ബൈക്കിൽ കയറി പോകുന്ന അപൂർവ്വയിനം 'പാമ്പ്'; വീഡിയോ വൈറൽ

വാഹനം ഒാടിക്കുന്നവർ അറിഞ്ഞിരിക്കേണ്ട പ്രാഥമിക പാഠവും മര്യാദയുമാണ്​ മദ്യപിച്ച്​ വാഹനം ഒാടിക്കരുത്​ എന്നത്​. ലോകത്ത്​ എല്ലായിടത്തും ഇൗ നിയമം ഒരുപോ​െലയാണ്​. രാജ്യത്തെ പ്രധാനമന്ത്രിയും ഒാഫീസ്​ ക്ലർക്കും ഒരുപോലെ പാലിക്കേണ്ട നിയമങ്ങളിലൊന്ന്​. എന്നാൽ നമ്മുടെ രാജ്യത്ത്​ അവസരം കിട്ടിയാൽ മദ്യപിച്ചവരും വാഹനം ഒാടിക്കും. 'ഒാടിച്ചു നോക്കിയാൽ എങ്ങിനിരിക്കും' എന്ന്​ അറിയാനാണ്​ ചിലരുടെ യാത്ര. ഇത്തരക്കാർ അപകടത്തിൽപ്പെടുക മാത്രമല്ല മറ്റുള്ളവരെ അപകടത്തിൽചാടിക്കുകയും ചെയ്യും. ഇതിനെതിരേ പ്രചരണ വീഡിയോ സമൂഹമാധ്യമത്തിൽ പങ്കുവച്ചിരിക്കുകയാണ്​സൈബരാബാദ്​ പൊലീസ്​. സിസിടിവി വീഡിയോ ആണ്​ പൊലീസ്​ പങ്കുവച്ചിരിക്കുന്നത്​.

മദ്യപിച്ച്​ വാഹനം ഒാടിക്കുന്ന ബൈക്ക്​ യാത്രിക​െൻറ ലക്കുംലഗാനുമില്ലാത്ത പോക്കാണ്​ വീഡിയോയിലുള്ളത്​. ഇത്തരക്കാരെ നാടൻഭാഷയിൽ 'പാമ്പ്'​ എന്നാണ്​ വിളിക്കാറുള്ളത്​. ഇത്തരമൊരു പാമ്പാണ്​ നമ്മുടെ കഥയിലെ നായകൻ. ഹെൽമെറ്റ് റിയർവ്യൂ മിററിൽ തൂക്കിയിട്ടായിരുന്നു ടിയാ​െൻറ അഭ്യാസം. റോഡിലേക്ക്​ കയറിയതും ഒരു മോട്ടോർ സൈക്കിൾ അടുത്തുകൂടി​പോയതോടെ ബാലൻസ് നഷ്ടപ്പെട്ട് ഇയാൾ കമഴ്​ന്നടിച്ച്​​ വീഴുകയായിരുന്നു. പിന്നാലെ വന്ന ഒരാൾ ഇയാളെ പിടിച്ച്​ എഴുന്നേൽപ്പിച്ച്​ വിടുന്നുണ്ടായിരുന്നു. തുടർന്ന പാമ്പുകളെ ഒാർമിപ്പിക്കും വിധം തിരക്കേറിയ റോഡിൽ വളഞ്ഞും പുളഞ്ഞും ഇയാൾ യാത്ര ചെയ്യുന്നതും വീഡിയോയിലുണ്ട്​. അവസാനം ഒന്നും അറിയാതെവന്ന ഒരു സാധുവി​െൻറ കാറിൽ ഇടിച്ച്​ റോഡിലേക്ക്​ വീഴുകയാണ്​. ​

മദ്യപിച്ച്​ ഒരിക്കലും വാഹനം ഒാടിക്കരുത്​

മദ്യപിച്ചുകൊണ്ട്​ ഒരിക്കലും ചെയ്യാൻ പാടില്ലാത്തതാണ്​ ഡ്രൈവിങ്​. മദ്യം മനുഷ്യ​െൻറ എല്ലാത്തരം റിഫ്ലക്​സ്​ പ്രവർത്തനങ്ങളേയും മന്ദഗതിയിലാക്കും. ഡ്രൈവിങിൽ ഏറ്റവും ആവശ്യമുള്ളതും ചടുലമായ ശാരാരിക പ്രവർത്തനങ്ങളാണ്​. മുന്നിലുള്ള വാഹനം പെട്ടെന്ന് ബ്രേക്കിട്ടാൽ അത്​ മനസിലാക്കി നമ്മളും ബ്രേക്​ ചെയ്യേണ്ടതുണ്ട്​. ഇതിന്​ ലഭിക്കുന്ന സമയം വളരെകുറവാണുതാനും. മ​ദ്യം ഉള്ളിലുണ്ടെങ്കിൽ നമ്മുടെ ആക്ഷനുകൾ വീണ്ടും വൈകും. പെട്ടെന്ന് ഒരാൾ റോഡ് മുറിച്ചുകടന്നാലും ഇതുതന്നെയാണ്​ അവസ്​ഥ. മദ്യപാനം നമ്മെ മാത്രമല്ല മറ്റുള്ളവരേയും അപകടത്തിലാക്കുമെന്ന്​ സാരം.

മദ്യം ഏറ്റവുമധികം ബാധിക്കുന്ന മറ്റൊരുകാര്യം​ ഏകാഗ്രതയെയാണ്​. ഡ്രൈവിങ്​ സമയത്ത് നാം ശ്രദ്ധിക്കേണ്ട നിരവധി കാര്യങ്ങളുണ്ട്. ഉദാഹരണത്തിന്, ട്രാഫിക് ലൈറ്റുകൾ, സീബ്രാ ക്രോസിങ്​, വേഗത പരിധി, പാതകൾ, മറ്റ് വാഹനങ്ങൾ തുടങ്ങിയവ. മദ്യത്തി​െൻറ സ്വാധീനം അൽപ്പമെങ്കിലും ഉണ്ടെങ്കിൽ ഇവയോടുള്ള ശ്രദ്ധ പാളിപ്പോകാനിടയുണ്ട്​. മദ്യം കാരണം കാഴ്​ചയും കുറയുന്നതായും പഠനങ്ങൾ വ്യക്​തമാക്കുന്നു. കാഴ്​ച മങ്ങുകയും കണ്ണി​െൻറ ചലനം നിയന്ത്രിക്കാനാവാതിരിക്കുകയും ചെയ്​താൽ അപകടം ഉറപ്പാണ്​. രാത്രിയിലാണ്​ ഇത്​ ഏറ്റവും കൂടുതൽ പ്രശ്​നങ്ങൾ സൃഷ്​ടിക്കുക.