![New car SUV launches in September and beyond New car SUV launches in September and beyond](https://www.madhyamam.com/h-upload/2021/08/29/1161472-madhyamam-hotwheels.webp)
തിഗോർ ഇ.വി മുതൽ ഫോഴ്സ് ഗൂർഖവരെ; സെപ്റ്റംബർ മുതൽ വാഹനലോകത്ത് അവതരണ മഹാമഹം
text_fieldsസെപ്റ്റംബർ മുതൽ കോവിഡ് ആലസ്യത്തിൽനിന്ന് വിട്ട് വാഹനവിപണി ഉണർവ്വിലേക്ക് വരുമെന്ന് സൂചന. വരും മാസങ്ങളിൽ നിരവധി വമ്പൻ അവതരണങ്ങളാണ് ഉപഭോക്താക്കളെ കാത്തിരിക്കുന്നത്. ഇന്ത്യയിലെ ഇ.വി വിപ്ലവത്തിന് കരുത്തേകുമെന്ന് പ്രതീക്ഷിക്കുന്ന ടാറ്റയുടെ തിഗോർ ഇ.വി മുതൽ മൈക്രോ എസ്.യു.വിയായ പഞ്ച്, ഹ്യൂണ്ടായ് എൻ ലൈൻ, ഫോഴ്സ് ഗൂർഖ, എം.ജി ആസ്റ്റർ, ഫോക്സ്വാഗൻ ടൈഗൂൺ, കിയ സെൽറ്റോസ് എക്സ് ലൈൻ എന്നിങ്ങനെ വമ്പന്മാരാണ് വിപണിയിലേക്ക് നോട്ടമിട്ടിരിക്കുന്നത്.
തിഗോർ ഇ.വി
സിപ്ട്രോൺ കരുത്തുമായെത്തുന്ന തിഗോർ ഇ.വി ഓഗസ്റ്റ് 31 ന് ഒൗദ്യോഗികമായി പുറത്തിറക്കും. വാഹനത്തിെൻറ ബുക്കിങ് നേരത്തേതന്നെ തുടങ്ങിയിരുന്നു. ഓൺലൈനായും ടാറ്റ ഡീലർഷിപ്പുകൾ വഴിയും വാഹനം ബുക്ക് ചെയ്യാം. രാജ്യത്ത് ലഭ്യമാകുന്ന വിലകുറഞ്ഞ ഇ.വി കാർ എന്ന പ്രത്യേകതയുമായാണ് തിഗോർ നിരത്തിലെത്തുക. നെക്സൺ ഇവിയിൽ പ്രവർത്തിക്കുന്ന സിപ്ട്രോൺ പവർട്രെയിനാണ് തിഗോറിലും ഉൾപ്പെടുത്തിയിട്ടുള്ളത്.
പ്രകൃതിദത്ത ഇന്ധനം ഉപയോഗിക്കുന്ന തിഗോറിെൻറ രൂപകൽപ്പനയിൽ ചില്ലറ മാറ്റങ്ങൾ വരുത്തിയാണ് ഇ.വി ഒരുക്കിയിരിക്കുന്നത്. പരമ്പരാഗത ഗ്രില്ലിെൻറ സ്ഥാനത്ത് തിളങ്ങുന്ന കറുത്ത പാനലാണ് ഏറ്റവും ശ്രദ്ധേയമായ വ്യത്യാസം. ഹെഡ്ലാമ്പുകൾക്കുള്ളിലും 15 ഇഞ്ച് അലോയ് വീലുകളിലും നീല ഹൈലൈറ്റുകളും വാഹനത്തിലുണ്ട്. പ്രൊജക്ടർ ഹെഡ്ലാമ്പുകളും പരിഷ്കരിച്ച ഡിആർഎല്ലുകളും പ്രത്യേകതയാണ്. നെക്സണിൽ, സിപ്ട്രോൺ പവർട്രെയിൻ 95kW ഇലക്ട്രിക് മോട്ടോറും 30.2kWh ലിഥിയം അയൺ ബാറ്ററി പാക്കുമാണ് ഉപയോഗിക്കുന്നത്. 127 bhp കരുത്തും 245Nm ടോർക്കും വാഹനം ഉത്പാദിപ്പിക്കും. ഒറ്റ ചാർജിൽ 312 കിലോമീറ്റർ ആണ് റേഞ്ച്. എന്നാൽ ഇൗ സവിശേഷതകൾ തിഗോറിൽ ഉണ്ടാകില്ല. തിഗോറിൽ 26kWh ലിഥിയം അയൺ ബാറ്ററി പായ്ക്ക് ടാറ്റ വാഗ്ദാനം ചെയ്യുന്നു. ടിഗോറിലെ മോേട്ടാർ 75 എച്ച്പി കരുത്തും 170 എൻഎം ടോർക്കും ഉത്പ്പാദിപ്പിക്കും. ആറ് സെക്കൻഡിൽ 0 മുതൽ 60 കിലോമീറ്റർ വരെ വേഗത കൈവരിക്കാൻ വാഹനത്തിനാകും. കൂടാതെ ബാറ്ററി പായ്ക്കിനും ഇലക്ട്രിക് മോട്ടോറിനും IP67 റേറ്റിങും ഉണ്ട്. എട്ട് വർഷം/ 1,60,000 കിലോമീറ്റർ ബാറ്ററി, മോട്ടോർ വാറൻറിയും ടാറ്റ വാഗ്ദാനം ചെയ്യുന്നു.
