​പെട്രോളടിച്ച്​ വലഞ്ഞോ? ഇവരാണ്​ രാജ്യത്തെ ഇന്ധനക്ഷമതാ രാജാക്കന്മാർ

ഇന്ധനവിലക്കയറ്റം പരിഹരിക്കാൻ വിചിത്രമായ പല മാർഗങ്ങളുമാണ്​ രാജ്യത്തെ ഭരണപക്ഷം നിർദേശിക്കുന്നത്​. അതിൽ അവസാനത്തേതായിരുന്നു ബൈക്കിൽ മൂന്നുപേർക്ക്​ സഞ്ചരിക്കാൻ അനുവാദം കൊടുക്കാം എന്നത്​. സഞ്ചരിക്കുന്നത്​ കുറക്കണം, പണമുണ്ടായിട്ടല്ലേ കാറുകൾ വാങ്ങുന്നത്​ എന്നുതുടങ്ങിയ ശകാരങ്ങൾ മുതൽ കക്കൂസ്​ നിർമാണംവരെ ഇന്ധനവിലവർധനവി​െൻറ ന്യായീകരണമായി നാം കേട്ടിട്ടുണ്ട്​. അതിൽ അവസാനത്തേതായിരുന്നു ബൈക്കിൽ ട്രിപ്പിൾ അടിക്കാനുള്ള ആഹ്വാനം.

അസമിലെ ബി.ജെ.പി അധ്യക്ഷനാണ്​ ബൈക്കിൽ മൂന്നുപേർക്ക്​ സഞ്ചരിക്കാനുള്ള അനുവാദം നൽകാമെന്ന്​ വാഗ്​ദാനം ചെയ്​തത്​. ഇങ്ങിനെ ചെയ്​താൽ കാർ ഒഴിവാക്കി ബൈക്കിൽ കൂടുതൽപേർക്ക്​ സഞ്ചരിക്കാനാവുമെന്നും അദ്ദേഹം കണ്ടെത്തി. ഇത്തരം വിതണ്ഡവാദങ്ങൾ തള്ളിക്കളയുകയും പ്രായോഗികമായി ചിന്തിക്കുകയും ചെയ്​താൽ നമ്മുക്ക്​ ഇൗ സമയം ചെയ്യാവുന്ന ചില കാര്യങ്ങളുണ്ട്​. പുതിയ വാഹനം വാങ്ങു​േമ്പാൾ ഇന്ധനക്ഷമതക്ക്​ പ്രാധാന്യം കൊടുക്കുകയാണ് അതിൽ പ്രധാനം​.

എത്ര കിട്ടും

'എത്ര കിട്ടും' എന്ന ഇന്ത്യക്കാര​െൻറ എക്കാലത്തേയും വലിയ വേവലാതിയാണ്​ ഒരുകാലത്ത്​ രാജ്യത്തെ വാഹനവിൽപ്പനയുടെ ജീവനാഡിയായിരുന്നത്​. ഇന്ധനക്ഷമത സംബന്ധിച്ച ഇൗ ആശങ്കയെ കൃത്യമായി പരിഗണിച്ച വാഹനനിർമാതാക്കളാണ്​ എന്നും നമ്മുടെ വിപണിയിൽ ആധിപത്യം ചെലുത്തിയതും​. എന്നാൽ 2020ൽ അതിനൊരു മാറ്റം സംഭവിച്ചിട്ടുണ്ട്​. 2020ലാണ്​ രാജ്യം മലിനീകരണം സംബന്ധിച്ച ബി.എസ്​ ആറ്​ മാനദണ്ഡങ്ങൾ നടപ്പാക്കി തുടങ്ങിയത്​. ബി.എസ്​ നാലിൽ നിന്ന്​ ആറിലേക്ക്​ നടത്തിയ ആ ചാട്ടത്തിൽ രാജ്യത്തെ ജനപ്രിയങ്ങളായ നിരവധി മൈലേജ്​ വീരന്മാരായ വാഹനങ്ങൾ അപ്രസക്​തമായി.

