രാജ്യത്തെ ഏറ്റവുംകൂടുതൽ കാത്തിരിപ്പ്​ കാലമുള്ള അഞ്ച്​ വാഹനങ്ങൾ​; അറിയാം ഇന്ത്യയിലെ സൂപ്പർ സ്​റ്റാറുകളെ

വാഹനത്തി​െൻറ ജനപ്രിയത നിശ്​ചയിക്കുന്നതിന്​ പല മാനദണ്ഡങ്ങൾ ഉണ്ട്​. അതിലൊന്നാണ്​ വെയ്​റ്റിങ്​ പീരീഡ്​ അഥവാ കാത്തിരിപ്പ്​ കാലം. വാഹനം ബുക്ക്​ ചെയ്​തുകഴിഞ്ഞാൽ നമ്മുടെ കയ്യിലെത്താനെടുക്കുന്ന സമയമാണിത്​. ഇത്​ വർധിക്കുന്നതനുസരിച്ച്​ വാഹനങ്ങളുടെ ഡിമാൻഡും വർധിക്കുന്നതായി മനസിലാക്കാം. നിലവിൽ നിരവധി വാഹനങ്ങൾക്ക്​ മാസങ്ങളുടെ കാത്തിരിപ്പ്​ കാലം ഇന്ത്യയിലുണ്ട്​. അതിലെ ആദ്യ അഞ്ച്​ സ്​ഥാനക്കാർ ആരാണെന്ന്​ നോക്കാം.

1. മഹീന്ദ്ര ഥാർ

പുതുതലമുറ ഥാർ മഹീന്ദ്രയെ സംബന്ധിച്ച്​ വൻ വിജയമായിരുന്നു. കഴിഞ്ഞ വർഷമാണ്​ വാഹനം വിപണിയിലെത്തിയത്​. ഒാഫ്​റോഡർ എന്നതിൽ നിന്നുമാറി ഫാമിലി ഒാഫ്​റോഡർ എന്ന ആശയമായിരുന്നു ഥാർ അവതരിപ്പിച്ചപ്പോൾ മഹീന്ദ്രക്ക്​ ഉണ്ടായിരുന്നത്​. സിനിമാ താരങ്ങൾ മുതൽ ലോക്കൽ താരങ്ങൾവരെ ഥാർ സ്വന്തമാക്കിയിട്ടുണ്ട്​. ഥാർ എസ്‌യുവിയുടെ നിലവിലെ കാത്തിരിപ്പ് കാലയളവ് കണക്കാക്കിയാൽ, ചില വേരിയൻറുകൾക്ക്​ ഒരു വർഷം വരെയാണ്. മിക്ക വേരിയൻറുകൾക്കും അഞ്ചുമുതൽ 10 മാസംവരെ കാത്തിരിപ്പ്​ കാലയളവുണ്ടെന്നതും പ്രത്യേകതയയാണ്​. ഥാറി​െൻറ വില ആരംഭിക്കുന്നത് 12.11 ലക്ഷത്തിലാണ്​. ഥാറിന്​ നിലവിൽ നേരിട്ടുള്ള എതിരാളി ഇല്ല. ഫോഴ്‌സ് പുറത്തിറക്കാനിരിക്കുന്ന ഗൂർഖ, ഥാറിന്​ മികച്ച എതിരാളിയാണ്​.

2.​ ഹ്യൂണ്ടായ്​ ക്രെറ്റ

ഹ്യൂണ്ടായ് കഴിഞ്ഞ വർഷമാണ്​ ക്രെറ്റയുടെ പരിഷ്​കരിച്ച പതിപ്പ്​ ഇന്ത്യൻ വിപണിയിൽ അവതരിപ്പിച്ചത്​. മികച്ച വിൽപ്പനയുള്ള മിഡ് സൈസ് എസ്‌യുവിയാണിത്. ചില നഗരങ്ങളിൽ ഒമ്പത്​ മാസമാണ് ക്രെറ്റയുടെ കാത്തിരിപ്പ് കാലയളവ്. അടിസ്ഥാന വേരിയൻറിനുള്ള ആവശ്യം പോലും വളരെ ഉയർന്നതാണെന്നതും ക്രെറ്റയുടെ പ്രത്യേകതയാണ്​. 9.99 ലക്ഷത്തിലാണ്​ ക്രെറ്റയുടെ വില ആരംഭിക്കുന്നത്​. 17.70 ലക്ഷംവരെ വിലവരും. ഇത്രയും കാലം കാത്തിരിക്കാനാകുന്നില്ലെങ്കിൽ ക്രെറ്റക്ക്​ ചില ബദലുകൾ ലഭ്യമാണ്. ചില നഗരങ്ങളിൽ 5 മാസം വരെ കാത്തിരിക്കേണ്ട സെൽറ്റോസ് ഉണ്ട്. മിഡ്-സൈസ് എസ്‌യുവി വിഭാഗത്തിൽ മത്സരിക്കുന്ന സ്കോഡ കുഷാക്ക് അടുത്തിടെ പുറത്തിറക്കിയിട്ടുണ്ട്.

