ഡ്രൈവർമാരെ 'ഹൃദ്രോഗികളാക്കുന്ന' നഗരങ്ങളിൽ ഒന്നാമത്തേത്​ ഇന്ത്യയിൽ; സമ്മർദം കടുത്തതെന്നും പഠനം

സമ്മർദം എന്ന ഒറ്റക്കാരണംകൊണ്ടുമാത്രം മനുഷ്യനുണ്ടാകുന്ന രോഗങ്ങൾ നിരവധിയാണ്​. അതിൽ ഏറ്റവും പ്രധാനമാണ്​ ഹൃദയരോഗങ്ങൾ. അങ്ങിനെയെങ്കിൽ ​ലോകത്ത്​ ഏറ്റവുംകൂടുതൽ ഡ്രൈവർമാരായ ഹൃദ്രോഗികൾ ഉണ്ടാവുക ഒരു ഇന്ത്യൻ നഗരത്തിലായിരിക്കും. രാജ്യത്തി​െൻറ വാണിജ്യ തലസ്​ഥാനമായ മുംബൈ ആണ്​ ആ നഗരം. ലോകത്തിൽ ഏറ്റവും കൂടുതൽ ഡ്രൈവിങ്​ സമ്മർദമുണ്ടാക്കുന്ന നഗരമാണ്​​ മുംബൈ എന്നാണ്​ പഠനങ്ങൾ വെളിപ്പെടുത്തുന്നത്​​. യു.കെ ആസ്​ഥാനമായുള്ള കമ്പനി നടത്തിയ പഠനത്തിലാണ്​ വിവരങ്ങൾ ലഭിച്ചത്​.

സർവ്വേകൾ പറയുന്നത്​

ഹിയാകാർ എന്ന യു.കെ കമ്പനി അടുത്തിടെ ഒരു സർവേ നടത്തിയിരുന്നു. ലോകത്തിലെ ഏറ്റവും ജനസംഖ്യയുള്ള 36 നഗരങ്ങളിലാണ്​ പഠനംനടത്തിയത്​. ഡ്രൈവർമാർക്ക് ഏറ്റവും വെല്ലുവിളി നിറഞ്ഞ റോഡുകളുള്ള സ്​ഥലം കണ്ടെത്തുകയായിരുന്നു ലക്ഷ്യം. ഇന്ത്യയുടെ ദേശീയ തലസ്ഥാനമായ ഡൽഹി, ബംഗളൂരു എന്നിവയും പട്ടികയിലുണ്ടെങ്കിലും ഡ്രൈവ് ചെയ്യാൻ ഏറ്റവും സമ്മർദ്ദമുള്ള നഗരമായി സർവേ കണ്ടെത്തിയത്​ മുംബൈയെയാണ്​.

നിരവധി ഘടകങ്ങളെ അടിസ്​ഥാനമാക്കിയാണ്​ സർവേ നടത്തിയത്​. ട്രാഫിക് തിരക്കി​െൻറ തീവ്രത, പ്രതിശീർഷ കാറുകളുടെ എണ്ണം, പൊതുഗതാഗത ഓപ്ഷനുകൾ, നഗരത്തിലെ മൊത്തം വാഹനങ്ങളുടെ എണ്ണം, റോഡുകളുടെ ഗുണനിലവാരം, നഗര സാന്ദ്രത, പ്രതിവർഷമുള്ള ട്രാഫിക് അപകടങ്ങളുടെ എണ്ണം എന്നിവയാണ് പരിഗണിച്ചത്​

അവസാനം ഓരോ നഗരത്തിനും സ്കോർ നൽകിയിട്ടുണ്ട്​. ഒരു നഗരത്തിന് നേടാൻ കഴിയുന്ന പരമാവധി സ്കോർ 10 ആയിരുന്നു. പട്ടികയിൽ മുംബൈ 7.4 സ്കോർ നേടിയപ്പോൾ ഡൽഹിയുടേത്​ 5.9 ആണ്​. ബംഗളൂരുവി​നാക​െട്ട 4.7 സ്കോർ ലഭിച്ചു. പട്ടികയിൽ 11 ആം സ്ഥാനത്താണ് പൂന്തോട്ട നഗരം. വാഹനം ഓടിക്കാൻ ഏറ്റവും സമ്മർദ്ദം കുറവുള്ള നഗരം പെറുവി​െൻറ തലസ്ഥാന നഗരമായ ലിമയാണ്. 2.1 ആണ് ലിമയുടെ സ്​കോർ.