എല്ലാവർക്കും വേണം ടൊയോട്ട ; എന്താണീ വിജയരഹസ്യം? ഒരു ജാപ്പനീസ്​ ബ്രാൻഡ്​ രാജ്യം കീഴടക്കുന്നത്​ ഇങ്ങിനെയാണ്​

ലോകത്തെ ഏറ്റവും വിശ്വസ്​തമായ വാഹന നാമങ്ങളിലൊന്നാണ്​ ടൊയോട്ട. ഇന്ത്യക്കാരെ സംബന്ധിച്ച്​ ടൊയോട്ടയെന്നാൽ ഇന്നോവയും ഫോർച്യൂണറുമാണ്​. പഴകുംതോറും വിലവർധിക്കുന്ന ലോകത്തെ അപൂർവ്വം വാഹനങ്ങളാണിത്​. എന്താണ്​ എല്ലാവർക്കും ടൊയോട്ടയോട്​ ഇത്ര താൽപ്പര്യം?. ഫോർച്യൂണർ പോലെ വലുതും വിലകൂടിയതുമായ വാഹനംപോലും ഇത്രമാത്രം ജനപ്രിയമായി തുടരാൻ കാരണമെന്താകും?. നിലവിൽ ഇന്ത്യയിൽ ഏറ്റവും കൂടുതൽ വിൽക്കുന്ന പൂർണ വലിപ്പത്തിലുള്ള എസ്‌യുവിയാണ് ടൊയോട്ട ഫോർച്യൂണർ. ഏറെക്കാലമായി ഇൗ സ്​ഥാനത്ത്​ തുടരുന്നതും ഫോർച്യൂണറാണ്​. ഇപ്പോഴും പുത്തൻ മിഡ്-സൈസ് എസ്‌യുവികൾക്ക്​ പകരം ആളുകൾ ഇഷ്​ടപ്പെടുന്നത്​ സെക്കൻഡ്​ഹാൻഡ്​ ടൊയോട്ടയാണ്​. ഫോർച്യൂണറി​െൻറ ജനപ്രിയതയുടെ കാരണങ്ങൾ തേടുകയാണിവിടെ.

ടൊയോട്ടയെന്ന ബ്രാൻഡ്

വിശ്വാസ്യതയാണ്​ ടൊയോട്ട എന്ന ബ്രാൻഡി​െൻറ ഏറ്റവുംവലിയ മൂലധനം. വിശ്വാസ്യതയിൽ വെള്ളംചേർക്കുന്നതിനേക്കാൾ കമ്പനി ഇഷ്​ടപ്പെടുന്നത്​ വാഹനം വിൽക്കാതിരിക്കാനാണ്​. കേന്ദ്ര സർക്കാറി​െൻറ ചൂഷണാത്മകമായ നികുതിഘടനക്കെതിരേ നിരവധിതവണ പ്രതി​ഷേധിച്ചിട്ടുണ്ട്​ ടൊയോട്ട. ഇത്രയും ഭീമമായ നികുതികളുള്ള നാട്ടിൽ വാഹനം വിൽക്കണമെങ്കിൽ വില വർധിപ്പിക്കാതെ നിവൃത്തിയില്ല എന്നും​ പറഞ്ഞിട്ടുണ്ട്​. വില കുറക്കാനായി തങ്ങളുടെ ബ്രാൻഡ്​ വാല്യൂവിൽ വെള്ളംചേർക്കാൻ ജാപ്പനീസ്​ നിർമാതാവ്​ ഒരിക്കലും തയ്യാറായിരുന്നില്ല.

എംപിവി ആയ ക്വാളിസുമായാണ്​ ടൊയോട്ട ഇന്ത്യൻ വിപണിയിൽ പ്രവേശിച്ചത്​. ക്വാളിസ് വിപണിയിൽ ഹിറ്റായിരുന്നു. 2009 ലാണ് അവർ ഫോർച്യൂണർ അവതരിപ്പിച്ചത്. അതും ജനപ്രിയമാകാൻ അധികകാലം വേണ്ടിവന്നില്ല. രാജ്യത്ത്​ ഈ വിഭാഗത്തിൽ ഏറ്റവും കൂടുതൽ വിൽക്കുന്ന എസ്‌യുവിയാണ്​ ഫോർച്യൂണർ. വാഹനത്തി​െൻറ പ്രതിച്ഛായ കാരണം പല രാഷ്ട്രീയക്കാരും അവരുടെ വാഹനവ്യൂഹമായി ഉപയോഗിക്കുന്നതും ഫോർച്യൂണറിനെയാണ്​.

പുനർവിൽപ്പന മൂല്യം

ടൊയോട്ടയുടെ പുനർവിൽപ്പന മൂല്യം എതിരാളികളേക്കാൾ വളരെ കൂടുതലാണ്. മികച്ച ​നിലവാരത്തിലുള്ള സെക്കൻഡ്​ഹാൻഡ്​ ഫോർച്യൂണറിനും ഇന്നോവക്കുമെല്ലാം​ വാങ്ങിയതിനേക്കാൾ വില ലഭിക്കും. 15-20 ലക്ഷം മുടക്കി പുതിയ എസ്​.യു.വികൾ വാങ്ങുന്നതിനേക്കാൾ പഴയ ഫോർച്യൂണർ വാങ്ങാൻ ഇഷ്​ടപ്പെടുന്ന നിരവധി ആളുകൾ രാജ്യത്തുണ്ട്​. തങ്ങളുടെ വാഹനങ്ങൾ 5 വർഷത്തിനു ശേഷവും അവയുടെ മൂല്യത്തി​െൻറ 68 ശതമാനം നിലനിർത്തുമെന്നാണ്​ ടൊയോട്ട പറയുന്നത്​.

