സെഡാൻ വിപണിയിലേക്കില്ലെന്ന് കിയ; എസ്.യു.വി, എം.പി.വി മോഡലുകളിൽ ശ്രദ്ധിക്കും
text_fieldsസെഡാൻ വിപണിയിലേക്കില്ലെന്നും എസ്.യു.വി, എം.പി.വി മോഡലുകളിൽ ശ്രദ്ധിക്കുമെന്നും കിയ മോട്ടോഴ്സ്. സെവൻ സീറ്റർ എസ്യുവി വിഭാഗമാണ് കിയ ലക്ഷ്യമിടുന്നതെന്നാണ് സൂചന. ടാറ്റ സഫാരി, അൽകാസർ തുടങ്ങിയവക്ക് എതിരാളിയായി 7 സീറ്റുള്ള വാഹനം കിയയിൽ നിന്ന് ഉടൻ പുറത്തുവരാൻ സാധ്യതയുണ്ട്. അടുത്ത വർഷം ആദ്യം ഇന്ത്യൻ വിപണിയിൽ പുതിയ മോഡൽ കൊണ്ടുവരുമെന്നാണ് കിയ അധികൃതർ പറയുന്നത്.
ഇന്ത്യയിൽ നിലവിൽ മൂന്ന്-വരി എസ്യുവി വിഭാഗം മികച്ച വളർച്ചയാണ് രേഖപ്പെടുത്തിയിട്ടുള്ളത്. ടൊയോട്ട ഇന്നോവ ക്രിസ്റ്റ, മാരുതി സുസുക്കി എർട്ടിഗ, റെനോ ട്രൈബർ എന്നിങ്ങനെ നിരവധി മൂന്ന് നിര പാസഞ്ചർ വാഹനങ്ങൾ ഇന്ത്യയിലുണ്ട്. ജനപ്രിയ അഞ്ച് സീറ്റർ എസ്യുവികളെ മൂന്ന്-വരി മോഡലുകളാക്കി മാറ്റുന്നതും പുതിയ ട്രെൻഡാണ്. 5 സീറ്റർ എസ്യുവി ഹാരിയറിന്റെ 7 സീറ്റുള്ള മോഡലാണ് ടാറ്റ സഫാരി. ഹ്യൂണ്ടായ് അൽക്കാസറും ക്രെറ്റയുടെ ഏഴ് സീറ്റുള്ള മോഡലാണ്.
കിയ ഇന്ത്യയ്ക്കായി ഒരു എംപിവി പരിഗണിക്കുന്നുണ്ടെന്നും സൂചനയുണ്ട്. കെ.വൈ എന്ന കോഡ്നാമമുള്ള 7 സീറ്റർ വാഹനം സോനെറ്റ് എസ്യുവിയെ അടിസ്ഥാനമാക്കിയുള്ളതാണെന്നും അടുത്ത വർഷം ജനുവരിയിൽ ഇന്ത്യൻ വിപണിയിലെത്തുമെന്നുമാണ് വിവരം. കിയ സോനെറ്റിന്റെ 7 സീറ്റർ പതിപ്പ് ദക്ഷിണേഷ്യൻ വിപണിയിൽ അടുത്തിടെ പുറത്തിറക്കിയിരുന്നു. ഇന്തോനേഷ്യയിലാണ് വാഹനം ആദ്യം അവതരിപ്പിച്ചത്. മറ്റ് ഏഷ്യൻ വിപണികളിലും കിയ ഈ മോഡൽ അവതരിപ്പിക്കാൻ സാധ്യതയുണ്ട്.
പ്രീമിയർ 7 എന്നറിയപ്പെടുന്ന ടോപ്പ്-സ്പെക്ക് ഏഴ് സീറ്റർ കിയ സോനെറ്റിന് 10.25 ഇഞ്ച് എൽസിഡി ഇൻഫോടെയ്ൻമെന്റ് സ്ക്രീൻ, കൂടാതെ ഒന്നിലധികം ബ്ലൂടൂത്ത് കണക്ഷൻ, വോയ്സ് റെക്കഗ്നിഷൻ, യുഎസ്ബി, ഓക്സ് കണക്ഷൻ, ആപ്പിൾ കാർപ്ലേ, ആൻഡ്രോയിഡ് ഓട്ടോ തുടങ്ങി നിരവധി പ്രത്യേകതകൾ ഉണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.