സ്യൂട്ട്​കേസ്​ കാർ; മസ്​ദയുടെ എഞ്ചിനീയറിങ്​ വിസ്​മയം പിറന്നിട്ട്​ മൂന്ന്​ പതിറ്റാണ്ട്​

വർഷം 1990...ജാപ്പനീസ്​ വാഹന നിർമാതാക്കളായ മസ്​ദ വിസ്​മയകരമായൊരു കണ്ടുപിടിത്തം നടത്തി. സ്യൂട്ട്​കേസ്​ കാർ എന്നാണ്​ അവരതിനെ വിളിച്ചത്​. ഒരു സ്യൂട്ട്​കേസിലൊതുങ്ങുന്ന വാഹനം എന്നതായിരുന്നു മസ്​ദയുടെ സങ്കൽപ്പം. എക്കാലത്തെയും ചെറിയ കാറെന്ന പദവി ഇപ്പോഴും സ്യൂട്ട്​കേസ്​ കാറിനാണ്​. കാറിനായി പ്രത്യേക പേരൊന്നും മസ്​ദ നൽകിയിരുന്നില്ല. പക്ഷേ മനോഹരമായ ഇൗ ചെറിയ യന്ത്രം ഇപ്പോഴും നമ്മുടെ ഒാർമകളിൽ തങ്ങിനിൽക്കുന്നു എന്നതാണ്​ അതി​െൻറ സവിശേഷത.

സ്യൂട്ട്​കേസ്​ കാറി​െൻറ ജനനം

1990 കൾ മസ്​ദയുടെ സുവർണ കാലഘട്ടമായിട്ടാണ്​ അറിയപ്പെടുന്നത്​. റോട്ടറിയിൽ പ്രവർത്തിക്കുന്ന 787 ബി റേസർ ഉപയോഗിച്ച് ലെ മാൻ‌സ് എന്ന ലോകത്തെ ഏറ്റവും അഭിമാനകരമായ റേസ്​ കമ്പനി ജയിച്ച്​ നിൽക്കുന്ന കാലമാണത്​. ഇൗ സമയമാണ്​ സ്യൂട്ട്‌കേസിൽ‌ നിർമ്മിക്കുന്ന കാർ‌ എന്ന ആശയം ജനിക്കുന്നത്​. ഏഴ് എഞ്ചിനീയർമാർ ചേർന്നാണ്​ സ്യൂട്ട്​കേസ്​ കാറിനെ സൃഷ്​ടിച്ചത്​. മാനുവൽ ട്രാൻസ്​മിഷൻ ടെസ്റ്റിംഗ് ആൻറ്​ റിസർച്ച് ഗ്രൂപ്പിൽ നിന്നുള്ള എഞ്ചിനീയർമാരായിരുന്നു അവർ. അവർക്ക് കണ്ടെത്താൻ കഴിയുന്ന ഏറ്റവും വലിയ സാംസോണൈറ്റ് സ്യൂട്ട്‌കേസ്​ വാങ്ങിയാണ്​ വാഹനത്തി​െൻറ പുറംഭാഗം ഒരുക്കിയത്​.

ഒരു ടോയ് ബൈക്കിൽ നിന്നുള്ള 33.6 സിസി, 1.7 എച്ച്പി ടു-സ്ട്രോക്ക് എഞ്ചിനാണ്​ വാഹനത്തിന്​ കരുത്തുപകർന്നത്​. സ്റ്റിയറിങിന്​ പകരം ടോയ് ബൈക്കി​െൻറ ഹാൻഡിൽ തന്നെയാണ്​ ഉപയോഗിച്ചത്​. 4-6 ഇഞ്ച് വ്യാസമുള്ള ടയറുകൾ പിന്നീട് സ്യൂട്ട്‌കേസിൽ ഘടിപ്പിച്ചു. സ്യൂട്ട്കേസ് നിവർത്തി കാറി​െൻറ രൂപമാക്കാൻ ഒരു മിനിറ്റ് മാത്രമാണ്​ വേണ്ടിയിരുന്നത്​. മണിക്കൂറിൽ 30 കിലോമീറ്റർ വേഗത കൈവരിക്കാനാകുമായിരുന്നു. ഏതാനും ദിവസങ്ങൾക്കുള്ളിൽ പ്രോട്ടോടൈപ്പ് വാഹനം നിർമിക്കപ്പെട്ടു. ഇപ്പോഴും മസ്​ദയുടെ പക്കൽ സ്യൂട്ട്കേസ് കാറുകളിൽ ഒരെണ്ണം അവശേഷിച്ചിട്ടുണ്ട്​.

മസ്​ദ ഒരിക്കലും സ്യൂട്ട്കേസ് കാർ വൻതോതിൽ നിർമിച്ചിരുന്നില്ല. കൊണ്ടുനടക്കാൻ ആകുമെങ്കിലും ഇൗ സംവിധാനത്തി​െൻറ ആകെ ഭാരം 32 കിലോയോളം വരുമായിരുന്നു. ചെറിയ ഇന്ധന ടാങ്ക് കാരണം ഹ്രസ്വ ഓട്ടത്തിന് ശേഷം ഇന്ധനം നിറക്കുകയെന്ന വെല്ലുവിളിയും ഉണ്ടായിരുന്നു. പറക്കുന്ന കാറുകൾ നിർമിക്കപ്പെടുന്ന ഇക്കാലത്തും കൗതു​കം ഉണർത്തുന്ന ഒന്നാണ്​ സ്യൂട്ട്​കേസ്​ കാർ എന്ന വിസ്​മയം.