750 സി.സിയുടെ കരുത്തിൽ ബുള്ളറ്റെത്തും

750 സി.സി കരുത്തിൽ റോയൽ എൻഫീൽഡി​​െൻറ പുതിയ പടക്കുതിര വിപണിയിലെത്തുന്നു.  നവംബർ ഏഴിന് മിലാനിൽ നടക്കുന്ന മോ​േട്ടാർ ഷോയിൽ ​ ബൈക്കി​നെ കമ്പനി ഒൗദ്യോഗികമായി അവതരിപ്പിക്കുമെന്നാണ്​ പ്രതീക്ഷിക്കുന്നത്​. ആഗോള ലോഞ്ചിലുടെ ബൈക്കുകളുടെ ​മിഡ്​ വെയ്​റ്റ്​ വിഭാഗത്തിൽ ലോകവിപണിയിൽ ശ്രദ്ധേയ സാന്നിധ്യമാവാമെന്നാണ്​ റോയൽ എൻഫീൽഡി​​െൻറ കണക്കുകൂട്ടൽ. നിലവിൽ ബൈക്ക്​ റേസ്​ ട്രാക്കുകളിൽ ടെസ്​റ്റ്​ ചെയ്യുന്നതി​​െൻറ ചില ചിത്രങ്ങൾ സാമൂഹിക മാധ്യമങ്ങളിലൂടെ പ്രചരിക്കുന്നുണ്ട്​. 

റോയൽ എൻഫീൽഡി​​െൻറ കഫേറേസർ ശ്രേണിയിലായിരിക്കും പുതിയ ബൈക്കി​​െൻറ അരങ്ങേറ്റം. രൂപഭാവങ്ങളിൽ കോണ്ടിനൻറൽ ജി.ടിയോട്​ സാമ്യമുണ്ടാകും. മുൻ പിൻ ടയറുകളുടെ വലിപ്പത്തിലും വ്യത്യാസമുണ്ടാകും. സുരക്ഷക്കായി എ.ബി.എസ്​ സ്​റ്റാൻഡേർഡായി നൽകാനുള്ള സാധ്യതയുണ്ട്​. ഇൻസ്​ട്രുമെ​േൻറഷൻ ക്ലസ്​റ്ററിലും മാറ്റങ്ങൾ പ്രതീക്ഷിക്കാം.

50 ബി.എച്ച്​.പി പവറും 60 എൻ.എം ടോർക്കുമാണ്​ എൻഫീൽഡി​​െൻറ ഇൗ കരുത്തൻ എൻജിൻ നൽകുക. മിലാനിലെ അരങ്ങേറ്റത്തിന്​ ശേഷം മറ്റ്​ വിപണികളിലേക്ക്​ എൻഫീൽഡി​​െൻറ 750 സി.സി ബൈക്ക്​ എത്തുമെന്നാണ്​ പ്രതീക്ഷിക്കുന്നത്​.