'എ​െൻറ സന്തോഷം'; പുതിയ വാഹനം സ്വന്തമാക്കി പ്രിയ നായിക

മലയാള സിനിമയിലെ നായിക നടി സംയുക്ത മേനോന്‍ ത​െൻറ പുതിയ വാഹന വിശേഷം ആരാധകരുമായി പങ്കുവച്ചു. നടി തന്നെയാണ് ഈ സന്തോഷം ആരാധകരുമായി പങ്കുവെച്ചത്. കൊച്ചിയിലെ ബി.എം.ഡബ്ല്യു. വിതരണക്കാരായ ഇ.വി.എം. ഓട്ടോക്രാഫ്റ്റില്‍ നിന്നാണ് താരം ആഡംബര വാഹനം സ്വന്തമാക്കിയത്. 'എ​െൻറ സന്തോഷം നിങ്ങളുമായി പങ്കുവക്കുന്നു'എന്നാണ്​ നടി ഇൻസ്​റ്റഗ്രാമിൽ കുറിച്ചത്​.

മെല്‍ബണ്‍ റെഡ് ഫിനിഷിങ്ങില്‍ ഒരുങ്ങിയിട്ടുള്ള വാഹനമാണ് സംയുക്ത തിരഞ്ഞെടുത്തത്. ത്രീ സീരീസ് ഗ്രാന്‍ ലിമോസിന്‍ 320 എല്‍.ഡി.ഐ ഡീസല്‍ എന്‍ജിന്‍ മോഡലാണ് ഈ വാഹനം. KL 07 CX 3696 എന്നാണ്​ നമ്പർ. 53.90 ലക്ഷം രൂപയാണ് വാഹനത്തിന്റെ എക്‌സ്‌ഷോറൂം വില.

ബി.എം.ഡബ്ല്യു ത്രീ സീരീസ്

ബി.എം.ഡബ്ല്യു ത്രീസീരീസ് പ്രീമിയം സെഡാന്റെ ലോങ്ങ് വീല്‍ബേസ് പതിപ്പാണ്​ ഗ്രാന്‍ ലിമോസിന്‍ 320 എല്‍.ഡി.ഐ. ഈ വര്‍ഷമാണ്​ വാഹനം ഇന്ത്യയില്‍ അവതരിപ്പിച്ചത്​. റെഗുലര്‍ പതിപ്പിനെക്കാള്‍ 110 എം.എം. അധിക വീല്‍ബേസുമായാണ് ഗ്രാന്‍ ലിമോസിന്‍ എത്തുന്നത്. 12.3 ഇഞ്ച് വലിപ്പമുള്ള ഇന്‍സ്ട്രുമെന്റ് ക്ലെസ്റ്റര്‍, ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ സംവിധാനങ്ങളുള്ള 10.25 ഇഞ്ച് വലിപ്പമുള്ള ഇന്‍ഫോടെയ്ന്‍മെന്റ് സിസ്റ്റം, ത്രീ സോണ്‍ ക്ലൈമറ്റ് കണ്‍ട്രോള്‍, കണക്​ടഡ് കാര്‍ സാങ്കേതികവിദ്യ, എയര്‍ പ്യൂരിഫയര്‍ തുടങ്ങിയ ഫീച്ചറുകള്‍ നല്‍കിയിട്ടുണ്ട്.

2.0 ലിറ്റര്‍ നാല് സിലിണ്ടര്‍ പെട്രോള്‍-ഡീസല്‍ എന്‍ജിനുകളിലാണ് വാഹനം പുറത്തിറങ്ങുന്നത്. പെട്രോള്‍ എന്‍ജിന്‍ 254 ബി.എച്ച്.പി പവറും 400 എന്‍.എം. ടോര്‍ക്കും ഡീസല്‍ എന്‍ജിന്‍ 187 ബി.എച്ച്.പി. പവറും 400 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. 52.50 മുതല്‍ 53.90 ലക്ഷം വരെയാണ് വാഹനത്തി​െൻറ വില.