വണ്ടി പ്രാന്തന്മാരെ തളക്കാൻ 'ഒരു മോഡിഫിക്കേഷൻ കഥ'യുമായി എം.വി.ഡി; അടങ്ങാതെ കലിപ്പന്മാർ

കേരളമിപ്പോൾ സാക്ഷ്യംവഹിക്കുന്നത്​ വാഹനപ്രേമികളും മോ​േട്ടാർ വാഹന ഡിപ്പാർട്ട്​മെൻറും തമ്മിലുള്ള കടുത്ത ശീതസമരത്തിനാണ്​. വാഹനങ്ങളുടെ മോഡിഫിക്കേഷനുമായി ബന്ധപ്പെട്ടാണീ തർക്കം നടക്കുന്നത്​. ​സംസ്​ഥാനവ്യാപകമായി മോഡിഫൈഡ്​ വാഹനങ്ങളെ പിടികൂടി എം.വി.ഡി പെറ്റിയടിക്കാൻ തുടങ്ങിയതാണ്​ എല്ലാത്തി​െൻറയും തുടക്കം. പ്രതിഷേധവുമായി ആളുകൾ സോഷ്യൽ മീഡിയയിൽ എത്തിയതോടെ എം.വി.ഡി വിശദീകരണവുമായി മറുഭാഗത്ത്​ അണിനിരന്നു. നിലവിൽ ഇതൊരു ഗ്യാങ്​ വാറി​െൻറ രൂപത്തിലേക്ക്​ മാറിയിട്ടുണ്ട്​.

നിയമലംഘനം ഒരു കാരവശാലും അനുവദിക്കില്ല എന്ന്​ എം.വി.ഡി പറയു​േമ്പാൾ പണം കിട്ടുന്ന നിയമലംഘനങ്ങൾ കണ്ടി​െല്ലന്ന്​ നടിക്കുന്നതിനെതിരെ വണ്ടി പ്രാന്തന്മാരും അണിനിരക്കുന്നു. വിൽപ്പന നികുതി കൊടുത്ത്​ കടയിൽ വച്ചിരിക്കുന്ന സാധനങ്ങൾ ജി.എസ്​.ടി അടച്ച്​ ഞങ്ങൾ വാങ്ങി വാഹനത്തിൽ പിടിപ്പിച്ചാൽ മാത്രം നിയമലംഘനമാകുന്നതെന്താണെന്ന്​ മനസിലാകുന്നില്ലെന്നാണ്​ 'മോഡിഫിക്കേഷൻ' ടീം പറയുന്നത്​. തൊടുന്യായം പറഞ്ഞ്​ പിഴയീടാക്കാൻ കാത്തുനിൽക്കുന്ന അധികൃതർക്കെതിരെ കടുത്ത രോഷമാണ്​ അവർക്കുള്ളത്​. പക്ഷെ നിയമലംഘനങ്ങൾ വൻ അപകടങ്ങൾക്ക്​ കാരണമാകുമെന്ന്​ എം.വി.ഡി വ്യക്​തമാക്കുന്നു. ഇതിനിടയിലാണ്​ 'ഒരു മോഡിഫിക്കേഷൻ കഥ'യുമായി എം.വി.ഡി രംഗത്തെത്തിയത്​. തങ്ങളുടെ ഫേസ്​ബുക്ക്​ അകൗണ്ടിലാണ്​ പുതിയ വീഡിയൊ പങ്കുവച്ചിരിക്കുന്നത്​. ഇതിൽ മോഡിഫിക്കേഷൻ വരുത്തുന്ന ദൂഷ്യഫലങ്ങൾ വിശദമായി വിവരിച്ചിട്ടുണ്ട്​.

എന്നാൽ വിദേശ നാടുകളിലേത്​ പോലെ ഉപദ്രവകരമല്ലാത്ത രീതിയിലെ മോഡിഫിക്കേഷൻ നിയമവിധേയമാക്കണമെന്നാണ്​ വാഹനപ്രേമികൾ ആവശ്യപ്പെടുന്നത്​. ഇതിനായി​ കോടതിയിൽ സമർപ്പിക്കാൻ ഒപ്പുശേഖരണവും നടക്കുന്നുണ്ട്​. സർക്കാറിൽ നികുതി അടച്ചാണ്​ മിക്ക ആക്​സസറീസുകളും കടകളിലെത്തുന്നത്​. ഇത്​ വിൽക്കാനും വാങ്ങാനും അനുമതിയുണ്ട്​. എന്നാൽ, വാഹനത്തിൽ ഉപയോഗിക്കാൻ മാത്രമാവില്ല എന്നത്​ എവിടത്തെ നീതിയാണെന്നാണ്​ ഇവരുടെ ചോദ്യം. മോ‍ഡിഫിക്കേഷനുകളും അപ്ഗ്രഡേഷനുകളുമെല്ലാം നിർമാതാക്കൾ തന്നെ വാഹനങ്ങളിൽ ചെയ്തുകൊടുക്കുന്നുണ്ട്. നിയമപ്രകാരം ഇതൊന്നും ശിക്ഷാർഹവുമല്ല.

നിയമത്തിലെ നൂലാമാലകൾ കുറച്ച്​ മറ്റുള്ളവർക്ക്​ ശല്യമാകാത്ത മോഡിഫിക്കേഷനുകൾ അനുവദിക്കണമെന്നാണ്​ ഇവരുടെ ആവശ്യം. ഇത്​ ​േമാഡിഫിക്കേഷനല്ല, ബ്യൂട്ടിഫിക്കേഷൻ മാത്രമാണെന്ന്​ ഇവർ പറയുന്നു​. കൂടാതെ, ഒരുപാട്​ പേരാണ്​ ഈ മേഖലയിൽ ജോലി ചെയ്യുന്നത്​. അവരുടെ കഞ്ഞികുടി മുട്ടിക്കുന്ന ഏർപ്പാടാണ്​ അധികൃതരുടേതെന്നും ആക്ഷേപം ഉയർന്നുകഴിഞ്ഞു. വാഹനങ്ങളുടെ രൂപമാറ്റം നിയമവിരുദ്ധമാണെന്ന 2019 ജനുവരിയിലെ സുപ്രീംകോടതി വിധി​യാണ്​ മോഡിഫൈഡ്​ വാഹനങ്ങൾക്ക്​ ആഘാതമായത്​.​ വാഹനത്തി​െൻറ അടിസ്​ഥാന ഘടനയിൽ മാറ്റം വരുത്താൻ പാടില്ല എന്നാണ്​ നിയമം. ആകെ നിറം മാറ്റാൻ മാത്രമാണ്​ ഉടമക്ക്​ അധികാരമുള്ളത്​. ഇതിന്​ മോ​േട്ടാർ വാഹനവകുപ്പിൽനിന്ന്​ പ്രത്യേകം അനുമതി വാങ്ങേണ്ടതുണ്ട്​.