സിപ്ട്രോൺ വാഹനങ്ങൾക്ക് കുറഞ്ഞത് 250 കിലോമീറ്റർ റേഞ്ച് ലഭിക്കുമെന്ന് ടാറ്റ മോട്ടോഴ്സ് നേരത്തേ അവകാശപ്പെട്ടിരുന്നു. എന്നാൽ തിഗോറിെൻറ കൃത്യമായ റേഞ്ച് കമ്പനി ഇനിയും പുറത്തുവിട്ടിട്ടില്ല. ഫാസ്റ്റ് ചാർജിങ് സംവിധാനമാണ് മറ്റൊരു പ്രത്യേകത. തിഗോർ ഇവി 60 മിനിറ്റിൽ 0 മുതൽ 80 ശതമാനം വരെ ചാർജ് ചെയ്യാനാകും. അതേസമയം സാധാരണ ഗാർഹിക ചാർജിങ് ഉപയോഗിച്ചാൽ 7 മുതൽ 8 മണിക്കൂർ വരെ എടുക്കും. നെക്സണിലെ റീജനറേറ്റീവ് ബ്രേക്കിങും സിപ്ട്രോൺ ടെകിെൻറ പ്രത്യേകതയാണ്. ഇതും തിഗോറിൽ ഉൾപ്പെടുത്തിയിട്ടുണ്ട്. സിപ്ട്രോൺ കരുത്തുള്ള നെക്സൺ ഇവിയുടെ വില 13.99-16.85 ലക്ഷം രൂപയാണ്.
ഹ്യൂണ്ടായ് എൻ ലൈൻ െഎ 20
ഹ്യൂണ്ടായുടെ ഇന്ത്യയിലെ ആദ്യ എൻ ലൈൻ വാഹനമായ െഎ 20 സെപ്റ്റംബർ രണ്ടിന് വിപണിയിലെത്തും. വാഹനത്തിെൻറ ബുക്കിങ് ആരംഭിച്ചിട്ടുണ്ട്. 25,000 രൂപ നൽകി ഒാൺലൈൻ വഴിയോ ഡീലർഷിപ്പുകളിൽ നേരിേട്ടാ വാഹനം ബുക്ക് ചെയ്യാം. സ്റ്റാൻഡേർഡ് മോഡലിനെ അപേക്ഷിച്ച് എക്സ്ഹോസ്റ്റ്, സസ്പെൻഷൻ പരിഷ്കരണങ്ങളോടെയാകും െഎ 20 എൻ ലൈൻ എത്തുക. സ്പോർട്ടി എക്സ്റ്റീരിയർ, ഇൻറീരിയർ അലങ്കാരങ്ങളും ലഭിക്കും. െഎ 20 ലൈനപ്പിന് മുകളിലായിരിക്കും എൻ ലൈനിെൻറ സ്ഥാനം. ഐ 20 എൻ ലൈനിെൻറ വിലകൾ സെപ്റ്റംബറോടെ പ്രഖ്യാപിക്കും.
