണങ്ങൾ വീഡിയോയുടെ കമൻറ്​ ബോക്​സിൽ ചിരി പടർത്തിയിട്ടുണ്ട്​.

'നമ്മുടെ വണ്ടി മറിഞ്ഞിരിക്കുകയാണ്​ ഗയ്​സ്​'എന്നായിരുന്നു വ്ലോഗർ പറഞ്ഞത്​. 'ഇന്ത്യയിൽ ആദ്യമായി ആയിരിക്കും ഡെലിവറി കഴിഞ്ഞ് നിമിഷങ്ങൾക്കുഉള്ളിൽ വണ്ടി മറിച്ച് അഡ്വഞ്ചർ ആക്കിയത്'-ഒരാൾ കമൻറിൽ കുറിച്ചു. 'വണ്ടി മറഞ്ഞിട്ടും അതി​െൻറ ഉള്ളിൽ നിന്ന്​ വ്ലോഗ് ചെയ്യാൻ കാണാനിച്ച ആ മനസ്സ്'-വേറൊരാൾ എഴുതി. 'ഗയ്​സ്​ നമ്മടെ വണ്ടി മറിഞ്ഞിരിക്കുകയാണ് ഗയ്​സ്​...ലെ താർ : മറഞ്ഞതല്ല ഗയ്​സ്​ ഇവന്മാർടെ ഉപദ്രവം കാരണം ഇത്തിരി റെസ്റ്റ് എടുക്കാൻ വേണ്ടി കിടന്നതാണ്'-മറ്റൊരു രസികൻ കമൻറ്​ ചെയ്​തു.