പുതിയ വാഗൺ ആർ ഉടനെത്തും; ടീസറുമായി മാരുതി
text_fieldsവാഗൺ ആറിെൻറ രണ്ടാം വരവിന് മുന്നോടിയായി എക്സ്റ്റീരിയറിെൻറ ടീസർ ചിത്രങ്ങൾ പുറത്ത് വിട്ട് മാരുതി. 10 സ െക്കൻഡ് ദൈർഘ്യമുള്ള ടീസർ വീഡിയോയിലുടെയാണ് വാഗൺ ആറിെൻറ വരവ് മാരുതി അറിയിച്ചിരിക്കുന്നത്. രണ്ടാം തലമുറ വാഗൺ ആറിെൻറ ബുക്കിങ് ജനുവരി 23ന് ആരംഭിക്കുമെന്നും മാരുതി അറിയിച്ചിട്ടുണ്ട്.
![WAGANOR-25](https://www.madhyamam.com/sites/default/files/WAGANOR-25_1.jpg)
മാരുതിയുടെ ഹെർടാടെക്ട് പ്ലാറ്റ്ഫോമിലാണ് പുതിയ വാഗൺ ആറെത്തുക. പുതിയ സ്വിഫ്റ്റ്, ഡിസയർ തുടങ്ങിയ മോഡലുകൾ മാരുതി നിർമിച്ചത് ഇൗ പ്ലാറ്റ്ഫോമിലായിരുന്നു. കരുത്ത് കൂടിയ 1.2 ലിറ്റർ പെട്രോൾ എൻജിനും പുതിയ വാഗൺ ആറിലുണ്ടാകും. മുൻ മോഡലുമായി താരത്മ്യം ചെയ്യുേമ്പാൾ നീളവും വീതിയും കൂടുതലാണ്. പുതിയ ഗ്രിൽ, ഹെഡ്ലാമ്പ്, പ്ലാസ്റ്റിക് ക്ലാഡിങ്ങോട് കൂടിയ എയർഡാം എന്നിവയെല്ലാമാണ് മുൻവശത്തെ പ്രധാന സവിശേഷതകൾ.
പിൻവശത്തും മാരുതി മാറ്റങ്ങൾ വരുത്തിയിട്ടുണ്ട്. ടെയിൽഗേറ്റ്, നീളത്തിലുള്ള എൽ.ഇ.ഡി ലൈറ്റ്, ബംബർ എന്നിവയിലാണ് മാറ്റങ്ങൾ. ആറ് നിറങ്ങളിൽ വാഗൺ ആർ ഇന്ത്യൻ വിപണിയിലേക്ക് എത്തുന്നത്. നിലവിലുള്ള 1.0 ലിറ്റർ നാല് സിലിണ്ടർ എൻജിന് പുറമേ 1.2 ലിറ്റർ പെട്രോൾ എൻജിനും വാഗൺ ആറിലുണ്ടാകും. അഞ്ച് സ്പീഡ് മാനുവലായിരിക്കും ട്രാൻസ്മിഷൻ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.