രണ്ട് വകഭേദങ്ങളിൽ രണ്ട് ഗിയർബോക്സ് ഒാപ്ഷനുമായിട്ടായിരിക്കും വാഹനം നിരത്തിലെത്തുക. 120എച്ച്.പി, 1.0 ലിറ്റർ ടർബോ-പെട്രോൾ എഞ്ചിനാണ് കരുത്തുപകരുന്നത്. N6 iMT, N8 iMT or DCT എന്നിങ്ങനെ രണ്ട് വേരിയൻറുകളാണ് വാഹനത്തിന് ഉണ്ടാവുക. മാനുവൽ ട്രാൻസ്മിഷൻ ഇല്ല. N6 വേരിയൻറിൽ തുടങ്ങി iMT ഗിയർബോക്സാണ് ഉണ്ടാവുക. ടോപ്പ്-സ്പെക്ക് N8 വേരിയൻറിൽ iMT അല്ലെങ്കിൽ DCT ഓട്ടോമാറ്റിക് ഉപയോഗിക്കും. സ്റ്റാേൻറർഡ് െഎ 20യേക്കാൾ വിലയും കൂടുതലായിരിക്കും. 12-13 ലക്ഷമാണ് വില പ്രതീക്ഷിക്കുന്നത്. സ്പോർട്ടിയായ ഫ്രണ്ട് ആൻഡ് റിയർ ബമ്പറുകൾ, സ്പോർട്ടിയർ ഗ്രിൽ, അഡീഷണൽ സ്കർട്ടുകൾ, റിയർ ഡിഫ്യൂസർ, ട്വിൻ-എക്സ്ഹോസ്റ്റ് പൈപ്പുകൾ, വലിയ വീലുകൾ, പ്രത്യേകതരം കളർ ഓപ്ഷനുകൾ എന്നിവ വാഹനത്തിന് ലഭിക്കും.
ഡാഷ്ബോർഡ് ലേഒൗട്ട് സാധാരണ കാറിന് സമാനമാണ്. ഓൾ-ബ്ലാക്ക് ഇന്റീരിയറിൽ ചുവന്ന ഹൈലൈറ്റുകളും ചുവന്ന ആംബിയൻറ് ലൈറ്റിങും നൽകിയിട്ടുണ്ട്. ലീഥെറെറ്റ് സീറ്റുകൾ, സ്പോർട്ടി മെറ്റൽ പെഡലുകൾ, ബെസ്പോക്ക് ത്രീ-സ്പോക്ക് സ്റ്റിയറിംഗ് വീൽ, എൻ-ബ്രാൻഡഡ് ലെതർ ഗിയർ നോബ് എന്നിവയ്ക്കൊപ്പം എൻ ലോഗോയോടുകൂടിയ ഒരു പുതിയ ചെക്കേർഡ് ഫ്ലാഗ് ഡിസൈനും ലഭിക്കുന്നു.10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ആപ്പിൾ കാർപ്ലേ, ആൻഡ്രോയിഡ് ഓട്ടോ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് ഫോൺ ചാർജിങ്, ക്രൂസ് കൺട്രോൾ, ഓട്ടോമാറ്റിക് ക്ലൈമറ്റ് കൺട്രോൾ, സിംഗിൾ-പാൻ സൺറൂഫ്, 7-സ്പീക്കർ ബോസ് സൗണ്ട് സിസ്റ്റം എന്നിവയും നൽകിയിട്ടുണ്ട്.
ഐ 20 എൻ ലൈനിന് പുതിയ വോയ്സ് റെക്കഗ്നിഷൻ ഫംഗ്ഷനുകളും അപ്ഡേറ്റുചെയ്ത ബ്ലൂലിങ്ക് ആപ്പും ലഭിക്കും. അതിൽ 16 സൗജന്യ ഓവർ-ദി-എയർ മാപ്പ് അപ്ഡേറ്റുകൾ ഉൾപ്പെടുന്നു. സുരക്ഷാ സവിശേഷതകളിൽ ആറ് എയർബാഗുകൾ, ടിപിഎംഎസ്, റിയർ-വ്യൂ പാർക്കിങ് ക്യാമറ, ഓട്ടോമാറ്റിക് ഹെഡ്ലാമ്പുകൾ, ഇലക്ട്രോണിക് സ്റ്റെബിലിറ്റി കൺട്രോൾ (ഇഎസ്സി), വെഹിക്കിൾ സ്റ്റെബിലിറ്റി മാനേജ്മെന്റ് (വിഎസ്സി), ഹിൽ അസിസ്റ്റ് കൺട്രോൾ (എച്ച്എസി) എന്നിവയും പ്രത്യേകതകളാണ്. 204 എച്ച്പി കരുത്തുള്ള ഐ 20 എൻ ലൈനുകൾ ഇറക്കുമതി ചെയ്യാനും ഹ്യുണ്ടായ്ക്ക് പദ്ധതിയുണ്ടെന്നാണ് സൂചന.
