ഏഴ്​ വർഷം, ഏഴ്​ വാഹനങ്ങൾ; ഇ.വി സ്​ട്രാറ്റജി പ്രഖ്യാപിച്ച്​ കിയ

കിയ മോട്ടോഴ്‌സി​െൻറ ഇലക്​ട്രോണിക്​ വെഹിക്​ൾ (ഇ.വി) സ്​ട്രാറ്റജി പ്രഖ്യാപിച്ചു. വരുന്ന ഏഴ്​ വർഷങ്ങളിൽ ഏഴ്​ വൈദ്യുത വാഹനങ്ങൾ പുറത്തിറക്കാനാണ്​ കൊറിയൻ നിർമാതാവി​െൻറ തീരുമാനം. വാഹനങ്ങളുടെ രേഖാചിത്രവും പുറത്തുവിട്ടു. കൊറിയയിലെ ഹ്വാസുങ് പ്ലാൻറിൽ നടന്ന ചടങ്ങിൽ കിയയുടെ ഇവി ഉൽപ്പന്നങ്ങളുടെ വിശദാംശങ്ങൾ കിയ പ്രസിഡൻറും സി.ഇ.ഒയുമായ ഹോ സുങ് സോംഗ് പ്രഖ്യാപിച്ചു. ആഗോള ഇ.വി വിപണിയിൽ മുന്നിലെത്തുന്നതിന്​ നിരവധി തന്ത്രപരമായ നീക്കങ്ങളാണ്​ കിയ ആസൂത്രണം ചെയ്യുന്നത്​. ലോകത്തെ പ്രമുഖ ചാർജിംഗ് കമ്പനികളുമായി പങ്കാളിത്തപരമായ സഹകരണവും കിയയുടെ പദ്ധതിയിലുണ്ട്​.

പ്ലാൻ എസ്

2020 ​െൻറ തുടക്കത്തിൽ പ്രഖ്യാപിച്ച കിയയുടെ 'പ്ലാൻ എസ്' തന്ത്രത്തിന് കീഴിൽ 2025 ഓടെ 11 മോഡലുകളിലേക്ക് ഇവി ലൈനപ്പ് വിപുലീകരിക്കാൻ ബ്രാൻഡ് പദ്ധതിയിടുന്നുണ്ട്​. അതേ കാലയളവിൽ ബ്രാൻഡി​െൻറ മൊത്തം വിൽപ്പനയുടെ 20 ശതമാനം ഇ‌വികളാകണമെന്ന്​ കിയ ലക്ഷ്യമിടുന്നുണ്ട്​. കൊറിയ, വടക്കേ അമേരിക്ക, യൂറോപ്പ് എന്നിവയുൾപ്പെടെ വിപണികളിൽ മികച്ച വിൽപ്പനയാണ്​ കിയ ആഗ്രഹിക്കുന്നത്​.

2021ൽ സി.വി എന്ന കോഡ്​നെയിമിൽ നിലവിൽ അറിയപ്പെടുന്ന വാഹനമായിരിക്കും പുറത്തിറങ്ങുക. പുതിയ മോഡൽ കമ്പനിയുടെ മറ്റ് വാഹനങ്ങളുടെ അതേരീതിയിൽ മത്സരാധിഷ്​ടിത ഉൽപ്പന്നമായിട്ടായിരിക്കും വിപണിയിൽ എത്തുക. ഗുണനിലവാരവും ആകർഷകമായ രൂപകൽപ്പനയും കിയ വാഗ്ദാനം ചെയ്യുന്നുണ്ട്​. ഉയർന്ന പ്രകടനക്ഷമതയും മൈലേജും സി.വിക്ക്​ നൽകാനാണ്​ കമ്പനിയുടെ തീരുമാനം.