മാരുതിയുടെ ഡീസൽ എഞ്ചിനുകളാണ്​ എന്നും ഇന്ധനക്ഷമതയിൽ മുന്നിൽ നിന്നിരുന്നത്​. മാരുതി തങ്ങളുടെ ഡീസൽ നിരയെ പൂർണമായും ഒഴിവാക്കിയതാണ്​ ബി.എസ്​ ആറി​െൻറ വരവോടെ കാണാൻ കഴിഞ്ഞത്​. ഫിയറ്റി​െൻറ മൾട്ടിജെറ്റ് മുതൽ റെനോ നിസാൻ കെ 9 കെ യൂനിറ്റ് വരെയുള്ള ചില അറിയപ്പെടുന്ന ഡീസൽ എഞ്ചിനുകൾ ഇപ്പോൾ ലഭ്യമല്ല. നിലവിൽ ഹ്യൂണ്ടായ്​ ആണ്​ ഇന്ധനക്ഷമതയിൽ രാജ്യത്തെ മുന്നിൽ നിന്ന്​ നയിക്കുന്നത്​. ഏറ്റവും മൈലേജുള്ള അഞ്ച്​ വാഹനങ്ങളെടുത്താൽ അതിൽ നാലും ഹ്യൂണ്ടായുടേതാണ്​.

ഒാറ മുതൽ വെർനവരെ

ഹ്യൂണ്ടായുടെ 1.2 ലിറ്റർ ഡീസൽ എഞ്ചിനാണ്​ ഒാറ കോംപാക്​ട്​ സെഡാന്​ കരുത്ത്​ പകരുന്നത്​. ഒാറ ഡീസൽ എ‌എം‌ടിക്ക് 25.40 കിലോമീറ്ററാണ്​ എആർ‌ഐ സർട്ടിഫൈഡ് ഇന്ധനക്ഷമത. നിലവിൽ ഒാറയെയാണ്​ ഇന്ത്യയിലെ ഏറ്റവും ഇന്ധനക്ഷമതയുള്ള കാറായി കണക്കാക്കുന്നത്​. ഡീസൽ മാനുവലിൽ 25.35 കിലോമീറ്ററാണ്​ ഒാറയുടെ മൈലേജ്​. മൂന്നാം തലമുറ ഹ്യുണ്ടായ് ഐ 20യും ഇന്ധനക്ഷമതയിൽ മുന്നിലാണ്​. 100 എച്ച്പി കരുത്തുള്ള 1.5 ലിറ്റർ ഡീസൽ എഞ്ചിൻ കാര്യക്ഷമതക്കും ഇന്ധനക്ഷമതക്കും പേരുകേട്ടതാണ്. ഹൈവേയിൽ 25.2കിലോമീറ്റർ മൈലേജ്​ ആണ്​ പുതിയ ​െഎ 20ക്ക്​​ ഉള്ളത്​.

നിലവിൽ ഇന്ത്യയിൽ ലഭ്യമായ ഏറ്റവും ചെറിയ ഡീസൽ എഞ്ചിനാണ് ഹ്യൂണ്ടായിയുടെ 1.2 ലിറ്റർ യു 2 സിആർഡി യൂനിറ്റ്. ഗ്രാൻഡ് ഐ 10 നിയോസിൽ ഈ മൂന്ന് സിലിണ്ടർ യൂനിറ്റാണ്​ പിടിപ്പിച്ചിരിക്കുന്നത്​. 75 എച്ച്പി കരുത്ത്​ എഞ്ചിൻ ഉത്പാദിപ്പിക്കും.​ അഞ്ച്​ സ്പീഡ് മാനുവൽ, എഎംടി ഗിയർബോക്‌സ് ഓപ്ഷനുകളും ഉൾപ്പെടുത്തിയിട്ടുണ്ട്​. പെട്രോൾ മാനുവൽ നിയോസിന് 25.1 കിലോമീറ്റർ ഇന്ധനക്ഷമതയുണ്ട്. ഈ പട്ടികയിലെ ഡീസൽ മിഡ്-സൈസ് സെഡാനാണ് ഹ്യുണ്ടായ് വെർന. ക്രെറ്റയുമായി പങ്കിടുന്ന പുതിയ 115 എച്ച്പി 1.5 ലിറ്റർ ഡീസൽ എഞ്ചിൻ മൈലേജിന്​ പേരുകേട്ട വാഹനമാണ്​. വെർന ഡീസൽ മാനുവൽ 25 കിലോമീറ്റർ ഇന്ധനക്ഷമതനൽകും.