സെൽറ്റോസ് സ്പെഷൽ എഡിഷൻ എക്സ്-ലൈൻ
കിയ സെൽറ്റോസ് സ്പെഷൽ എഡിഷൻ മോഡലായ എക്സ്-ലൈൻ സെപ്റ്റംബർ തുടക്കത്തിൽ നിരത്തിലെത്തുമെന്നാണ് സൂചന. വാഹനത്തിെൻറ ചിത്രങ്ങളും വിശദാംശങ്ങളും കമ്പനി പുറത്തുവിട്ടിട്ടുണ്ട്. 2020 ഓട്ടോ എക്സ്പോയിൽ പ്രദർശിപ്പിച്ച എക്സ് ലൈൻ ആശയത്തിൽ നിന്ന് പ്രചോദിതമായാണ് പുതിയ വാഹനം നിർമിച്ചിരിക്കുന്നത്. ടാറ്റ ഹാരിയർ ഡാർക് എഡിഷന് പകരക്കാരനാകും സെൽറ്റൊസ് എക്സ് ലൈൻ എന്നാണ് കിയയുടെ പ്രതീക്ഷ. സ്റ്റാൻഡേർഡ് എസ്യുവിയിൽ ചില്ലറ നവീകരണങ്ങൾ വരുത്തിയാണ് സെൽറ്റോസ് എക്സ്-ലൈൻ നിർമിച്ചിരിക്കുന്നത്. സെപ്റ്റംബറിൽ വാഹനം ഒൗദ്യോഗികമായി വിൽപ്പനയ്ക്കെത്തും.
സ്പെഷ്യൽ എഡിഷൻ സെൽറ്റോസിെൻറ ഏറ്റവും വലിയ ഹൈലൈറ്റ് നിറമാണ്. മാറ്റ് ഗ്രാഫൈറ്റ് പെയിൻറ് ഒാപ്ഷനുമായിട്ടാണ് എക്സ് ലൈൻ വരുന്നത്. ഗ്ലോസ് ബ്ലാക്ക്, ഓറഞ്ച് ആക്സൻറുകളുടെ ധാരാളിത്തവും വാഹനത്തിനുണ്ട്. ഗ്രില്ലിനും ഇൻറീരിയറുകൾക്ക് അനുയോജ്യമായ മാറ്റ് ഗ്രാഫൈറ്റ് ഫിനിഷ് ലഭിക്കും. പിയാനോ ബ്ലാക് ഫ്രെയിമും ഗ്രില്ലിന് നൽകിയിട്ടുണ്ട്. ബമ്പറിലെ സിൽവർ സ്കിഡ് പ്ലേറ്റിന് പകരം ഓറഞ്ച് നിറത്തിലുള്ള പിയാനോ ബ്ലാക്ക് ട്രിം ഉപയോഗിച്ചിരിക്കുന്നു. എൽഇഡി ഫോഗ് ലാമ്പുകൾക്ക് ചുറ്റും പുതിയ പിയാനോ ബ്ലാക് ആക്സൻറുകളും ഉണ്ട്.
വശങ്ങളിലേക്ക് വന്നാൽ, സൈഡ് ഡോർ ഗാർണിഷിലും സെൻറർ വീൽ ക്യാപ്പുകളിലും ഓറഞ്ച് നിറത്തിലുള്ള ആക്സൻറുകൾ എക്സ് ലൈന് ലഭിക്കും. സൈഡ് മിററുകൾക്ക് പിയാനോ ബ്ലാക് ഫിനിഷാണ്. 18-ഇഞ്ച് അലോയ് ആണ് മറ്റൊരു പ്രത്യേകത. ടെയിൽ ഗേറ്റിലെ ക്രോം ഗാർണിഷ് കറുപ്പിച്ചിട്ടുണ്ട്. റിയർ ബമ്പറിനും എക്സ്ഹോസ്റ്റുകൾക്കും പുതിയ ഗ്ലോസ്സ് ബ്ലാക് ഫിനിഷും ഓറഞ്ച് ഹൈലൈറ്റ് ഉള്ള ബ്ലാക്ക്ഡ് ഒൗട്ട് സ്കിഡ് പ്ലേറ്റും വാഹനത്തിെൻറ പ്രത്യേകതയാണ്. ടെയിൽ ഗേറ്റിൽ പുതിയ എക്സ്-ലൈൻ ലോഗോയും ഉണ്ട്. വാഹനത്തിന് ഉള്ളിലെ പ്രധാന അപ്ഡേറ്റ് ഹണികോമ്പ് പാറ്റേണും ഗ്രേ സ്റ്റിച്ചിങും ഉള്ള ഇൻഡിഗോ ലെതർ സീറ്റുകളാണ്. ഡ്യുവൽ-ടോൺ ബ്ലാക് ആൻഡ് ഗ്രേ തീമിലാണ് ഡാഷ്ബോർഡ് പൂർത്തിയാക്കിയിരിക്കുന്നത്. മറ്റ് പ്രത്യേകതകളെല്ലാം സെൽറ്റോസിെൻറ ടോപ്പ്-സ്പെക്ക് ജിടി ലൈൻ ട്രിമ്മുകൾക്ക് സമാനമാണ്.