3. മാരുതി എർട്ടിഗ

ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെടുന്ന എംപിവിയാണ് മാരുതി എർട്ടിഗ. വാണിജ്യ വാഹനമായും ഇത് വ്യാപകമായി ഉപയോഗിക്കുന്നുണ്ട്​. എർട്ടിഗയുടെ വില ആരംഭിക്കുന്നത് 7.81 ലക്ഷത്തിലാണ്​. ടോപ്പ് എൻഡ് വേരിയൻറിന് 10.59 ലക്ഷം എക്സ്ഷോറൂം വിലവരും. വാഹനത്തിന്​ നിലവിൽ നേരിട്ടുള്ള എതിരാളി ഇല്ല. എന്നാൽ വിലയുമായി തട്ടിച്ചുനോക്കു​േമ്പാൾ ലഭിക്കാവുന്ന ബദൽ എംപിവി മാരുതിയുടെതന്നെ എക്​സ്​എൽ 6 ആണ്. എർട്ടിഗയേക്കാൾ പ്രീമിയംവാഹനമാണിത്​. നെക്​സ ഡീലർഷിപ്പുകൾ വഴിയാണ്​ എക്​സ്​എൽ 6 വിൽക്കുന്നത്​. എക്​സ്​എൽ 6​െൻറ വില ആരംഭിക്കുന്നത്​ 9.94 ലക്ഷം രൂപയിലാണ്​.

4. നിസാൻ മാഗ്​നൈറ്റ്​

കഴിഞ്ഞ വർഷമാണ്​ മാഗ്നൈറ്റ് വിപണിയിൽ അവതരിപ്പിക്കപ്പെട്ടത്​. വിപണിയിൽ ലഭിക്കുന്ന ഏറ്റവും വിലകുറഞ്ഞ കോംപാക്റ്റ് എസ്‌യുവികളിൽ ഒന്നാണിത്. മാഗ്നൈറ്റി​െൻറ വില ആരംഭിക്കുന്നത് 5.59 ലക്ഷം രൂപയിലാണ്​. ഉയർന്ന വകഭേദത്തിന്​ 10 ലക്ഷം വിലവരും. ചില നഗരങ്ങളിൽ, മാഗ്നൈറ്റിനായുള്ള കാത്തിരിപ്പ് കാലയളവ് ആറ്​ മുതൽ ഏഴ്​ മാസം വരെയാണ്​. മാഗ്നൈറ്റിന് പകരം ലഭിക്കുന്ന നിരവധി ഓപ്ഷനുകൾ വിപണിയിൽ ലഭ്യമാണ്​. മാഗ്നൈറ്റുമായി എഞ്ചിൻ, ട്രാൻസ്മിഷൻ എന്നിവ പങ്കിടുന്ന റെനോ കൈഗർ ആണ്​ ഇതിൽ പ്രധാനം. 1 മുതൽ 2 മാസം വരെയാണ് കൈഗറി​െൻറ പരമാവധി കാത്തിരിപ്പ് കാലാവധി. കൈഗർ വില ആരംഭിക്കുന്നത് 5.64 ലക്ഷം രൂപയാണ്​.

5. കിയ സോനറ്റ്​

ഇന്ത്യൻ വിപണിയിലെ ഏറ്റവും വിജയകരമായ കോംപാക്റ്റ് എസ്‌യുവികളിൽ ഒന്നാണ് കിയ സോനറ്റ്. 6.79 മുതൽ 13.35 ലക്ഷം വരെയാണ്​ സോനറ്റി​െൻറ വിവിധ വേരിയൻറുകളുടെ വില. സോനറ്റി​െൻറ കാത്തിരിപ്പ് കാലയളവ് അഞ്ച്​ മാസം വരെയാണ്​. സോനറ്റിന്​ ഒരു ബദൽ തിരയുകയാണെങ്കിൽ, ഹ്യുണ്ടായ് വെന്യൂ തിരഞ്ഞെടുക്കാവുന്നതാണ്​. കാരണം സമാനമായ വിലയും ഒരേ എഞ്ചിൻ, ട്രാൻസ്മിഷൻ ഓപ്ഷനുകളുമാണ്​ ഇരു വാഹനങ്ങൾക്കും. സോനറ്റിന് അൽപ്പം വലിയ ബൂട്ട് ഉണ്ടെന്നത്​ മാത്രമാണ്​ വ്യത്യാസം. വെന്യൂവി​െൻറ വില 6.92 ലക്ഷത്തിൽ ആരംഭിക്കും.