റോഡിലൂടെ ചീറിപ്പായുന്ന 'മിഗ്​ 21'; ഇത്​ വേറി​െട്ടാരു മോഡിഫിക്കേഷൻ

റോയൽ എൻഫീൽഡ്​ ബൈക്കുകളിൽ ഏറ്റവും ആരാധകരുള്ള മോഡലുകളിൽ ഒന്നാണ്​ ഇൻറർസെപ്​ടർ 650.​ റോയലി​െൻറ 650 ഇരട്ടകൾ എന്നറിയപ്പെടുന്ന മോഡലുകളാണ്​ ഇൻറർസെപ്​ടറും കോണ്ടിനെൻറൽ ജി.ടിയും. അതുപോലെ ഇന്ത്യൻ വ്യോമസേനയുടെ അഭിമാന പോരാളിയാണ്​​ മിഗ്​ 21 പോർവിമാനം. ഇത്​ രണ്ടി​േൻറയും ആരാധകരിലൊരാൾ ഇരു വാഹനങ്ങളേയും കൂട്ടിയിണക്കി ഒരു മോഡിഫൈഡ്​ വാഹനം രൂപകൽപ്പന ചെയ്​തിരിക്കുകയാണ്​. ബംഗളൂരു കേന്ദ്രമാക്കി പ്രവർത്തിക്കുന്ന 'ബുള്ളെറ്റീർ കസ്​റ്റംസ്'​ ആണ്​ വാഹനം രൂപകൽപ്പന ചെയ്​തിരിക്കുന്നത്​.

ആദ്യ നോട്ടത്തിൽതന്നെ ആരേയും ആകർഷിക്കുന്ന രൂപകൽപ്പനയാണ്​ വാഹനത്തിന്​. യുദ്ധവിമാനത്തി​െൻറ മുൻഭാഗത്തിനെ അനുസ്​മരിപ്പിക്കുന്ന വലിയ ഫ്രണ്ട്​ ഫെയറിങ്ങ്​ നൽകിയത്​ ബൈക്കിന്​ എടുപ്പ്​ നൽകുന്നു​. പിന്നിലും ഇതി​െൻറ തുടർച്ച കാണാം. കളർ കോമ്പിനേഷ​െൻറ മികച്ച ഉപയോഗവും ബൈക്കിലെ എംഐജി 21 ഡിസൈൻ ലേബലുകളും മികച്ചതാണ്​.വാഹനത്തി​െൻറ എഞ്ചിൻ ഉൾപ്പടെയുള്ള മെക്കാനിക്കൽ ഭാഗങ്ങളിൽ മാറ്റം വരുത്തിയിട്ടില്ല. 650 സിസി എയർ/ഓയിൽ-കൂൾഡ് എഞ്ചിൻ നിലനിർത്തിയിട്ടുണ്ട്​. പരമാവധി കരുത്ത്​ 47 എച്ച്പിയാണ്​. 52 എൻഎം മാക്​സിമം ടോർക്കും ലഭിക്കും.

ബൈക്കിന് കൂടുതൽ സ്റ്റൈലിഷ് ലുക്ക് നൽകുന്നതിന് എക്‌സ്‌ഹോസ്റ്റുകൾ മാറ്റിയിട്ടുണ്ട്​. 18 ഇഞ്ച് വയർ-സ്‌പോക്ക് യൂനിറ്റിന് പകരം 17 ഇഞ്ച് അലോയ്​കൾ വന്നു​. മണിക്കൂറിൽ 180 കിലോമീറ്റർ വേഗതയിൽ ബൈക്ക്​ ഒാടിക്കാമെന്നും പുതിയ സജ്ജീകരണങ്ങൾ സ്ഥിരതയാർന്നതാണെന്നും 'ബുള്ളെറ്റീർ കസ്​റ്റംസ്'​ അവകാശപ്പെടുന്നു. ഇൻറർസെപ്റ്ററി​െൻറ പരിഷ്​കരിച്ച പതിപ്പിന് ഫിയർലെസ് 650 എന്നാണ്​ പേരിട്ടിരിക്കുന്നത്​.