എം.ജി ആസ്റ്റർ
ആസ്റ്റർ എന്ന പേരിൽ പുതിയൊരു എസ്യുവിയെ വിപണിയിൽ അവതരിപ്പിക്കാൻ എംജി മോട്ടോർസ് ഇന്ത്യ തയ്യാറെടുക്കുകയാണ്. സെപ്റ്റംബർ മധ്യത്തോടെ വാഹനം നിരത്തിലെത്തുമെന്നാണ് പ്രതീക്ഷ. വാഹനത്തിെൻറ ചില സവിശേഷതകൾ എം.ജി പങ്കുവച്ചിട്ടുണ്ട്. ആസ്റ്ററിൽ വ്യക്തിഗത എഐ (ആർട്ടിഫിഷ്യൽ ഇൻറലിജൻസ്) അസിസ്റ്റ് ഉണ്ടായിരിക്കുമെന്നാണ് എം.ജി പറയുന്നത്. ഇതോടൊപ്പം ലെവൽ 2 അഡാസ് സംവിധാനവും ഉൾപ്പെടുത്തും. ഇവ രണ്ടും സെഗ്മെൻറ്-ഫസ്റ്റ് ഫീച്ചറുകളായിരിക്കും.
ഇൻറർനെറ്റ് അധിഷ്ഠിത സവിശേഷതകൾക്കായി ജിയോ ഇ-സിം ആസ്റ്ററിന് നൽകും. രണ്ട് പെട്രോൾ എഞ്ചിൻ ഓപ്ഷനുകളുമായിട്ടായിരിക്കും വാഹനം നിരത്തിലെത്തുക. അമേരിക്കൻ കമ്പനിയായ 'സ്റ്റാർ ഡിസൈൻ' രൂപകൽപന ചെയ്ത വ്യക്തിഗത എ.െഎ അസിസ്റ്റൻറുമായി വരുന്ന ആദ്യത്തെ ആഗോള എംജി മോഡലായിരിക്കും ആസ്റ്റർ. എ.െഎ അസിസ്റ്റൻറിനായി ഡാഷ്ബോർഡിൽ ഒരു ഇൻററാക്ടീവ് റോബോട്ടിനെ അവതരിപ്പിക്കും. മനുഷ്യരെപ്പോലെ ആശയവിനിമയം നടത്താൻ ശേഷിയുള്ള റോബോട്ട്, വിക്കിപീഡിയ വഴി നാം ചോദിക്കുന്ന വിഷയത്തെക്കുറിച്ച് വിശദമായ വിവരങ്ങൾ നൽകും. കാറിൽ ആളുകളുമായി ഇടപഴകുന്നതിനാണ് ഇത് രൂപകൽപ്പന ചെയ്തിരിക്കുന്നത്.
ബ്ലോക്ക്ചെയിൻ, മെഷീൻ ലേണിങ്, ആർട്ടിഫിഷ്യൽ ഇൻറലിജൻസ് തുടങ്ങിയ സാങ്കേതികവിദ്യകളെ സംയോജിപ്പിക്കുന്ന കാർ-എ-പ്ലാറ്റ്ഫോം (CAAP) സോഫ്റ്റ്വെയർ കൺസെപ്റ്റ് ലഭിക്കുന്ന ആദ്യ കാറായിരിക്കും ആസ്റ്റർ. മാപ്പ് മൈ ഇന്ത്യ, ജിയോ കണക്റ്റിവിറ്റി തുടങ്ങിയവയുമായുള്ള മാപ്പുകളും നാവിഗേഷനും ഉൾപ്പെടെ സബ്സ്ക്രിപ്ഷനുകളും സേവനങ്ങളും വാഹനം നൽകും.
