കാർ പാർക്കിങ്​ ഇടത്തിനായി മുടക്കിയത്​ 13 ലക്ഷം ഡോളർ; ഹോ​േങ്കാങ്ങിലെ 'സൂപ്പർ റിച്ചി​'െൻറ ജീവിതം പറയുന്നതെന്താണ്​?

ജീവിതത്തിൽ പലതരം സാമ്പത്തിക ബുദ്ധിമുട്ടുകൾ നമ്മൾ അനുഭവിച്ചിട്ടുണ്ടാകും. അതിൽ വീടും കാറും വാങ്ങാനും ബിസിനസ്​ തുടങ്ങാനുമുള്ള പ്രയാസങ്ങളും ഉണ്ടാകും. എന്നാൽ വാങ്ങിയ കാർ ഇടാനുള്ള ഇത്തിരി സ്​ഥലത്തിനായി ബുദ്ധിമുട്ടുന്ന കോടീശ്വരന്മാരെകുറിച്ച്​ കേട്ടിട്ടുണ്ടോ​? പൊങ്ങച്ച ചർച്ചകളിൽ താൻ അടുത്തുവാങ്ങിയ പാർക്കിങ്​ സ്​ഥലത്തേക്കുറിച്ച്​ വാചാലമാകുന്ന ശതകോടീശ്വരന്മാർ. അങ്ങിനേയും ചിലർ ലോകത്തുണ്ട്​. പറഞ്ഞുവരുന്നത്​ ഹോ​​േങ്കാങ്ങിനെക്കുറിച്ചാണ്​. ഏഷ്യയിലെ ഏറ്റവും ആഡംബരം നിറഞ്ഞ ഭവനങ്ങളും വിലകൂടിയ ഭൂമികളുമുള്ള അതേ ഹോ​േങ്കാങ്ങ്​.

ഹോ​േങ്കാങ്ങിലെ ഏറ്റവും വിലപിടിച്ച റിയൽ എസ്​റ്റേറ്റ്​ മേഖലകളിലൊന്നിൽ വിറ്റുപോയ പാർക്കിങ്​ സ്​ഥലത്തി​െൻറ മൂല്യം കേട്ട്​ ഞെട്ടിയിരിക്കുകയാണ്​ ലോകം. 13 ലക്ഷം ഡോളറിനാണ് ഒരു കാർ പാർക്ക്​ ചെയ്യാനുള്ള സ്​ഥലം റിയൽ എസ്​റ്റേറ്റ്​ കമ്പനി വാങ്ങിയത്​​. 13 ലക്ഷം ഡോളറെന്നാൽ ഏകദേശം 9.50 കോടി രൂപവരും. ഇത്രയും പണമുണ്ടെങ്കിൽ ലോക​ത്ത്​ ഇന്ന്​ ലഭ്യമായ ഏതൊരു സൂപ്പർ കാറും ഒരാൾക്ക്​ വാങ്ങാനാകുമെന്നതാണ്​ രസകരം.

ദി പീക്​ റെസിഡൻഷ്യൽ ഏരിയ

ഹോങ്കോങ്ങിലെ ദി പീക്​ റെസിഡൻഷ്യൽ ഏരിയയിലാണ്​ അപൂർവ്വമായ കച്ചവടം നടന്നത്​. പഗാനി ഹുവേര, 2022 പോർഷെ 911 ജിടി 3, പോർഷെ 918 സ്‌പൈഡർ തുടങ്ങിയ എണ്ണംപറഞ്ഞ സ്​പോർട്​സ്​ കാറുകൾ വാങ്ങുന്നതിന്​ തുല്യമായ തുകക്കായിരുന്നു​ കച്ചവടം​. 2019 ൽ ഹോങ്കോങ്ങിൽ തന്നെ 9,80,000 ഡോളറിന്​ ഒരു പാർക്കിങ്​ സ്​ഥലം വിറ്റുപോയിരുന്നു. ഇൗ റെക്കോർഡാണ്​ ഇപ്പോൾ പഴങ്കഥയായത്​. ഇൗ സമയം ഒരു ചോദ്യം തീർച്ചയായും എല്ലാവരുടേയും മനസിൽ ഉയർന്നുവരാം. എന്തുകൊണ്ടാണ് ഹോങ്കോങ് ഇത്രമാത്രം ചെലവേറിയ നഗരമായി മാറുന്നത്​. ഒന്നാമത്തെ കാരണം സ്​ഥലപരിമിതിതന്നെ. വാഹനങ്ങൾ നിരത്തിലിറങ്ങുന്നതിന്​ അനുസരിച്ച് സ്​ഥലസൗകര്യം കൂടുന്നില്ല.

​മറ്റൊന്ന്​ ഇത്തരമൊരു ഇടം നൽകുന്ന ഗ്ലാമറും ഉൗഹക്കച്ചവട വിപണിയിലെ മൂല്യവുമാണ്​. ഏഷ്യയിലെതന്നെ ഏറ്റവും വിലകൂടിയ ഭൂമികളുള്ള വിക്ടോറിയ ഹാർബറിനടുത്താണ്​ പാർക്കിങ്​ സ്​ഥലം. ഏഷ്യയിലെ ഏറ്റവും വിലയേറിയ വീടുകളും ഇവിടെയാണുള്ളത്​. ഇൗ സ്​ഥലം സ്വന്തമാക്കിയത്​ ഏതെങ്കിലും വ്യക്​തിയല്ല എന്നതും ശ്രദ്ധേയമാണ്​. മൗണ്ട് നിക്കോൾസൺ എന്ന റിയൽ എസ്​റ്റേറ്റ്​ കമ്പനിയാണ്​ പുതിയ കച്ചവടത്തിന്​ പിന്നിൽ. ആഗോള സാമ്പത്തിക കേന്ദ്രമായതിനാൽ ഹോങ്കോങ്​ വളരെ തിരക്കേറിയതും താമസിക്കാൻ ഏറ്റവും ചെലവേറിയതുമായ സ്ഥലങ്ങളിൽ ഒന്നാണ്.