ആൾട്രോസ്​ മുതൽ അമേസ്​വരെ

ഇന്ധനക്ഷമതയിൽ ഹ്യൂണ്ടയോടൊപ്പം പിടിച്ചുനിൽക്കുന്ന വാഹനമാണ്​ ടാറ്റ ആൾട്രോസ്​. പ്രീമിയം ഹാച്ച്ബാക്ക്​ വിഭാഗത്തിൽപെടുന്ന വാഹനം ഇന്ത്യയിൽ ലഭ്യമായ ഏറ്റവും കാര്യക്ഷമമായ ഡീസൽ കാറുകളിൽ ഒന്നാണ്​. 25.11 കിലോമീറ്റർ ആണ് എആർ​െഎ റേറ്റുചെയ്​ത ആൾട്രോസി​െൻറ മൈലേജ്​. ടാറ്റയുടെ 1.5 ലിറ്റർ റിവോടോർക്ക് എഞ്ചി​ൻ 90 എച്ച്പി കരുത്ത്​ ഉത്​പാദിപ്പിക്കും. അഞ്ച്​ സ്പീഡ് മാനുവൽ ഗിയർബോക്‌സാണ്​. ഇന്ധനക്ഷമതയിൽ മുന്നിലുള്ള ഹോണ്ടയുടെ വാഹനമാണ്​ അമേസ്​.

കോംപാക്റ്റ് സെഡാൻ വിഭാഗത്തിലെ ഇൗ വാഹനത്തിന്​ കരുത്തുപകരുന്നത്​ 100 എച്ച്പി, 1.5 ലിറ്റർ ഡീസൽ എഞ്ചിനാണ്. അഞ്ച്​​ സ്​പീഡ് മാനുവൽ അല്ലെങ്കിൽ സിവിടി ഓട്ടോമാറ്റിക് ഗിയർബോക്​സാണ്​ വാഹനത്തിന്​. ഡീസൽ-മാനുവൽ പതിപ്പിന്​ 24.7 കിലോമീറ്റർ ആണ്​ മൈലേജ്​.

ഹോണ്ട സിറ്റി (24.1), കിയ സോണറ്റ്​ (24.1), മാരുതി ഡിസയർ എ.എം.ടി (24.1), മാരുതി ബലേനോ (23.8), മാരുതി സ്വിഫ്​റ്റ്​ എ.എം.ടി ( 23.7) തുടങ്ങിയവയാണ്​ നിലവിൽ ഇന്ധനക്ഷമതയിൽ മുന്നിൽ നിൽക്കുന്ന മറ്റ്​ വാഹനങ്ങൾ.

റെനോ കൈഗര്‍

ചെറു എസ്​.യു.വികളിൽ റെനോയുടെ സബ്-ഫോര്‍ മീറ്റര്‍ എസ്​.യു.വിയായ കൈഗര്‍ മികച്ച ഇന്ധനക്ഷമതയാണ്​ നൽകുന്നത്​. എ.ആര്‍.എ.ഐ ടെസ്റ്റിൽ 20.5 കിമി/ലി എന്ന ഇന്ധനക്ഷമതയാണ്​ കൈഗറിന്​ ലഭിച്ചിരിക്കുന്നത്​.

1.0 ലിറ്റർ മൂന്ന് സിലിണ്ടര്‍ ടര്‍ബോചാർജ്​ഡ്​ പെട്രോൾ എഞ്ചിനോടു കൂടിയ കൈഗറി​െൻറ 5സ്പീഡ് മാനുവല്‍ മോഡലിനാണ്​ മികച്ച ഇന്ധനക്ഷമത കൈവരിക്കാനായത്​. 100 പിഎസ് പവര്‍ ഔട്ട്പുട്ടും 160 എന്‍എം ടോര്‍ക്കും വാഹനത്തിന്​ ലഭിക്കും. യൂറോപ്പിലെ ക്ലിയോ, ക്യാപ്​ചർ പോലുള്ള മോഡലുകളിൽ ഇതിനകം അവതരിപ്പിച്ച്​ പരീക്ഷിച്ച എഞ്ചിനാണ്​ കൈഗറിലും വരുന്നത്​. 1.0ലിറ്റർ എനര്‍ജി, 1.0ലിറ്റർ ടര്‍ബോ എന്നീ രണ്ട് എഞ്ചിന്‍ ഓപ്ഷനുകളാണ് കൈഗറിൽ റെനോ വാഗ്​ദാനം ചെയ്യുന്നത്. വാഹനത്തി​െൻറ പ്രാരംഭ വില 5.64 ലക്ഷമാണ്.