ആസ്റ്ററിലെ ഏറ്റവും ശ്രദ്ധേയമായ സംവിധാനം അതിെൻറ ലെവൽ 2 അഡാസ് ടെക് ആണ്. ഇടത്തരം എസ്.യു.വി വിഭാഗത്തിൽ ആദ്യമായാണ് ലെവൽ 2 അഡാസ് ഉൾപ്പെടുത്തുന്നത്. എംജി ഗ്ലോസ്റ്ററിന് പോലും ലെവൽ 1 അഡാസ് സാങ്കേതികവിദ്യയാണുള്ളത്. അഡാപ്റ്റീവ് ക്രൂസ് കൺട്രോൾ, ഫോർവേഡ് കോളിഷൻ വാണിങ്, ഓട്ടോമാറ്റിക് എമർജൻസി ബ്രേക്കിങ്, ലെയ്ൻ കീപ്പ് അസിസ്റ്റ്, ലെയ്ൻ ഡിപ്പാർച്ചർ വാണിങ്, ലെയ്ൻ ഡിപാർച്ചർ പ്രിവൻഷൻ, ഇൻറലിജൻറ് ഹെഡ്ലാമ്പ് കൺട്രോൾ (ഐഎച്ച്സി), റിയർ ഡ്രൈവ് അസിസ്റ്റ് തുടങ്ങിയ സവിശേഷതകൾ അഡാസ് കൊണ്ടുവരും. ആസ്റ്ററിെൻറ ഇൻഫോടെയിൻമെൻറ് സിസ്റ്റം ജിയോ ഇ-സിം ഉപയോഗിച്ച് പ്രവർത്തിക്കുന്ന ഇൻ-കാർ കണക്റ്റിവിറ്റി സവിശേഷതകളോടെ വരുമെന്ന് എംജി നേരത്തെ പ്രഖ്യാപിച്ചിരുന്നു.
ഫോക്സ്വാഗൻ ടൈഗൺ
ടൈഗണിെൻറ വില സെപ്റ്റംബർ 23ന് പ്രഖ്യാപിക്കുെമന്നാണ് ഫോക്സ്വാഗൺ പ്രഖ്യാപിച്ചിരിക്കുന്നത്. ഇന്ത്യ 2.0 പ്രോഗ്രാമിന് കീഴിലുള്ള ആദ്യ ഫോക്സ്വാഗൺ മോഡലാണിത്. സ്കോഡ കുശാക്കിെൻറ ഇരട്ടയായാണ് ടൈഗൺ വിലയിരുത്തപ്പെടുന്നത്. രണ്ട് എസ്യുവികളും ഡോറുകൾ, മേൽക്കൂര, ഗ്ലാസ്ഹൗസ് തുടങ്ങിയവ പങ്കിടുന്നുണ്ട്. ടൈഗണിന് ഫോക്സ്വാഗെൻറ ഡിസൈൻ തീമിന് അനുസൃതമായി വ്യത്യസ്തമായ മുൻഭാഗവും പിൻഭാഗവും ലഭിക്കുന്നു. ടൈഗണിൽ വരുന്ന ടർബോ-പെട്രോൾ എഞ്ചിൻ ഓപ്ഷനുകൾ കുശാക്കുമായി പങ്കിടും.
ഫോഴ്സ് ഗൂർഖ
ഇന്ത്യൻ ഒാഫ്റോഡറുകളിൽ എതിരാളികളില്ലാതെ വിലസുന്ന മഹീന്ദ്ര ഥാറിന് വെല്ലുവിളി ഉയർത്തിയാണ് ഫോഴ്സ് ഗൂർഖയെത്തുന്നത്. പുതിയ എസ്.യു.വിയുടെ ടീസർ ഫോഴ്സ് മോേട്ടാഴ്സ് പുറത്തിറക്കി. ഡൽഹി ഓട്ടോ എക്സ്പോയിലാണ് ഫോഴ്സ് ഗൂർഖ 4X4 എസ്യുവി ആദ്യമായി അവതരിപ്പിച്ചത്. സെപ്റ്റംബറിൽ വാഹനം ഒൗദ്യോഗികമായി നിരത്തിലിറക്കുമെന്നാണ് സൂചന.
