ഒാേട്ടാ പൈലറ്റ്​ പ്രവർത്തിക്കുന്നതെങ്ങിനെ? ടെസ്​ലയോട്​ വിശദീകരണം ആവശ്യപ്പെട്ട്​ അന്വേഷണ ഏജൻസി

വൈദ്യുത വാഹന കമ്പനിയായ ടെസ്​ലക്കെതിരേ അന്വേഷണം നടത്തുന്ന​ അമേരിക്കൻ ഏജൻസിയായ നാഷനൽ ഹൈവേ ട്രാഫിക്​ സേഫ്​റ്റി അഡ്​മിനിസ്​ട്രേഷൻ (എൻ.എച്ച്​.ടി.എസ്​.എ), പ്രാഥമിക വിവരശേഖരണം ആരംഭിച്ചു. ടെസ്​ലയുടെ ഒാ​േട്ടാ പൈലറ്റ്​ ​േമാഡിൽ തുടർച്ചയായി അപകടങ്ങൾ റിപ്പോർട്ട്​ ചെയ്​തതിനെ തുടർന്നാണ്​ അന്വേഷണം തുടങ്ങിയത്​. ഒാ​േട്ടാപൈലറ്റ്​ സംവിധാനം എങ്ങിനെയാണ്​ പ്രവർത്തിക്കുന്നതെന്നും അതേപറ്റിയുള്ള സാ​േങ്കതിക വിവരങ്ങൾ കൈമാറാനും ടെസ്​ലയോട്​ എൻ.എച്ച്​.ടി.എസ്​.എ ആവശ്യപ്പെട്ടു. യഥാർഥ സാഹചര്യങ്ങളിൽ എമർജൻസി വാഹനങ്ങളോട് എങ്ങനെ പ്രതികരിക്കുന്നു എന്നതാണ് അന്വേഷിക്കുന്നത്​. ഇതുസംബന്ധിച്ച്​ എൻ‌എച്ച്‌ടി‌എസ്‌എ ടെസ്‌ലയ്ക്ക് 11 പേജുള്ള കത്ത് എഴുതിയതായി അസോസിയേറ്റഡ് പ്രസ് റിപ്പോർട്ട് ചെയ്​തു.

അമേരിക്കൻ സംസ്​ഥാനങ്ങളായ കാലിഫോർണിയ, ഫ്ലോറിഡ, ടെക്​സസ് തുടങ്ങിയ ഇടങ്ങളിൽ ടെസ്​ല വാഹനങ്ങളിൽ നടന്ന 11 അപകടങ്ങളിൽ 17 പേർക്ക് പരിക്കേൽക്കുകയും ഒരു മരണം സംഭവിക്കുകയും ചെയ്​തിരുന്നു​. ആദ്യ സംഭവം 2018 ജനുവരിയിലാണ് നടന്നത്​. ഏറ്റവും പുതിയത് ജൂലൈയിൽ സാൻഡിയാഗോയിലായിരുന്നു. കാലിഫോർണിയയിലെ ലഗുണ ബീച്ചിൽ 2018 മേയിൽ നടന്ന അപകടത്തിൽ നിർത്തിയിട്ടിരുന്ന പോലീസ് വാഹനത്തിൽ ടെസ്‌ല ഇടിച്ചുകയറി. 2019 ഡിസംബറിൽ, കണക്റ്റിക്കട്ടിൽ, മറ്റൊരു ടെസ്​ല പോലീസ് ക്രൂസറിലേക്ക്​ ഇടിച്ചുകയറി. ആ വർഷം ഡിസംബറിൽ ഇന്ത്യാന ഹൈവേയിൽ , ടെസ്​ല മോഡൽ 3 മരത്തിലേക്ക്​ ഇടിച്ചുകയറി തീപിടിച്ച്​ 23 കാരനായ യാത്രക്കാരൻ മരിച്ചു. നിലവിൽ ലോകത്ത്​ വിൽക്കപ്പെടുന്ന ഒരു വാഹനവും പൂർണമായും സ്വയം ഒാടിക്കാൻ പ്രാപ്​തമല്ലെന്ന്​ എൻ.എച്ച്​.ടി.എസ്​.എ പറയുന്നു.

അന്വേഷണത്തി​െൻറ ആദ്യഘട്ടത്തിൽ പ്രാഥമിക വിലയിരുത്തലാകും എൻ.എച്ച്​.ടി.എസ്​.എ നടത്തുക. ടെസ്‌ല ഉൾപ്പെട്ട അപകടങ്ങളിൽ എല്ലാം വാഹനം ഓട്ടോപൈലറ്റ് മോഡിലായിരുന്നുവെന്ന്​ എൻ.എച്ച്​.ടി.എസ്​.എ സ്ഥിരീകരിച്ചിരുന്നു​. വാഹനത്തിന്​ ചുറ്റുമുള്ള ഒരുകൂട്ടം കാമറകളും ലേസർ ബീമുകളും ഉപയോഗിച്ചാണ്​ ടെസ്​ല ഒാ​േട്ടാപൈലറ്റ്​ പ്രവർത്തിക്കുന്നത്​. 'എല്ലാ വാഹനങ്ങളും എല്ലായ്പ്പോഴും ഒരു മനുഷ്യ ഡ്രൈവർ നിയന്ത്രിക്കേണ്ടതുണ്ട്. കൂടാതെ എല്ലാ സംസ്ഥാനങ്ങളും നിയമംമൂലം വാഹനങ്ങളുടെ പ്രവർത്തനത്തിന് മനുഷ്യ ഡ്രൈവർമാർ നിർബന്ധമാണെന്ന്​ കൃത്യമായി പറയേണ്ടതുണ്ട്​'-എൻ.എച്ച്​.ടി.എസ്​.എ അധികൃതർ പറയുന്നു.