വിൽപ്പന ശൃംഖല

ഇന്ത്യയിലെ മികച്ച വിൽപ്പന ശൃംഖലകളിലൊന്നാണ് ടൊയോട്ടയുടേത്​. രാജ്യത്തെ എല്ലാ പ്രധാന നഗരങ്ങളിലും പട്ടണങ്ങളിലും ടൊയോട്ട സേവന കേന്ദ്രങ്ങൾ കണ്ടെത്താൻ കഴിയും. ടൊയോട്ടയ്ക്ക് ഇന്ത്യയിലുടനീളം ഏകദേശം 400 സർവീസ് ഒൗട്ട്ലെറ്റുകളും 80 ലധികം ഡീലർഷിപ്പുകളും ഉണ്ട്. ഫോർച്യൂണറിന്​ മൂന്ന് വർഷം അല്ലെങ്കിൽ ഒരു ലക്ഷം കിലോമീറ്റർ വരെ സ്​റ്റാ​േൻറഡ് വാറൻറി ടൊയോട്ട വാഗ്ദാനം ചെയ്യുന്നു. ആവശ്യമെങ്കിൽ അഞ്ച് വർഷം വരെ വാറൻറി നീട്ടാനും കഴിയും. ഇത് ആദ്യ ഉടമയ്ക്ക് മാത്രമല്ല പിന്നീട്​ വാഹനം വാങ്ങുന്നവർക്കും മനസമാധാനം നൽകും. ടൊയോട്ടയുടെ റോഡ്​സൈഡ്​ അസിസ്​റ്റ്​ സംവിധാനവും മികച്ചതാണ്​.

മികച്ച സർവീസ്​

ഓട്ടോമൊബൈൽ വ്യവസായത്തിലെ ഏറ്റവും താങ്ങാനാവുന്ന സർവ്വീസ്​ ചെലവുകളാണ്​ ടൊയോട്ടക്കുള്ളത്​. ടൊയോട്ട എഞ്ചിനുകൾക്കുള്ള വി​ശ്വാസ്യത മറ്റൊരു നിർമാതാവിനും ഇല്ലാത്തതും എടുത്തുപറയേണ്ടതാണ്​​.​ പീരിയോഡിക്കൽ സർവ്വീസുകൾ ചെയ്​ത് മുന്നോട്ട്​ പോയാൽ ഏറെക്കാലം വാഹനം കേടുകൂടാതിരിക്കും​. മിതമായ സർവ്വീസ്​ ചാർജുകളാണ്​ മറ്റൊരു ആകർഷക ഘടകം. ടൊയോട്ടയുടെ ഡീസൽ എഞ്ചിനുകൾ അവയുടെ വിശ്വാസ്യതയ്ക്ക് ലോകമെമ്പാടും പ്രസിദ്ധമാണ്. ഫോർച്യൂണറി​െൻറയൊക്കെ ഡീസൽ എഞ്ചിന് 44 ശതമാനം ഉയർന്ന താപ കാര്യക്ഷമതയുണ്ട്. ലോകത്തിലെതന്നെ ഏറ്റവും കാര്യക്ഷമമായ ഡീസൽ എഞ്ചിനുകളാണണ് ടൊയോട്ട നിർമിക്കുന്നത്​. ഫോർച്യൂണറി​െൻറ ഡീസൽ എഞ്ചിൻ 204 പിഎസ് കരുത്തും 500 എൻഎം ടോർക്കും ഉത്പാദിപ്പിക്കും.

നിരവധി വകഭേദങ്ങൾ

തിര​ഞ്ഞെടുക്കാൻ ധാരാളം വകഭേദങ്ങളുള്ള വാഹനങ്ങളാണ്​ ടൊയോട്ടയുടേത്​. ഫോർച്യൂണറിൽ പെട്രോൾ, ഡീസൽ എഞ്ചിനുകളും നിരവധി കോമ്പിനേഷനുകളും ലഭ്യമാണ്​. മാനുവൽ ഗിയർബോക്​സിനുപുറമേ ഓട്ടോമാറ്റിക് സംവിധാനവും ഓൾ-വീൽ ഡ്രൈവ് സിസ്​റ്റവുമൊക്കെ ടൊയോട്ടയിൽ ലഭിക്കും. പെട്രോൾ എഞ്ചിൻ വാഹനം 4 × 2 ആയി മാത്രമേ ലഭിക്കുകയുള്ളൂ. പക്ഷേ ഇത് മാനുവൽ അല്ലെങ്കിൽ ഓട്ടോമാറ്റിക് ട്രാൻസ്മിഷനുകളിൽ ലഭിക്കും.ഡീസൽ എൻജിനിൽ 4 × 4 അല്ലെങ്കിൽ 4 × 2 തിരഞ്ഞെടുക്കാം. ഇവ രണ്ടും മാനുവൽ അല്ലെങ്കിൽ ഓട്ടോമാറ്റിക് ഗിയർബോക്​സിൽ ലഭ്യമാണ്​. വലിയ എസ്​.യു.വി വിഭാഗത്തിൽ മറ്റൊരു നിർമാതാവും പെട്രോൾ എഞ്ചിൻ നൽകാത്തതും ഫോർച്യൂണറിനെ സവിശേഷമാക്കുന്ന ഒന്നാണ്.