2021 മൂന്നാം പാദത്തിൽ (ജൂലൈ മുതൽ സെപ്റ്റംബർ വരെ) ഗൂർഖ പുറത്തിറക്കുമെന്ന് ഫോഴ്സ് നേരത്തെ സ്ഥിരീകരിച്ചിരുന്നു. മൂന്ന്-ഡോർ, അഞ്ച്-ഡോർ പതിപ്പുകളിൽ ഗൂർഖ പുറത്തിറങ്ങാൻ സാധ്യതയുണ്ട്. എൽഇഡി ഡിആർഎല്ലുകൾ, പുതിയ ഗ്രിൽ, ഫ്രണ്ട് ബമ്പർ, ഫ്രണ്ട് ഫെൻഡറുകളിൽ സ്ഥാപിച്ചിരിക്കുന്ന ടേൺ ഇൻഡിക്കേറ്ററുകൾ, പുനർരൂപകൽപ്പന ചെയ്ത ടെയിൽലൈറ്റുകൾ, പുതുതായി രൂപകൽപ്പന ചെയ്ത ചക്രങ്ങൾ, ടെയിൽഗേറ്റ് ഘടിപ്പിച്ച സ്പെയർ വീൽ, പുതിയ ഹെഡ്ലൈറ്റുകൾ പോലുള്ള നിരവധി ഡിസൈൻ നവീകരണങ്ങൾ ഗൂർഖയിൽ കാണാം. ഓട്ടോ എക്സ്പോയിൽ പ്രദർശിപ്പിച്ച മോഡൽ ഏറെ പരുക്കനായാണ് കാണപ്പെട്ടത്. ഉൽപ്പാദന പതിപ്പിൽ അത് എത്രത്തോളം തുടരുമെന്ന് കണ്ടറിയണം.
ഉള്ളിലെത്തിയാൽ, രണ്ടാം നിരയിൽ ക്യാപ്റ്റൻ സീറ്റുകളാണ്. ഏറ്റവും പിന്നിൽ സൈഡ് ഫെയ്സിങ് ജമ്പ് സീറ്റുകളും ലഭിക്കും. ക്യാബിന് ഓൾ-ബ്ലാക്ക് ഡാഷ്ബോർഡ്, പുതിയ ടച്ച്സ്ക്രീൻ സിസ്റ്റം, ഉരുണ്ട എയർ വെൻറുകൾ, മൂന്ന് സ്പോക് സ്റ്റിയറിങ് വീൽ എന്നിവ ലഭിക്കാൻ സാധ്യതയുണ്ട്. എ-പില്ലർ മൗണ്ടഡ് ഗ്രാബ് റെയിൽ, ഗ്ലൗ ബോക്സ് എന്നിവ പുതിയ ഗൂർഖയിൽ പ്രതീക്ഷിക്കപ്പെടുന്ന മറ്റ് ചില സവിശേഷതകളാണ്.
ബിഎസ് ആറ്, 2.6 ലിറ്റർ ഡീസൽ എഞ്ചിനായിരിക്കും വാഹനത്തിന്. ഇത് 5 സ്പീഡ് ഗിയർബോക്സുമായി ബന്ധിപ്പിക്കുമെന്ന് പ്രതീക്ഷിക്കുന്നു. എഞ്ചിൻ പരമാവധി 89 ബി.എച്ച്.പി ഒൗട്ട്പുട്ടും 260 എൻ.എം ടോർക്കും ഉത്പാദിപ്പിക്കും. ഒരു ഓൾ-വീൽ ഡ്രൈവ് സംവിധാനവും വാഹനത്തിന് ലഭിക്കും. മുന്നിലെ സ്വതന്ത്ര ഫ്രണ്ട് സസ്പെൻഷനും പിന്നിലെ കരുത്തുള്ള ആക്സിലും എസ്യുവിയുടെ പ്രധാന ഹൈലൈറ്റുകളാണ്.
ടാറ്റ പഞ്ച്
ഏറെ നാളായി പറഞ്ഞുകേൾക്കുന്നതാണ് ടാറ്റ എച്ച്.ബി.എക്സ് എസ്.യു.വിയുടെ വിശേഷങ്ങൾ. 2019 ലെ ജനീവ മോട്ടോർ ഷോയിലാണ് എച്ച് 2 എക്സ് എന്ന പേരിൽ കൺസെപ്റ്റ് വാഹനം ആദ്യമായി അവതരിപ്പിച്ചത്. 2020 ഡൽഹി ഓട്ടോ എക്സ്പോയിൽ എച്ച്ബിഎക്സ് എന്ന പേരിലും കൺസെപ്റ്റ് വെളിപ്പെടുത്തപ്പെട്ടു. ശനിയാഴ്ച വാഹനത്തിെൻറ ടീസർ അവതരിപ്പിച്ചിരുന്നു ടാറ്റ. ഹോൺബിൽ എന്നാണ് ടാറ്റ ജീവനക്കാരുടെ ഇടയിൽ വാഹനം അറിയപ്പെട്ടിരുന്നത്. എല്ലാ അഭ്യൂഹങ്ങൾക്കും വിരാമമിട്ട് ടാറ്റ തന്നെ ഒൗദ്യോഗികമായി വാഹനത്തിെൻറ പേരും ചിത്രവും പുറത്തുവിട്ടു. പഞ്ച് എന്നാണ് പുതിയ മൈക്രോ എസ്.യു.വി അറിയപ്പെടുക. ടാറ്റയുടെ എസ്യുവി നിരയിൽ നെക്സോണിന് താഴെയായിട്ടായിരിക്കും പഞ്ച് ഇടംപിടിക്കുക.
