​ഫോർമുല റീജിയനൽ വാർഷിക കലണ്ടർ പുറത്ത്​; അഞ്ച്​ വേദികൾ, 15 ഡ്രൈവർമാർ

റേസ്​ട്രാക്കുകളിൽ മിന്നൽപ്പിണറുകൾ ഉതിർക്കാൻ ഇന്ത്യക്കാരുടെ സ്വന്തം ഫോർമുല റീജിയനൽ​​ വരുന്നു. മുംബൈ ആസ്​ഥാനമായുള്ള ഫാൽക്കൻ റേസിങ്​ ആണ്​ ഇതിന്​ മുൻകൈ എടുക്കുന്നത്​. ഇതുസംബന്ധിച്ച ടീസർ ചിത്രം ഫാൽക്കൻ റേസിങ്​ നേരത്തേ പുറത്തുവിട്ടിരുന്നു. അന്താരാഷ്​ട്രതലത്തിൽ ഫോർമുല 3 (എഫ്​ 3) റേസിൽ ഉപയോഗിക്കുന്ന കാറുകളാവും ഫോർമുല റീജിയന​ലിൽ മാറ്റുരക്കുക. ഫെഡറേഷൻ ഇൻറർനാഷനൽ ഒാ​േട്ടാമൊബൈൽ എന്ന അന്താരാഷ്​ട്ര റേസിങ്​ ഏജൻസിയുടെ മേൽനോട്ടത്തിലാവും മത്സരങ്ങൾ നടക്കുക. ഫോർമുല റീജിയന​ലി​െൻറ കൂടുതൽ വിവരങ്ങൾ പുറത്തുവന്നിട്ടുണ്ട്​. 2022ൽ തുടങ്ങുന്ന റേസിങ്​ ചാംപ്യൻഷിപ്പ്​ ഒരുമാസത്തോളം നീണ്ട്നിൽക്കും.

മത്സരഘടന

2022 ഫെബ്രുവരിയിലാകും മത്സരം ആരംഭിക്കുക. ആദ്യ മത്സരം ഇന്ത്യയുടെ സ്വന്തം ഫോർമുല വൺ വേദിയായ ബുദ്ധ്​ സർക്യൂട്ടിൽ നടക്കും. ഒരു മാസം കൊണ്ട്​ അഞ്ച്​ വേദികളിലാവും മത്സരങ്ങൾ നടക്കുക. എഫ്​ 3, എഫ്​ 2, എഫ്​ 1 റേസിലേക്കുള്ള ഡ്രൈവർമാരുടെ ചവിട്ടുപടിയായി ഫോർമുല റീജിയനൽ പ്രവർത്തിക്കും. ഇന്ത്യയിലെ ആദ്യത്തെ എഫ്.ഐ.എ-ഗ്രേഡഡ് ചാമ്പ്യൻഷിപ്പായിരിക്കും ഇത്​. 15 റൈഡുകളിലായി 15 ഡ്രൈവർമാരാവും റേസിൽ മാറ്റുരക്കുക.

താൽക്കാലിക കലണ്ടർ അനുസരിച്ച്, ചാമ്പ്യൻഷിപ്പ് 2022 ഫെബ്രുവരിയിൽ ആരംഭിക്കുകയും 2022 മാർച്ചിൽ അവസാനിക്കും. ബുദ്ധ്​ ഇൻറർനാഷനലിനെക്കൂടാതെ കോയമ്പത്തൂരിലെ കാരി മോട്ടോർ സ്പീഡ്‌വേയും, മദ്രാസ് മോട്ടോർ റേസ് ട്രാക്കും ഹൈദരാബാദിലെ സ്ട്രീറ്റ്​ ട്രാക്കും വേദികളാവും. ഹൈദരാബാദിലെ സ്ട്രീറ്റ്​ ട്രാക്കിൽ രണ്ട് റൗണ്ട്​ മത്സരമാകും നടക്കുക. വലിയ രീതിയിലുള്ള ബഹുജന പങ്കാളിത്തം ഫോർമുല റീജിയന്​ ലഭിക്കാൻ സ്​ട്രീറ്റ്​ റേസ്​ സഹായിക്കുമെന്നാണ്​ സംഘാടകരുടെ വിലയിരുത്തൽ. 270 എച്ച്പി കരുത്ത് നൽകുന്ന ആൽഫ റോമിയോ 1,750 സിസി എഞ്ചിനുകളിൽ പ്രവർത്തിക്കുന്ന സമാനമായ എഫ് 3 കാറുകളിലായിരിക്കും മത്സരം നടക്കുക.