ടാറ്റ പഞ്ച് വില പ്രഖ്യാപനം വരും മാസങ്ങളിൽ നടക്കും. വാഹനത്തിൽ 1.2 ലിറ്റർ എൻഎ, ടർബോ-പെട്രോൾ എഞ്ചിനുകൾ ഉപയോഗിക്കുമെന്നാണ് പ്രതീക്ഷിക്കപ്പെടുന്നത്. ഹാരിയർ, സഫാരി എന്നിവയിൽ കാണുന്ന ഡിസൈെൻറ തുടർച്ച പഞ്ചിൽ കാണാനാകും. മുൻ ബമ്പറും ബോഡി ക്ലാഡിങും കൺസെപ്റ്റിൽ നിന്ന് എടുത്തിട്ടുണ്ട്. സ്ക്വയർഡ് വീൽ ആർച്ചുകളും ബോഡി ലൈനുകളും എസ്യുവി രൂപം വാഹനത്തിന് നൽകുന്നുണ്ട്. ഡ്യുവൽ-ടോൺ പെയിൻറ് ഓപ്ഷനുകൾ മേൽക്കൂരയ്ക്ക് ഫ്ലോട്ടിംഗ് പ്രഭാവം സൃഷ്ടിക്കുന്നു. 16 ഇഞ്ച് വീലുകളാണ് പഞ്ചിലുള്ളത്. 1.2 ലിറ്റർ പെട്രോൾ എഞ്ചിനാണ് വാഹനത്തിൽ പ്രതീക്ഷിക്കപ്പെടുന്നത്. പ്ലാറ്റ്ഫോം ആൾട്രോസുമായി പങ്കുവെക്കും. മോഡുലാർ ആൽഫാ ആർക്കിടെക്ചറിനെ അടിസ്ഥാനമാക്കിയുള്ള ബ്രാൻഡിെൻറ രണ്ടാമത്തെ ഉൽപ്പന്നമായിരിക്കും ഇത്. പഞ്ചിന് 3,840 എംഎം നീളം, 1,822 എംഎം വീതി, 1,635 എംഎം ഉയരം, 2,450 എംഎം വീൽബേസ് എന്നിവയും നൽകിയിട്ടുണ്ട്.
മിക്ക വേരിയന്റുകളിലും 7.0 ഇഞ്ച് ഫ്രീ സ്റ്റാൻഡിങ് ഇൻഫോടെയ്ൻമെൻറ് സ്ക്രീൻ സ്റ്റാൻഡേർഡായിരിക്കും. സ്പോർട്ടി ത്രീ-സ്പോക്ക് ഫ്ലാറ്റ്-ബോട്ടം സ്റ്റിയറിംഗ് വീൽ, ആൾട്രോസിൽ നിന്നുള്ള ഡിജിറ്റൽ ഇൻസ്ട്രുമെൻറ് ക്ലസ്റ്റർ, സ്വിച്ച്-ഗിയർ, മുൻ സീറ്റുകൾ എന്നിവയും നൽകും.വാഹനത്തിന് 5 ലക്ഷം രൂപയ്ക്ക് താഴെ വില ആരംഭിക്കുമെന്നാണ് പ്രതീക്ഷ. മാരുതി സുസുകി ഇഗ്നിസ്, വരാനിരിക്കുന്ന ഹ്യുണ്ടായ് കാസ്പർ പോലുള്ള ഉയർന്ന റൈഡിംഗ് ക്രോസ്ഓവറുകളും നിസാൻ മാഗ്നൈറ്റ്, റെനോ കൈഗർ തുടങ്ങിയ എൻട്രി ലെവൽ കോംപാക്റ്റ് എസ്യുവികളും പഞ്ചിന് എതിരാളികളാവും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.