എഫ്​.​െഎ.എ സൂപ്പർ ലൈസൻസ് പോയിൻറ്​

ഫോർമുല ​റീജിയനി​െൻറ ഏറ്റവും വലിയ പ്രത്യേകത അതിൽ വിജയിക്കുന്നവർക്ക്​ ഫോർമുല വണ്ണിലേക്കുള്ള സൂപ്പർ ലൈസൻസ് പോയിൻറ്​ ലഭിക്കുമെന്നതാണ്​. ഫോർമുല വണ്ണിൽ മത്സരിക്കാൻ 40 സൂപ്പർ ​ലൈസൻസ്​ പോയിൻറുകൾ ആവശ്യമാണ്​. വിവിധ അന്താരാഷ്ട്ര പരമ്പരകൾക്കായി എഫ്​.​െഎ.എ നിശ്ചിത എണ്ണം പോയിൻറുകൾ നൽകുന്നുണ്ട്​. ഫോർമുല റീജിയണൽ ഇന്ത്യൻ ചാമ്പ്യൻഷിപ്പിൽ വിജയിക്കുന്നവർക്ക് 18 സൂപ്പർ ലൈസൻസ് പോയിൻറുകളും രണ്ടാം സ്ഥാനത്തിന് 14 പോയിൻറും മൂന്നാം സ്ഥാനത്തിന് 12 പോയിൻറും ലഭിക്കും. ഫോർമുല റീജിയന്​ സമാന്തരമായി ഇന്ത്യൻ സൂപ്പർ ലീഗും സംഘടിപ്പിക്കും.

ഫെഡറേഷൻ ഇൻറർനാഷനൽ ഒാ​േട്ടാമൊബൈൽ അഥവാ എഫ്​.​െഎ.എ ഒന്നിലധികം രാജ്യങ്ങളിൽ ഫോർമുല റീജിയനൽ ചാമ്പ്യൻഷിപ്പുകൾ നടത്തുന്നുണ്ട്​. എഫ്​ 3 ഏഷ്യൻ ചാമ്പ്യൻഷിപ്പും ഫോർമുല റീജിയണൽ യൂറോപ്പും ഇത്തരത്തിലുള്ളതാണ്​. പ്രാദേശിക ഡ്രൈവർമാർക്ക്​ എഫ്​ വൺ പോലെയുള്ള അന്താരാഷ്​ട്ര വേദികളിലേക്കുള്ള പരിശീലന കളരിയാവും എഫ്​ 3. ഈ വർഷം ആദ്യം നടന്ന എഫ്​ 3 ഏഷ്യൻ ചാമ്പ്യൻഷിപ്പിൽ മുംബൈ ഫാൽക്കൺസ് തങ്ങളുടെ ടീമിനെ കളത്തിലിറക്കിയിരുന്നു. ബിസിനസുകാരായ ജെഹാൻ ദാരുവാലയും കുഷ് മൈനിയും ആണ്​ ഇതിന്​ ചുക്കാൻ പിടിച്ചത്​. ചാമ്പ്യൻഷിപ്പിൽ ദാരുവാലയും സംഘവും മൂന്നാമതായി ഫിനിഷും ചെയ്​തു. ഇൗ പരിചയ സമ്പത്തിൽ നിന്നാണ്​ ഫോർമുല റീജിയനലിലേക്ക്​ ഫാൽക്കൻ റേസിങ്​ എത്തിയത്​.